-На 03.12.2025 во 10:19 часот во СВР Битола, 70-годишна битолчанка пријавила дека била измамена од едно лице за сума од 20.000 евра. Според пријавеното, лицето ѝ се јавило и ја известило дека нејзината ќерка паднала по скали и ја искршило вилицата и ногата и дека требало да и се стават златни шипки. Како што е пријавено, таа ги оставила парите на договореното место, а подоцна откако ѝ се јавила нејзината ќерка сфатила дека е измамена. Се преземаат мерки за расчистување на случајот – информираат од МВР.

Екипата на Битолскиот театар со претставата ,,Ако останеш дома” по мотиви на Карој Сакони и екипата на Бабец театарот со „На гости кај Кате и Фреда“, по делото на Ингеборг Фон Задов, двете претстави во режија на Јован Ристовски, гостуваат во Трелеборг, Шведска на покана на македонско шведското друштво Пелистер.

Битолскиот театар ќе ја изведе претставата во сабота, 6 декември, во салата ,,Паркен”, Трелеборг, 18:00 часот, а претставата ,,На гости кај Кате и Фреда“ ќе биде изведена истиот ден во 11:00 часот.

,,Ако останеш дома” е драма во еден чин, во која главните улоги ги играат Јулијана Мирчевска и Васко Мавровски. Секојдневна приказна во која ќе се препознаат млади брачни парови. Инспирацијата за претставата на режисерот му била секојдневието на обичните луѓе.
„Мојот впечаток е дека народот е несреќен повеќе од три децении без разлика која политичка партија е на власт. А сиромаштијата прави лоши состојби во духот кај еден човек. Во преставата мажот и жената се симболично во кафез и во публиката гледаат птици кои што го изгубиле духот и се птици што ја изгубиле сопствената музика“, вели режисерот Ристовски.

„Наместо обична саботна вечер, во сабота, 6 декември, ви нудиме излез од секојдневната рутина со претставата ,,Ако останеш дома” на глумците од Битолскиот Народен Театар. Со секој купен билет го помагате работењето на ,,Македонска Библиотека Трелеборг” и придонесувате во развојот на македонската заедница во Шведска“, велат организаторите.

Сценографијата на претставата „Ако останеш дома” е на Валентин Светозарев, костимографијата на Благој Мицевски, а продукцијата е од сопствени средства на Битолскиот Народен театар.

Драмскиот детски текст “На гости кај Кате и Фреда” важи за еден од најдобрите германски современи драмски дела наменети за детската популација, односно за возраст од 5 +. Оваа исклучителна драма е важна бидејќи ја разработува темата за промени, инклузија, прифаќање и неприфаќањето на различностите и една од најважните теми – емпатијата.

За оваа претстава организаторите истакнуваат: „Нека вашите деца ја почувствуваат убавината на театарската уметност во овие претпразнични денови“.

Играат: Јулијана Мирчевска, Катарина Аневска Дранговска, Марија Стефановска. За сцената и костимите се погрижи Јован Ристовски, дизајн на светло Игор Мицевски. Премиерата на претставата беше изведена во рамките на ИДТФ Битолино, по повод 14.роденден на Бабец театарот.

Регионот, Македонија, мојата земја се борат за европските вредности со децении. Нема сомнеж дека за регионот нема друга алтернатива освен членство во ЕУ и НАТО. Добро е што сме членка на НАТО, но испораката од ЕУ недостасува, истакна заменик претседателот на Владата Александар Николоски на панел дискусијата “Прашања на проширување: Новата геополитичка, безбедносна и економска граница на Европа” што се одржа во Брисел во организација на “Пријатели на Европа”

Тој истакна дека во децениите наназад Македонија направила голема жртва за пристапниот процес, но според него клучните играчи во ЕУ треба да бидат фер и да испратат искрена порака дали регионот и Македонија ќе се приклучат кон ЕУ.

