Од септември ќе има повторно покачување на пензиите, но се уште, не сме разговарале за тоа дали ќе биде линеарно или процентуално, иако го знаете мојот став дека јас сум поборник за тоа да има линеарно зголемување на пензиите, изјави на прес-конференција министерката за финансии, Димитриеска Кочоска.

Претставувајќи го предлог ребалансот на Буџетот за 2025 година, на прес-конференција во Владата, Кочоска рече дека вкупниот транфер од Буџетот кон ПИОМ годинава ќе изнесува некаде околу 50 милијарди и дека со предлог ребалансот се предвидуваат дополнително околу 2,5 милијарди.

Фондот за ПИОМ, посочи Кочоска, добива приливи по однос на придонесите кои што ги остварува буџетот и тие, иако поминуваат преку Буџет, директно се трансферираат во ПИОМ.

-Првата половина на годината имаше послаба реализација од она што ни е проектирано до крајот на годината, затоа што ние проектиравме, а проекцијата ќе се оствари бидејќи ние немавме усогласување со минимална плата и понатаму растат платите и сега веќе се чувствува од месец во месец, како имаме поголема наплата на придонесите, така што, 2,5 милијарди се испланирани, но тоа е само резултат на тие ликвидносни недостатоци, што го има ПИОМ во насока на тоа колку тој остварува од сопствените приходи, појасни Кочоска.

Кочоска, исто така, потврди дека во предлог ребаланост на Буџетот има предвидено и зголемување на средствата за платите во јавниот сектор.

– Зборуваме за извршување на буџетот и ставката плати. Да, има зголемување. Најмногу тука ефектот е поради Министерството за внатрешни работи, кое што имаше покачување на платите од 10 проценти, а МВР во суштина брои и најголем број од администрацијата. Тие имаат околу 12 илјади вработени, појасни Кочоска.

За плати во јавниот сектор, Кочоска рече дека се некаде околу 800 милиони, од кои околу 600 милиони се за МВР.

Пукната цевка во хидросистемот кој го наводнува плодното Прилепско поле, е причина што повеќе од месец и пол огромни површини засадени со тутун се наоѓаат пред сушење.

Земјоделците изминатите недели мака мачат да ги спасат своите посеви. Работници од “Прилепско поле” деновиве работеа на санација на дефектот и истиот првично беше саниран, но проблемот одново се појави.

Утрово од АД ,,Водостопанство” Скопје, под чија надлежност е подружницата “Прилепско Поле” во Прилеп, ги известува сите водокорисници, дека во соработка со Министерството за земјоделство, шумарство и водостопанство, интензивно се работи на дефектот на Главен цевковод ,, Лева падина ” Ф 700мм, на место викано ,,Сарика” и истиот ќе биде саниран за неколку дена со што ќе се воспостави нормално водоснабдување.

Градски воз, замена на автобусите и трамвај, се трите проекти кои му се неопходни на Скопје за значително подобрување на состојбата со загадувањето на воздухот, ова го потенцираше вицепремиерот и министер за транспорт, Александар Николоски, во гостувањето во “Само Интервју”.

-На помалата верзија за проектот градски воз работиме со сопствени средства, а подолгата верзија влегува во овој така наречен “британски проект”. Значи дел од брзата пруга ќе е и големата верзија на градски воз во Скопје. Во однос на вториот проект, замена на автобусите, еве ексклузивно да кажам, излезе повикот за набавка на 120 еколошки автобуси, од кои што 80 ќе бидат за Скопје. И третата работа која што му треба на Скопје е дефинитивно трамвај. Ги направивме ли овие три работи, мислам дека најголем дел од загадувањето од возилата ќе се намали. Вториот е со загревањето, за тоа премиерот веќе најави една поамбициозна агенда, каде што ќе се обидеме да донесеме парно греење до најголем дел од домаќинствата, истакна Николоски.

Во најновата петочна колумна, новинарот Зоран Момироски изнесе свои сознанија за моменталните состојби во најголемите политички партии, ВМРО-ДПМНЕ и СДСМ и можните кандидати кои ќе се најдат на избирачкото ливче на престојните локални избори во Прилеп.

