дома блог страница 16

82 години од смртта на вториот Гоце Делчев од Прилеп

од страна на
markukule
-

На денешен ден, 25 февруари, се навршуваат 82 години од загинувањето на Кузман Јосифовски – Питу, еден од најистакнатите организатори на Народноослободителната борба во Македонија и значајна фигура во темелите на современата македонска државност.

Роден во Прилеп во 1915 година, Питу уште како млад се вклучува во револуционерното и студентското движење. Неговата политичка активност започнува во предвоениот период, кога се истакнува како борец за национална и социјална правда. По окупацијата на Македонија во Втората светска војна, станува еден од главните организатори на отпорот против фашистичкиот режим.

Како член на раководството на Комунистичката партија за Македонија, Питу имаше пресудна улога во обединувањето и координацијата на партизанските одреди низ земјата. Неговата визија не беше само воена победа над окупаторот, туку и политичко конституирање на македонската државност врз јасни принципи на самостојност и народен суверенитет.

Питу беше меѓу главните иницијатори за свикување на историското заседание на Антифашистичко собрание за народно ослободување на Македонија (АСНОМ), одржано на 2 август 1944 година во манастирот Прохор Пчински. Иако не го доживеа тој историски момент, неговата идејна и организациска подготовка беше вградена во темелите на одлуките со кои беше поставена основата на македонската државност во рамките на федеративна Југославија.

На 25 февруари 1944 година, во Скопје, Кузман Јосифовски – Питу загина во пресметка со бугарската окупаторска полиција. Неговата смрт претставува тежок удар за македонското ослободително движење, но и дополнителен поттик за борбата што кулминираше со ослободувањето.

По војната, неговото име останува врежано во колективната меморија како симбол на саможртва и државотворна мисла. Во негова чест се именувани улици, училишта и институции, а неговиот лик останува дел од историското наследство на Македонија.

По повод годишнината од неговата смрт, се навраќаме на вистината дека државата не е нешто што се подразбира – таа е создадена преку визија, храброст и жртва. Делото и идеалите на Питу остануваат траен симбол и потсетник дека слободата има своја цена, но и своја длабока историска вредност.

„Еве ти ја вратата, излези“: Кога Трајковски му ја покажа вратата на Солана

од страна на
markukule
-

Maкедонија денеска одбележува 22 години од авионската несреќа во која животот го загуби поранешниот претседател, Борис Трајковски, членовите на неговиот кабинет и екипажот на авионот.

Многумина ја паметат онаа негова легендарна изјава од времето кога беше заменик министер за надворешни работи, од 1999 година за косовските бегалци во Македонија.

Но, ретко кој го знае и моментот кога претседателот Трајковски му ја покажал вратата на високиот претставник Хавиер Солана. За време на неговото гостување во „Еден на Еден“ пред неколку години, тогаш министер за надворешни работи Никола Димитров, првпат откри што се случувало на една од преговарачките средби во 2001 година, кога тој бил дел од тимот на претседателот Трајковски.

Имаше 2001 со претседателот Трајковски едни тешки преговори со Хавиер Солана, кој во тоа време беше висок претставник во ЕУ. Во една ситуација претседателот Трајковски му рече – Еве ти ја вратата, излези! Солана излезе навреден, а минута после тоа претседателот рече излези по него и врати го. Не знам дали тоа беше спремно од претседателот Трајковски, не знам дека тоа го мислел претходно, но во моментот одлучил дека тоа може да биде корисно да покаже дека ова не оди!, рече Димитров.

Од превенција до терапија: Прилепската болница во борба против зависностите од коцкање, отворено советувалиште

од страна на
markukule
-

ЗУ Општа болница со проширена дејност – Прилеп ја информира јавноста дека во рамките на Невропсихијатриското одделение и Кабинетот за медицинска психологија функционира Советувалиште за зависност од коцкање, игри на среќа и интернет.

Станува збор за една од ретките вакви форми на стручна поддршка во државата и во регионот, воспоставена по примерот на Психијатриската клиника „Јанкомир“ од Загреб.

Советувалиштето е отворено пред две години и во него, во услови на целосна дискреција, се спроведува кратка динамичка терапија со лица кои се соочуваат со последици од зависничко однесување поврзано со коцкање, игри на среќа и интернет.