“ Земјата се трансформира однатре, колку што можеме со наши внатрешни ресурси, но се обидуваме да користиме и меѓународни ресурси, без разлика дали преку соработка со ЕУ, со САД…. Потпишавме договор за стратешко партнерство со Обединетото Кралство, прва земја во ЈИЕ што потпишала ваков договор, имав чест да го потпишам тој договор во мај годинава, не е дека не работиме, не е дека не се обидуваме или дека не бараме партнери и очигледно партнерите се таму каде што припаѓаме, во западната цивилизација. Во однос на ЕУ, да се согласувам, проширувањето е политичко, ниедно проширување на ЕУ не било неполитичко, почнувајќи од Грција и Португалија, во претходниот век, па големото проширување на почетокот на овој век, па се’ до Романија и Бугарија – се’ било политички. Јасно е дека за овој регион недостига политичка волја”- вели вицепрмиерот Николоски.

Она што ме плаши, потенцираше вицепремиерот Николоски е дека се уште постојат сили во регионот кои се моќни, кои бараат да искористат прилика да ја преземат моќта со друга визија и чекаат процесот на проширување да пропадне.

“За различни земји причините се различни, но очигледно има недостиг на политичка волја. Сметам дека е фер да им се каже на луѓето од регионот – ова може, ова не може. И ајде да ги правиме работите што може да се направат. Ако може да направиме 10 од 20 работи, тогаш да ги испорачаме, бидејќи вака сме заглавени во ситуација на чекање: следниот самит, следниот самит, јуни, декември, можеби во средина на март… и така времето си минува и она од што се плашам е што може да му се случи на регионот во иднина”- истакна вицепремиерот.

Вицепремиерот Николоски потенцира дека во вакви услови единствен начин да се развиваат земјите е економската соработка и ги истакна владините планови за крупните регионални проекти со кои се унапредува економската соработка со соседите.

“ Она што сметам дека треба да го правиме е да соработуваме економски, што веќе го правиме во регионот и да се поврземе. Ние сме земја без излез на море, но имаме два европски коридори кои минуваат низ земјата, коридор 10 од Переа, во Атина, до Финска и коридор 8 од Јадранско до Црно Море. Инвестираме многу пари да изградиме автопати, железница и тоа е нешто што може да ја смени и обликува економската иднина на земјата и нешто што треба да го гледаме како иднина на регионот” рече Николоски и додаде:

“Сега зборуваме со Грција да креираме 13 линии на граничните точки, за да се’ функционира побрзо. Со Бугарија разговараме за железницата, денес ќе се сретнам со нивниот вицепремиер, за да отвориме уште една гранична точка, така се отвораме едни кон други и да се обидеме да го држиме тоа настрана од политичките игри”.

Тој истакна дека поддршката за членство во ЕУ во регионот е се уште висока и го потенцира моделот на соработка меѓу Словенија и Хрватска како модел за добра соработка и решавање на билатерални прашања, но како што рече за жал Македoнија е отворна за соработка, а од другата страна нема интерес.

СВР Струмица до Основното јавно обвинителство Струмица поднесе кривична пријава против К.К.(35) од Струмица поради постоење основи на сомнение дека сторил кривичното дело „злоупотреба на постапката за јавен повик, доделување на договор за јавна набавка или јавно-приватно партнерство“, против Д.П.С.(61) од Струмица, К.Б.(37) од Богданци, Л.Ј.(63) од село Ново Село, струмичко и Л.Ѓ.(62) од Струмица поради постоење основи на сомнение дека сториле кривично дело „несовесно работење во службата“ и против Г.П.(58) од Скопје поради постоење основи на сомнение дека помогнал во извршувањето на кривичните дела „злоупотреба на постапката за јавен повик, доделување на договор за јавна набавка или јавно-приватно партнерство“ и „несовесно работење во службата“.

Пријавениот К.К., во својство на поранешен градоначалник на општина Струмица, ги повредил правилата на постапката за јавна набавка на електрични автобуси за потребите на ЈСП „Струмица-Транспорт“ од Струмица со ангажирање на пријавениот Г.П. како одговорно лице задолжено за одговори на технички прашања, учество во техничката евалуација на понудите, надзор над имплементацијата и целосна реализација на договорот, иако тој не ги поседувал потребните стручни квалификации и потребната лиценца А за надзор од областа на електротехниката издадена од Комората за овластени архитекти и овластени инженери. Исто така, пријавениот К.К. свесно ги повредил и прописите на постапката за јавна набавка преку договарање со Г.П. на тој начин што во тендерската документација биле наведени спецификации кои недвосмислено и речиси идентично одговарале токму на спецификациите на набавените електрични автобуси.