-Предизборните негодувања, прогнозирања и ,,навивања,,кој да биде идниот градоначалник на Прилеп продолжуваат. Во СДСМ –Прилеп се’ уште чекаат ,,мој термин,, кај лидерот на партијата Венко Филипче. Како стојат работите според последните не официјални информации наводно Мики Крстев е најмалку заинтересиран за третман кај Филипче. Петра Лукароска ќе оди на ,,преглед,,ама кеифот како повеќе да и е за носител на предлог советничката листа, така што со висок процент на точност како кандидат за градоначалник ќе биде Кети Стевананџиоска. Овие Стевананџиоски се покажуваат и докажуваат како ,,големи дирекни и индирекни играчи,, и во СДСМ и во ВМРО-ДПМНЕ. Што се однесува до кандидатурата за градоначалник од владеачката партија и таму работите стануваат појасни. Според мои не официјални информации НЕ ОЧЕКУВАЈТЕ БРЗА РАЗРЕШНИЦА НА ОВА ПРАШАЊЕ. Скопје и Прилеп се оставени за последната тура за објавување на имињата на можните кандидати. Сега работите се појасни, бројот е сведен на двајца: МАРИЈАН РИСТЕСКИ И ДЕЈАН ПРОДАНОСКИ. Ова врз основа на анкетите кои покажуваат појасна слика. Според анкетите Ристески води пред Проданоски и тоа создава голма дилема кај највисокото раководство на ВМРО-ДПМНЕ во Скопје за носење на конечна одлука, пишува Момироски.

Целата колумна прочитајте ја ТУКА

Вицепремиерот и министер за транспорт Александар Николоски вечерва изјави дека сериозно се разговара со Велика Британија за три категории на граѓани да бидат ослободени од вадење визи.

Со ова, како што изјави Николовски за телевизија Канал 5, значи дека ќе бидат опфатени околу 80 проценти од граѓаните. За ова се разговарало за време на неговиот престој во Лондон.

– Многу сериозно разговараме за најмалку три категории да бидат ослободени од визи и тие три категории ќе се покријат околу 80 проценти. Се уште разговараме, рече Николовски.

Во однос на потпишаниот договор со Велика Британија и дали доколку се отвори прашањето за мигрантите, тоа ќе биде прифатено од наша страна, Николоски рече дека двете работи немаат врска.

– Нашиот став во однос на мигрантите е јасен и јасно ја кажавме нашата позиција. Не гледам дека тука нешто би се променило, нагласи Николоски.

Покажаниот интерес и порастот на бројот на пријавени ученици во СОЕПТУ Кузман Јосифоски – Питу е доказ дека младите сè повеќе го препознаваат економското училиште како место што нуди вистинско образование, практични знаења и солидна подготовка за сигурна иднина.
Овој тренд не е случаен – тој говори за квалитетот, насоките и визијата на училиштето. Младите денес не избираат повеќе само според локација или навика, туку според тоа што ќе добијат – знаење што се применува, струки што се барани и професии со перспектива.

Економската и правната струка, заедно со дигиталниот маркетинг и најновиот профил – техничар за туризам и анимација – претставуваат темел на модерното образование и одговор на реалните потреби на пазарот на труд. Тоа не се струки на моментален тренд, туку основни и трајни професионални патеки кои обезбедуваат стабилност, вработливост и постојан личен и професионален развој.

Економистите се суштински во процесите на анализа на пазари, креирање на економски политики и управување со финансии. Правниците и бизнис-администраторите обезбедуваат правна сигурност и ефикасно функционирање на институциите и организациите, нешто што е клучно за секое уредено и демократско општество.

Во дигиталната ера, дигиталниот маркетинг е незаменлив. Компаниите повеќе од кога било се потпираат на присуство на интернет, комуникација преку дигитални канали и изградба на силни брендови. Улогата на маркетерите кои се обучени за дигитален настап станува сè поважна и повредна.