Според искуствата од работата на стручниот тим, оваа појава е сериозен предизвик и на локално ниво, при што се засегнати лица од различна возраст и социјална структура. Токму затоа, покрај третманот, особено внимание се посветува на превенцијата, раната детекција и едукацијата.

Во рамките на редовните активности, Советувалиштето во соработка со средните училишта реализира превентивни едукативни работилници и обуки за волонтери од редовите на учениците и наставниот кадар.

Една од ваквите активности беше реализирана во СОУ „Ѓорче Петров“ – Прилеп, училиште кое образува и медицински кадар. Во реализацијата на работилницата учествуваа Јован Велески и котерапевтот Петре Стеваноски, во соработка со психологот и педагогот од училиштето.

ЈЗУ Општа болница со проширена дејност – Прилеп упатува апел до граѓаните навремено да побараат стручна помош при појава на проблеми поврзани со зависност од коцкање, игри на среќа и интернет, имајќи предвид дека навремената интервенција значително ги подобрува можностите за надминување на проблемот.

Термини за работа на Советувалиштето:

Советувалиштето работи секој вторник и среда од 15:30 часот, во амбулантата на Невропсихијатриското одделение, со целосна дискреција.

Закажување преглед:

За закажување преглед, граѓаните можат да се јават на телефон: 078 243 501.

Николоски: Очекувам за брзо време да имаме директен лет од Саудиска Арабија до Скопје

од страна на
markukule
-

Следната недела започнуваме со прва реконструкција на охридскиот аеродром, прва од неговата изградба. За овие година и половина поминавме тежок процес, но успеавме да го легализираме аеродромот. Во меѓувреме работиме на Договор со Саудиска Арабија во делот на ависоообраќајот и очекувам да воспоставиме директна линија меѓу двете земји, вели во поткастот на ТВ Сител, вицепремиерот и министер за транспорт Александар Николоски.

-Веќе поминавме протокол за Договор со Саудиска Арабија, очекуваме во следните месец дена да го преговараме, да го потпишеме и да имaме директен лет од Саудиска Арабија до Скопје од еден од тамошните аеродорми. Следната недела почнуваме со реконструкција на аеродродмот во Охрид, прва реконструкција од тој тип од неговото градење. Инаку до скоро беше нелегален објект, го имавме пред нас но на хартија го немаше. Успеваме да го легализираме, што е срамно за државата да еден од двата аеродроми да го немаш на хартија. Тоа беше тежок процес затоа што треба да впишете цела инфраструктура. Но тоа е завршено и следно е реконструкцијата што ќе донесе повеќе летови и патници и очекувам туристичкиот дел да се насочи таму, а бизнис делот да доаѓа во Скопје, истакна вицепремиерот Николоски.

Тој вели дека за овие година и половина значително се развива ависообраќајот и го потенцира фактот што до сега се воспоставија 23 нови дестинации од домашните аеродроми што за Македoнија е огромно достигнување.

Вечна му слава: Дваесет и две години од загинувањето на претседателот Борис Трајковски

од страна на
markukule
-

Пред дваесет и две години на 26 февруари во Ротимље близу Мостар во авионска несреќа животот го загубија поранешниот претседател Борис Трајковски, членови на неговиот кабинет и екипажот на авионот. Годишнината од загинувањето на претседателот Трајковски денеска ќе биде одбележана во Скопје, во неговата родна Струмица и во Ротимље.

Членови на семејствата, државни и други делегации ќе положат цвеќе на гробот на Трајковски во Градските гробишта Бутел во Скопје и на спомен-обележјата во Ротимље и во Струмица.

Претседателот Борис Трајковски загина на денешен ден во 2004 година во авионска несреќа во близина на Мостар. Во несреќата, покрај Трајковски животот го загубија Димка Илкова-Бошковиќ, Ристо Блажевски и Анита Кришан Лозановска од кабинетот на претседателот, Миле Крстевски од Министерството за надворешни работи, Борис Велинов и Аце Божиновски, членови на обезбедувањето и пилотите Марко Марковски и Бранко Ивановски.

Владиниот „Кингер“ со кој претседателот Трајковски патуваше на Меѓународна конференција за инвестирање во Босна и Херцеговина, на 26 февруари 2004 година се урна во атарот на Матиќ Брдо кај селото Хусковиќи во близина на Мостар. Авионот требаше да слета на мостарскиот аеродром во осум часот по локално време. Остатоците беа пронајдени 24 часа по паѓањето на авионот.