На 6 декември 2025/сабота/ од 19.00часот во кино “Мис Стон” во Прилеп ќе биде прикажан филмот „Утре наутро“. Влезниците за проекцијата се во продажба на билетарницата од киното денес /четврток/ и утре/ петок/ од 10 до 13.00 часот и од 17 до 19.00 часот и в сабота еден час пред проекцијата.

„Утре наутро“е македонски долгометражен филм од 2025 година, по сценарио и режија на Јани Бојаџи. Филмот претставува моќна и емотивна приказна за човечките избори, последиците и внатрешните судири меѓу личната вистина и притисокот на општеството. Проектот е реализиран истовремено и како филм и како мини-серија од 5–6 епизоди. Во центарот на приказната се две жени – млад лекар и сопруга на поранешен премиер – кои се обидуваат да избегаат од стегите на американската влада и европските дипломати. Во атмосфера на политичка игра, притисоци и моќ, тие се борат за опстанок во мала земја во источна Европа.

Улоги: Нина Деан, Ирена Илиевска, Кети Дончевска-Илиќ, Горан Стојановски, Игор Стојчевски, Васил Зафирчев и др.

Не знаете што за ручек денеска? INN Кетеринг заедно со Форум маркети во Прилеп ви носат богато дневно мени за четврток, 04.12.2025 – со избор за сечиј вкус и џеб.

Денешната понуда традиционални и современи јадења подготвени од свежи и квалитетни состојки: чорбест грав, гравче тавче, ослич, пастрмка, посна тава, питулици со лук, копани, селско месо, пилешко со 4 вида сирење, пилешко во кари сос, похован стек, гулаш и мусака – по пристапни цени за секого.

Со секое јадење добивате и гарнир и салата, вклучени во цената, што значи комплетен, обилен и вкусен оброк без дополнителни трошоци.

Дневното мени е достапно ексклузивно во Форум маркетите – на добро познатите локации:

-Во населба “Точила”
-До фабрика “11-ти Октомври”

Идеално решение кога сакате брз, вкусен и квалитетен ручек!

Oнаму каде удобноста, елеганцијата и професионалната услуга се спојуваат во совршено доживување – секогаш ќе го пронајдете хотел “Салида”, прилепски бренд кој со години наназад го нуди најдоброто.

Ако во текот на целата година, “Салида” е број еден дестинација за одмор, деловен престој, организирање на свечени настани, или за ручек со вашите најблиски и пријатели, во декември “Салида” нека биде вашиот избор за предновогодишна забава и создавање спомени кои траат.

А зошто “Салида”, епа затоа што имаат подготвено маестрална декемвриска агенда исполнета со многу музика, одлична организација и секако препознатлива вкусна кујна со мени што нема да ве разочара. Тимот на хотел “Салида” се погрижи да направи најдобар избор, а на вас останува да изберете термин, да понесете убаво друштво и добро расположение и на одличен начин да ја затворите 2025 година.

Резервирајте навреме на телефонските броеви: 070 390 456 / 048 400 333

Локација: Иво Лола Рибар бб, Прилеп – кај “Могилата на непобедените”

Одлична атмосфера, вкусна храна и беспрекорна услуга – сè на едно место.
Хотел “Салида” – најдобриот избор за крај на годината!

Заменик претседателот на Владата и министер за транспорт Александар Николоски, од вчера попладне е во работна посета во Брисел каде ја започна неколкуднвената политичка и економска агенда.

На својот фејсбук профил тој напиша:

“Во Брисел во организација на влијателната тинк тенк организација Friends of Europe дел од годинешниот настан кој е посветен на проширувањето на ЕУ. Плодни средби и одлични разговори во интерес на Македонија”, објави вицепремиерот Николоски.

