Витаминка зеде учество на 7. HRM Конгрес 2026, кој што претставува најзначаен регионален настан во областа на управување со човечки ресурси, кој се одржува во Белград и обединува повеќе од 500 HR директори, лидери и експерти од различни индустрии.

На конгресот присуствуваа Верица Исајловска, администратор за човечки ресурси и Драгана Петреска, соработник за општи работи во правниот сектор. Во фокусот се современата улога на HR како стратешки партнер на бизнисот, развојот и задржувањето на талентите, како и примената на нови технологии и аналитика во управувањето со луѓе. Се отвораат и прашања за организациска култура и лидерство во време на промени.

Со учество на вакви собири, Витаминка продолжува да инвестира во знаење и современи практики, затоа што развојот на компанијата започнува со развојот на тимот.

Продавницата на НЕПТУН во Прилеп повторно ги отвора вратите во Катната гаража кај старата автобуска станица, на ул. „Сотка Ѓорѓиоски“ бр. 61Б.

📅 Од 25 до 28 февруари искористете ја можноста да пазарувате со попусти до 50% на целиот асортиман!

По повод реотворањето, купувачите ќе добијат:

✔️ двојно повеќе поени на Happy картичката
✔️ ексклузивни подароци
✔️ специјални промотивни понуди

Не ја пропуштајте шансата за одлична заштеда!

Проверете и посетете го НЕПТУН Прилеп!

Здружението на јавни обвинители so реакција до Собранието на Република Македонија во врска со предлогот за изменување на Законот за платите на јавните обвинители, кои власта предлага да се намалат како дел од пакетот за намалување на платите на сите функционери

На дневен ред на денешната седница на Собранието се очекува да се расправа за Предлог на закон за изменување на Законот за платите на јавните обвинители, Предлог на закон за изменување на Законот за платите на судиите, Предлог на закон за изменување на Законот за платите на членовите на Советот на јавните обвинители и Предлог на закон за изменување на Законот за платите на членовите на Судскиот совет, сите по скратена постапка.

Во реакцијата на обвинителите упатена до Собранието се наведува:

1. Јавните обвинители се свесни за сложената економска ситуација во која се наоѓа државата и за потребата од ефикасни мерки за штедење. Меѓутоа, мора да нагласиме дека согласно член 2 од Законот за платите на јавните обвинители, платата на јавниот обвинител не може да биде намaлена со закон или одлука на државен орган, освен при утврдена дисциплинска одговорност.

2. Јавните обвинители извршуваат сложена и одговорна работа и го носат товарот на кривичниот прогон и тоа без соодветни материјални услови и доволна стручна поддршка. Законски предвидените додатоци за сложеност на трудот со години наназад не им се исплаќаат поради недостаток на средства во Буџетот.

3. Исто така, функцијата јавен обвинител е неспојлива со извршувањето на каква било друга функција или дејност. Поради тоа, платата е единствен приход за јавните обвинители и таа се движи во распон од минимални помалку од 90.000 до максимални 130.000 денари. Со вакви износи платите на македонските јавни обвинители се апсолутно најниски во регионот, а со останатите европски земји не можат ниту да се компарираат:

4. Имаме обврска да ве информираме дека Уставниот суд, на иницијатива на Здружението на јавните обвинители, веќе има донесено решение У.бр.71/25 од 24.12.2025 година со кое поведе постапка за оценка на уставноста на последните измени на Законот за платите на јавните обвинители, со кои веќе се интервенираше со намалување на коефициентите и ограничување на порастот на платите.

Иако конечната одлука на Уставниот суд за ова прашање не е се уште донесена, имаме обврска да укажеме на штетните правни последици доколку со ново законско решение дополнително се продлабочат оспорените недоследности.

Оценката на уставноста на претходните законски измени се проверка на уставната усогласеност и на измените кои сега се предлагаат, бидејќи повторно при иста методологија на пресметка на плати, се намалуваат коефициентите со што всушност се влијае за намалување на платите.

Сметаме дека тоа е противуставно и незаконито решение со кое се загрозува независноста на јавните обвинители преку економски притисок, од кои причини, како што наведовме погоре, бараме оваа точка да биде повлечена од дневниот ред, а потребата од измена на Законот во предложената насока да биде детално преиспитана, стои во писмото од Јавните обвинители до Собранието.

Силно се развива авиосообраќајот во Македонија. Ова денеска на својот профил на социјалната мрежа Фејсбук го напиша вицепремиерот и министер за транспорт, Александар Николоски.

-Отворени се 22 нови рути кои ја поврзуваат Македонија со цела Европа. Аеродромите во државата со се поголем број на патници стануваат лидери во регионот. Продолжуваме во период кој следи со уште повеќе активности со цел зајакнување на авиосообраќајот, напиша Николоски.

Од ЕВН Македонија информираат дека во наредните три дена ќе има планирани прекини во снабдувањето со електрична енергија во делови од Прилеп и околните населени места.

– ПЛАНИРАНИ ПРЕКИНИ на ЕЛЕКТРИЧНА ЕНЕРГИЈА на 25.02 2026 год. (Среда) од 09.00 ч. до 15.00 часот ќе има во следните места и делови од Општина Прилеп: Манастир Св. Пантелејмон, с. Бешиште, с. Дуње, с. Чаниште, с. Градењшница, с. Будимирци, с. Старавина, и (Среда) од 10.30 ч. до 14.00 часот во с. Зовиќ

– ПЛАНИРАНИ ПРЕКИНИ на ЕЛЕКТРИЧНА ЕНЕРГИЈА на 26.02 2026 год. (Четврток) од 09.15 ч. до 15.00 часот ќе има во следните места и делови од Општина Прилеп. с. Ерековци, с. Канатларци, с. Марул, С. Лопатица, с. Бонче, и с. Подмол.