Првичната истрага што ја водеа надлежните македонски и босански органи покажа дека причина за уривањето се пропусти на екипажот направени во процедурата за приоѓање на аеродромот Мостар во услови на сложена метеоролошка состојба, густа магла и облачност.

На барање на македонските власти, по собирањето на дополнителните докази од страна на македонското МВР, беше отворена нова истрага во јануари 2013 година, што ја водеше меѓународен тим предводен од Омер Кулиќ. И во нивниот извештај како клучни причини за несреќата беа наведени грешки на екипажот и системски пропусти.

Борис Трајковски е роден во Струмица на 25 јуни 1956 година. Беше втор претседател на Република Македонија во периодот од 15 декември 1999 година до 26 февруари 2004 година.

Трајковски дипломира на Правниот факултет во Скопје во 1980 година, специјализира деловно право и право на работни односи.

Од 21 декември 1998 година ја извршуваше функцијата заменик-министер за надворешни работи во Владата предводена од Љубчо Георгиевски. Трајковски исто така беше претседател на Комисијата за надворешно – политички односи на ВМРО-ДПМНЕ, главен политички советник за надворешна политика на претседателот на партијата, член на Претседателството на невладината организација Паневропско движење за Република Македонија и на меѓународната конференција „Решавање на конфликти“ со седиште во Атланта, САД. Бил претседател на младината на Обединетата методистичка црква во поранешна Југославија повеќе од 12 години.

За претседател на Република Македонија беше избран во 1999 година. Должноста шеф на државата ја извршуваше до 26 февруари 2004 година кога загина во авионска несреќа во близина на Мостар.

(ВИДЕО) Еве како во моментов изгледа спортската сала во Прилеп, која требаше да се реновира уште во септември лани

од страна на
markukule
-

По долгогодишна иницијатива на спортистите, спортските клубови и општина Прилеп, за враќање во функција на Универзлната сала – или спортскиот храм на прилепчани, летото во 2024 година, конечно некој висок функционер го посети Прилеп и даде цврсто ветување дека работите ќе тргнат од мртва точка и дека прилепчани наскоро ќе се вратат на трибините и ќе ги бодрат своите спортски миленици.

Тогаш во посета на Прилеп беше министерот на новоформираното Министерство за спорт, Борко Ристовски, кој вети враќање во функција на овој спортски објект за неколку месеци, но оттогаш поминаа речиси две години, а во Универзална се’ уште нема активности.

Универзалната сала не е во функција повеќе години, а веќе видливо е дека времето остава траги врз овој некогаш грандиозен спортски објект.

Интересно е тоа што спортската сала “Македонија” била изградена за само 9 месеци во 1978 година, додека пак Универзалната сала била завршена за рекорни 100 дена во 1973година.

Прилеп ќе пее овој викенд – Ако сакате добра музика и уште подобра атмосфера, РЕЗЕРВИРАЈТЕ НАВРЕМЕ!

од страна на
markukule
-

Постојат вечери кои едноставно поминуваат… и постојат вечери што остануваат. Вечери исполнети со музика што допира до срце, со разговори што траат подолго од планираното, со насмевки што се раѓаат спонтано. Токму таков викенд ве очекува во Ресторан Порта – место каде што вкусот, амбиентот и добрата музика создаваат совршена приказна.

Ова не е само уште една викенд програма. Ова е покана да заборавите на секојдневието и да си подарите моменти што ќе ги раскажувате. Со внимателно одбран репертоар, врвна услуга и атмосфера што се чувствува уште од самиот влез, „Порта“ повторно подготвува три музички доживувања кои не се пропуштаат.

Петок, 27.02. од 21:00 часот

Викендот започнува со енергијата на MODUS Band – динамичен настап, многу хитови и ритам што ќе ве раздвижи уште од првата нота.

Сабота, 28.02. од 13:00 часот – ДЕНСКА ЗАБАВА

Попладне исполнето со светлина, добра мисла и прекрасна жива музика со Софија & Дани. Совршен избор за опуштено уживање со пријателите, со чаша вино и богата трпеза.