Новата насока – техничар за туризам и анимација – е вистински погодок за ученици кои сакаат динамична, креативна и интернационална кариера. Туризмот и угостителството се меѓу најбрзо растечките индустрии, а соодветно образование во оваа област отвора врати ширум светот. Профилот вклучува обука за организирање настани, туристички водич, анимација, комуникација со гости и работење во хотелски и туристички капацитети. Оваа струка ги комбинира практичните вештини со креативноста и интеркултурната соработка.

Во Економското училиште не се учи само теорија. Се стекнуваат конкретни знаења и искуства од областа на економијата, правото, бизнисот, банкарството, маркетингот, менаџментот и туризмот. Учениците се обучуваат да размислуваат како лидери, да решаваат проблеми, критички да размислуваат и да се однесуваат како професионалци уште пред да дипломираат.

Со современи наставни програми, мотивирани наставници, вистинска практична настава и поддршка за секој ученик, СОЕПТУ Кузман Јосифоски – Питу станува симбол за квалитет и напредок. Тоа е училиште што расте со амбициите на учениците и им помага да ја изградат својата иднина.
Учениците избраа училиште што ги следи нивните цели и ги води кон успех. Од техничари до иноватори, од сонувачи до идни лидери – тие се подготвени да создаваат, твораат и менуваат.

Од 10.06 до 16.06.2025 во Њујорк, САД, се одржа престижното финале на „NEO Science Olympiad“ – меѓународен натпревар – Олимпијада, на кој учествуваат најпосветените натпреварувачи од целиот свет и надежни идни научници.

На овој голем светски натпревар по знаење, Прилеп имаше свој преставник кој дома се враќа со ЗЛАТЕН МЕДАЛ. Станува збор за гимназијалецот Георги Николоски, кој по којзнае кој пат покажа дека е огромен талент на кој треба сите како општество да се гордееме.

-Оваа година на овој настан зедоа учество повеќе од 550 натпреварувачи во повеќе категории. Особено значаен е фактот што јас ја имав шансата да учествувам и да ја претставувам Македонија во најдобро светло. Имено, во мојата категорија – природни науки (тест кој се состои со проблеми од областа на физиката, хемијата и биологијата), јас го освоив ПРВОТО место, закитувајќи се со златен медал. Помеѓу повеќе од 30 земји учеснички од целиот свет, и само еден и единствен натпреварувач од Македонија, на овој настан се докажа дека Македонија ѝ припаѓа на светската сцена и Македонија може да биде прва – напиша на својот ФБ профил ученикот од прилепската гимназија “Мирче Ацев”.

Георги упати благодарност до сите компании, организации и општина Прилеп, кои го поддржаа неговото патување во САД и без чија поддршка овој успех не би се случил:

-Оваа авантура беше остварена со огромната поддршка од страна на моите роднини, пријатели и пред се – родители. Дополнително сакам да им упатам едно масивно благодарам на општествено одговорните компании кои ме подджаа во овој подвиг и докажаа дека се сериозни околу развојот на нашето општество! Уште еднаш ви благодарам на:

Општина Прилеп (Општина Прилеп) – која уште еднаш ја покажува својата одлучност за развој на нашето општество и помош на учениците и студентите.

Нам ни останува да му честитаме за огромниот успех, да му посакаме уште многу медали и признанија во иднина и постојано да не’ прави горди како град и како нација.

-На 19.06.2025 во 01.40 часот во ОВР Прилеп, М.А.(50) од Прилеп пријавил дека на 18.06.2025 околу 22.00 часот во домот на неговата ќерка М.А., во кој вонбрачно живеела со С.А., а кој бил на работа во Охрид, ги пронашол сами нивните три деца на возраст од три, две и една година. Според пријавеното, тој ги земал децата во неговиот дом и се слушнал со неговата ќерка, која му кажала дека не можела да се грижи за децата. Се преземаат мерки за расчистување на случајот.

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 2,06 % во однос на одлуката од 16.06.2025 година.

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 3,305%, кај дизелот за 8,111%, кај екстра лесното масло за 7,554% и кај мазутот зголемувањето е за 5,146%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,8039%.