– ПЛАНИРАНИ ПРЕКИНИ на ЕЛЕКТРИЧНА ЕНЕРГИЈА на 27.02 2026 год. (Петок) од 09.00 ч. до 15.00 часот ќе има во следните места и делови од Општина Прилеп. Манастир Св. Пантелејмон, с. Бешиште, с. Дуње, с. Чаниште, с. Градешница, с. Будимирци, с. Старавина и с. Зовиќ.

Во Прилеп преживеал обичај кој носи име – Тримир, и го „прославуваат“ жените. Овој адет се пренесува со генерации. Имено, домаќинка на Тримирот е мајката на „младата невеста“ и таа кани гостинки на прослава.

На „прославата“ се доаѓа со дар, односно некаков посен специјалитет, овошје или боза. На трпезата има зелници, гравче … Атмосферата е весела, распеана. Толку знам!

Во минатото било правило домаќинката да држи Тримир до денот кога доаѓале гостинките. Но што, во суштина, е Тримир-от?

Во вистинската смисла и суштина на зборот, тримирот е тридневно воздржување од храна и вода и претставува особен подвиг, се разбира пропратен со молитва, во светата Четириестница. На третиот ден „тримирџиите“ се причестуваат со телото и крвта Христови и се напиваат света вода.

Но, прославувањето за кое споменав, воопшто не соодветствува со вистинскиот Тримир. Денешните домаќинки, воопшто не постат, а уште помалку се причестуваат. Некои можеби и постат, но само заради адет.

Оние кои постат во вистинската смисла на зборот, ја познаваат суштината на постот и не организираат прослави зашто прославата не соодветствува со овие денови на пост и молитва.

Исто така, на трпезата се принесува храна подготвена со масло, а овие денови постот е „на вода“. Затоа, овој обичај, нема допирна точка со името кое го носи и со постот. Впрочем, овој обичај го нарушува Великиот пост.

ФОТО/илустрација

-На 23.02.2026 во 20:30 часот во ОВР Прилеп e пријавено дека во с.Дебреште, општина Долнени, патничко возило „опел” со прилепски регистарски ознаки, управувано од 14-годишен малолетник од с.Дебреште, удрило во бетонски столб.

Во несреќата, 14-годишен сопатник од с.Дебреште се здобил со тешки телесни повреди, додека возачот и 16-годишен сопатник од с.Дебреште се здобиле со телесни повреди, констатирани во Градска општа болница Прилеп.

Увид извршила увидна екипа на ОВР Прилеп – информираат од МВР.

Поранешниот претседател на Кривичниот суд и судија во Одделот за организиран криминал, Владимир Панчевски, на саркастичен начин на социјалните мрежи реагираше по последните случувања поврзани со случајот против Артан Груби.

-Апелирам до обвинителството после се што ни приреди, веднаш да ги повлече сите основани сомненија против Артан Груби, според проценките на МВР и АНБ ако во оваа фаза постоел ризик, истиот нема можност да биде суден во државава бидејки ако биде осуден нема гаранции за негова безбедност да ја издржува евентуалната затворска казна! Ослободете го Груби! ПРАВДА ЗА ГРУБИ !!! П.С. Да не заборавиме дека вака со куќен притвор е залудна идна казна бидејки сега си ја издржува казната дома!

На денешната седница на Советот на Прилеп се дискутираше за новите правила кои се однесуваат на поставување урбана опрема од страна на угостителските објекти, при што беа појаснети измените во програмата за користење јавна површина.

Раководителот на урбанизам при Општина Прилеп, Илија Беличоски, истакна дека технички програмата претрпела минимални измени.

„Технички оваа програма се разликува само во еден мал дел – промената е во насловот, кој е променет од причини што дел од елементите кои ги користат угостителите не претставуваат урбана опрема. Дополнително, се намалува површината на закуп од 6 метри на 4,5 метри“, појасни Беличоски.

Тој нагласи дека нема да биде дозволено издавање одобренија за користење јавна површина која е заградена со стакленици, паравани и слични конструкции пред угостителски објекти. Според него, токму угостителите се тие кои бараат воведување ред во оваа сфера.

„Одобренијата кои ќе им бидат доставени оваа година ќе се прилагодуваат на просторните услови. Разгледани се сите опции за сите граѓани кои планираат да ги користат јавните површини за таа дејност. Од вчерашната дебата со угостителите е констатирано дека сите го сакаат тој ред“, истакна раководителот на урбанизам.

Со предложените измени, локалната самоуправа очекува поголема уреденост на јавниот простор и јасни правила за поставување урбана опрема во централното градско подрачје.

Во Крушево започна уредување на уште една локација во централното градско подрачје, информира градоначалникот Нико Чонески.

Станува збор за простор кој подолг период беше неуреден и неискористен, а со актуелните активности се трансформира во функционална површина наменета за потребите на граѓаните.

Во моментов, на терен се врши расчистување, рамнење и подготовка на просторот со соодветна механизација, со цел создавање уредена и пристапна површина во централното градско подрачје.

Од локалната самоуправа потенцираат дека остануваат посветени на реализација на конкретни проекти што носат општа корист и придонесуваат за подобрување на секојдневниот живот на граѓаните.