Сабота, 28.02. од 21:00 часот

Викендот го заокружуваат маестралните Лидија Паскова и Ване Биков од OРИЕНТАЛ бенд – емоција, безброј убави македонски песни, мелос и ритам кој плени душа.

Резервирајте навреме на тел.бр. 078 368 111 и направете си овој викенд да биде повеќе од излегување – да биде чувство.

Вашиот ресторан “ПОРТА” ве очекува!

Зоран Заев тужи се редум

од страна на
markukule
-

Поранешниот премиер Зоран Заев поднесе тужба против пратеникот на ВМРО-ДПМНЕ Бране Петрушевски и сопственикот на клиниката Жан Митрев.

Заев претходно најави дека ќе поднесе тужби ако Петрушевски не му се извини за тврдењата дека заплентетата марихуана била поврзана со фирми блиски до Заев, додека пак екс премиерот го тужи доктор Митрев поради неговите тврдења за преземање на неговата болница.

И во двете тужби, Заев како надомест бара по 500.000 денари.

Во објава на 8 февруари на неговиот Фејсбук профил, Заев ги демантираше трврдењата на Петрушевски и Митрев и побара од нив да се извинат во законски предвидениот рок, а доколку не го сторат тоа, најави дека ќе поднесе тужба и ќе се бори со сите правни средства како што напиша за да ја симнал оваа дамка од неговото име.

Инаку, Заев го тужи Петрушевски зашто во обраќање на прес-конференција го поврзал него со запленувањето на 10 тони марихуана во струмичко, а докторот Митрев за изнесени тврдења дека вршел притисок за купување на неговата болница.

Тужбите се поднесени до Основниот суд во Струмица.

Битолчанец (83) измамен за 10.000 евра: Мислел дека парите ги дава за итна операција на внуката

од страна на
markukule
-

На 24.02.2026 во 13:30 часот во СВР Битола, 83-годишник од Битола пријави дека бил измамен од едно лице за сума од 10.000 евра.

-Според пријавеното, лицето му се јавило, се претставило како лекар и му кажало дека неговата внука паднала по скали и се здобила со тешки телесни повреди и било потребно да се направи итна операција, за што требало да плати. Како што е пријавено, тој ги дал парите на едно лице кое дошло пред неговата врата, а откако подоцна се слушнал со неговиот син, сфатил дека е измамен, информира МВР.

Се преземаат мерки за расчистување на случајот.

ВИДЕОЛОТАРИЈА И ГОДИНАВА СПОНЗОР НА ХРИСТИЈАН БУЗАЛКОВСКИ

од страна на
markukule
-

Видеолотарија Касинос Австрија и годинава продолжува со поддршката на македонскиот мотоциклистички шампион Христијан Бузалковски, одбележувајќи пет години успешна соработка.

Видеолотарија Касинос Австрија ја продолжува соработката со Бузалковски. Овој мал јубилеј претставува потврда за долгорочната посветеност во развојот на македонскиот спорт и поддршката на млади и талентирани спортисти. Во изминатите пет години, ова спонзорство придонесе за значителен напредок во неговата кариера и за постигнување врвни резултати на меѓународната сцена. Минатата, 2025 година, се вбројува меѓу најуспешните во неговата кариера, но и во историјата на македонскиот мотоциклизам. Очекувањата за новата сезона се подеднакво високи.

„Благодарност до Видеолотарија Касинос Австрија за континуираната поддршка во изминатите пет години. Ова спонзорство ми овозможува настап на ФИМ Европскиот шампионат во брзински мотоциклизам, во класата Суперсток 1000цц. Покрај тоа, ќе настапам и на Алпе Адриа Интернешанал шампионатот. Верувам дека и оваа сезона ќе донесе сериозни резултати“, изјави Бузалковски.

Поддршката е дел од стратегијата на Видеолотарија Касинос Австрија како општествено одговорна компанија, која активно вложува во развојот на спортот и поттикнување на здрави спортски навики кај младите. Под слоганот „Играј со најдобрите“, компанијата поддржува млади кадри од спортот, образованието, културата и медицината.

Во 2025 година, за спонзорства и донации беа издвоени 50 милиони денари, со што компанијата уште еднаш ја потврдува својата долгорочна определба за поддршка на заедницата и создавање успешни приказни.

1...151617...5.571страница 16 на 5.571
© МАРКУКУЛЕ - Тука вистината ви е на дланка.