Од 20.6.2025 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 76,00 (денари/литар)
Моторен бензин ЕУРОСУПЕР БС – 98 78,00 (денари/литар)
Дизел гориво ЕУРОДИЗЕЛ БС (Д-Е V) 70,00 (денари/литар)
Масло за горење Екстра лесно 1 (ЕЛ-1) 70,00 (денари/литар)
Мазут М-1 НС 40,928 (денари/килограм)

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се зголемуваат за 2,50 ден/лит.
Малопродажната цена на Мазутот М-1 НС се зголемува за 1,149 ден/кг и сега ќе изнесува 40,928 ден/кг.
Малопродажните цени на бензините ЕУРОСУПЕР БС-95 и ЕУРОСУПЕР БС-98 не се менуваат.

Премиерот Христијан Мицкоски денеска истакна дека не гледа конструктивност од страна на опозициската СДСМ во однос на процесот на евроинтеграции на земјава и нагласи дека поради едноцифрениот рејтинг, кој сега го има партијата, има сериозна опасност дали таа таа ќе продолжи да постои по локалните избори.

-Гледате дека градиме, се бориме низ цел свет, а тој (Венко Филипче) со една изјава вика јас се прифаќам, се што ќе ми ставите на маса дајте да потпишам, само вратете ме на власт да бидам премиер, тоа не е конструктивност, тоа е рушење и затоа имаат едноцифрен рејтинг и мислам дека по локалните избори постои серозна опасност дали таа политичка партија ќе продолжи да постои, изјави Мицкоски, кој присуствуваше на отворање на комплексот „Македонско село“, одговарајќи на новинарско прашање дали смета дека СДСМ и Филипче се конструктурни во однос на евроинтегративниот процес.

Во врска изјавите дека Филипче по примерот на Зоран Заев, кодоши и ги поткопува државните интереси, Мицкоски истакна дека смета оти не треба подетално да навлегува во анализа каде го забележува предавничкиот, поданички и кодошки однос.

Претседателот на Владата на Република Македонија, Христијан Мицкоски денеска одговарајќи на новинарско прашање во однос на тоа дека еден од најголемите проблеми е сместувањето и капац

-Мислам дека јавноста тоа го гледа јасно, не би одел чекор повеќе, тоа е позната стратегегија на СДСМ, тие мислат дека на таков начин повторно ќе добијат шанса да ја водат владата, но мислам дека прават стратешка погрешна комуникација, но тоа е нивна работа, нема да навлегувам во сето тоа, а што се однесува до неговите изјави за автократија во политката кога испраќате порака, ако таа порака не ја чувствуваат мнозинството граѓани тогаш таа порака за бадијала ја испраќате…Јас досега такво нешто немам ниту слушнато, ниту почувствувано, ниту имам намера така да се однесувам, нагласи Мицкоски.

Тој додаде дека кога се испраќаат стратешки зборови со клучни пораки, тоа треба да е барем во рамките на тоа што народот го чувствува, затоа што, како што рече, „вака излегува дека вие се служите само со политички ќорци“.

Во врска со обвинувањата на СДСМ за селективност во истрагата за пожарот во Кочани, како и за објавите на опозициската партија во врска со фирмата „Салтировски Консалтинг“ Мицкоски истакна дека тој ја разбира стратегијата на СДСМ и обидот преку некрофилија да добие политички поени.

-Што се однесува до суштината на истрагата не би коментирал, сега веќе има обвинеија, тоа е во рами на Јавното обвинителство, Владата, ниту кој било дел од неа не е поврзан со истрагата, која ја води Љупчо Коцевски, јавен обвинител кој со огромно мнозинство го избраа СДСМ и ДУИ, во тимот се и обвинители, кои во минатото не е тајна дека беа поддржани од СДСМ и ДУИ. Тука СДСМ повторно на некрофилски начин ја злоупотребува трагедијата и загубите на луѓето. Мислат дека така ќе профитираат, но мислам дека се лажат. Што се однесува до политичката кампања околу донациите тоа може да биде само уште еден доказ повеќе дека нема селективност, за разлика од случајот со Модуларната болница, Ласкарци, Беса транс, кога до ден денес имаме привилегирани директни или индиректни актери во тој случај и јас навистина го повикувам Јавното обвинителство ревосно да се позанимава и со овие случаи, тие така рекоа, но како да ги подзаборавија, истакна Мицксоки.