На 05. Декември 2025., во петок, со почеток од 19 часот, во свечената сала на Културно информативниот центар Битола, Македонско-хрватското друштво и Хрватскиот културен центар “Марко Марулиќ”, организираат Божиќен и предновогодишен концерт, кој овoј центар традиционално го организира секоја година на радост на љубителите на хрватската култура во Битола.

На програмата се концерт на учениците и професорите на Музичкиот оддел на основното училиште Драгутин Тадијановиќ од Вуковар Хрватска, а специјални гости учениците на Државното музичко училиште Битола. Воедно овие три институции имаат потпишано Меморандум на соработка, па и овој концерт е еден од заедничките проекти и чекори кон заедничка соработка и поврзување преку културата на двата пријателски народи.

Покрај одржувањето на овие концерти, одбележувањето на хрватските празници, Хрватскиот културен центар кој постои повеќе од 30 години, секоја година организира презентирање на македонските уметници и групи во Хрватска.

Концертот се организира со поддршка на општина Битола, Централната канцеларија за Хрватите надвор од РХ и Културниот и информативен центар Битола.

Православните христијани денеска го празнуваат Воведение на Пресвета Богородица во храмот или како што го нарекува народот Пречиста.

Воведение на Пресвета Богородица – празник на воспитувањето Празникот Воведение на Пресвета Богородица во храмот ни го истакнува за углед односот на праведните Јоаким и Ана, нивното исполнување на ветеното, но и нивната грижа за правилно воспитување на нивното дете. Но овој празник и денес е актуелен со тоа што укажува на потребата родителите да се заложат за правилно воспитување на своите деца, за осознавање на вредностите на својата вера, но и за одбрана од негативните пороци коишто ја уништуваат нашата младина.

Денешниот празник Воведение на Пресвета Богородица во храмот што народот го вика Света Пречиста или само Пречиста спаѓа во поголемите есенски празници што се празнуваат и со домашни служби. Овој празник, исто така, спаѓа и во дванаесетте големи христијански празници. Се смета за женски празник и повеќе го празнуваат младите жени, особено оние што уште немаат деца.

Сведоштва за овој празник (како и за некои други моменти од животот на Богородица) се среќаваат само во црковните песни и кај некои писатели на дела со црковна содржина. Праведните Јоаким и Ана, се вели во овие сведоштва, долго немале деца. Го молеле Бога да им даде рожба ветувајќи му дека ќе му ја посветат нему, односно ќе ја дадат да му служи во храмот. Така им се родила Марија. Светото предание натаму сведочи дека бидејќи Марија била измолена со солзи и ветена да му служи на Бога нејзините родители уште кога наполнила една година сакале да ја одведат во храмот. Но се плашеле дека малото девојче може да плаче за нив, па се одлучиле тој чин да го направат кога таа ќе наполни три години.

И така кога наполнила три години останувајќи доследни на ветувањето, а и исполнувајќи го долгот кон Бога ја повеле во храмот. Во свечената поворка што три дена патувала од Назарет до Ерусалим најнапред оделе девојчиња променети во бела облека, со запалени свеќи во рацете, по нив Јоаким и Ана за рака ја воделе малата Марија, а по нив оделе многу роднини и пријатели. Со нив, невидливи за човечкото око, патувале и многу ангели. Беше се собрал и многу народ за да го гледа овој чуден и впечатлив настан. Малата Марија била облечена во свечена облека, со многу украси, како што ѝ приличи на царска ќерка и Божја невеста. Од Назарет до Ерусалим имало три дена пат, но овој пат, бидејќи се работело за патување иницирано со Божја промисла, или со Божји благослов, поворката со леснотија го изодела ова растојание.

Пред храмот свечената поворка ја пречекале свештеници на чело со првосвештеникот Захарие, пеејќи црковни песни. Храмот бил на поиздигнато место и во него се влегувало по скали со 15 степеници. Родителите ја оставиле малата Марија на почетокот на скалите и таа самата, со сила и сигурност на многу поголема возраст, се искачила по скалите весело гледајќи во храмот и не свртувајќи се кон своите родители и кон народот што ја придружувал. Таму ја пречекал првосвештеникот Захарие, (таткото на свети Јован Крстител), кој на општо изненадување на насобраниот народ, а по божја повелба, ја внесол во најсветото место во храмот, еден одделен олтар наречен „Свјатаја свјатих“, (или Светиња на светиите). Тука никој не смеел да влезе, особено не жена, не влегувале ниту обичните свештеници, а и првосвештеникот влегувал само еднаш во годината и тоа на празникот на очистувањето, кога принесувал жртва. На ова се чуделе не само луѓето туку и ангелите, но и ова е направено со Божја промисла и е поврзано со идната улога на Богородица, мајката на Исус Христос. Св. Теофилакт Охридски за овој чин вели дека во тој момент првосвештеникот Захариј бил исполнет со Божји Дух, инаку оваа негова постапка не би можела да се објасни. Потоа Јоаким и Ана како што било ред принесле дарови и жртви за Бога и откако добиле благослов од свештениците се простиле со Марија и заедно со роднините и пријателите се вратиле во Назарет.

Подоцна тие честопати го посетувале храмот во кој живеела Марија, особено тоа го правела мајката Ана. Овде во храмот, освен млади девојчиња кои се воспитувале во вистински Божји дух и се подготвувале за идната служба, во посебни простории живееле вдовици кои служеле во храмот, како што била и пророчицата Ана, што светиот апостол и евангелист Лука ја споменува во своето Евангелие. (Лука, 2: 36-38) По смртта на својот маж Јоаким, таму се преселила и Ана, мајката на Марија, но и таа малку време живеела со својата ќерка бидејќи наскоро и таа починала.

Во храмот Богородица останала до 12-тата година. Тука живеела заедно со други девојчиња, заедно се молеле, принесувале жртви, пееле црковни песни, го читале Светото писмо и учеле некои домашни работи како везење, плетење и сл. Храна примала од раката на ангелот, кој ја штител од секакво зло. Била послушна кон сите и затоа сите ја сакале и почитувале. Така во овој храм Пресвета Дева Марија се подготвувала за идната слава што ја очекувала. Црквата ја нарекува прекрасна зора од којашто изгреало сонцето на правдата. Црковната песна пее дека Светиот Дух ја осветил таа што живеела во храмот и се хранела со небесна храна. Светото предание уште сведочи дека кога Марија стигнала до возраста кога девојките го напуштале храмот и се омажувале, свештениците побарале и таа тоа да го направи. Но Марија тогаш им ја соопштила својата решеност да не стапува во брак туку до крајот на животот да остане во храмот и да му служи на својот Бог. Но тоа не го дозволувале законите, поради што се барало компромис.

По Божја промисла таа била дадена на чување кај еден постар човек по име Јосиф, роднина на нејзините родители. Поради тоа во сведоштвата праведниот Јосиф се среќава и како нејзин старател, но и како нејзин свршеник. Така биле задоволени тогашните еврејски закони, а на Марија ѝ била исполнета желбата засекогаш да остане девица и да му служи на Бога. Дотогаш меѓу Евреите не било познато доживотно заветување на Бога, така што Марија е првата девојка што се решила и што успеала до крајот на животот да биде заветена или посветена на Бога. По нејзиниот пример подоцна тргнале илјадници девојки и момчиња. Во спомен на воведението или воведувањето на тригодишната Марија во храмот Светата црква го востановила празникот Воведение што се празнува на 21 ноември по стариот (или на 4 декември по новиот) календар.

Црковното предание за воведувањето на Богородица во храмот започнало да се запишува уште во вториот век, во текстови познати под името апокрифи. Во четвртиот и петтиот век ова предание било познато во целиот христијански свет. Преданието раскажува дека царицата Елена подигнала црква посветена на Воведението.

Празникот Воведение почнал да се празнува многу касно. Се претпоставува дека се празнува од четвртиот век, но во пишаните документи се среќава од осмиот век. Во почетокот немал елементи на голем празник туку само како обичен спомен. Подоцна го среќаваме со претпразненство и попразненство. На иконите овој настан е насликан така што од едната страна стои првосвештеникот на старозаветната црква кој ја пречекува малата Марија на вратата од храмот, придружувана од група девојчиња со запалени свеќи, а тука се и родителите на Марија и другата придружба.