Велигденските кули претставуваат традиционална културна манифестација, а воедно и обичај кој се негува во Македонски Брод и датира уште од Османлиското ропство.

Maкедонскиот православен народ за време на Османлиското ропоство бил доста угнетуван и не му се дозволувало да ги слави своите православни празници, ниту пак да ги извршува своите вообичаени обреди и обичаи за време на празниците.

Длабоко исфрустрирани од овој начин на однесување, најугледните броѓани одлучиле да одат во Цариград кај Султанот и со злато да откупат еден празник во годината кога ќе смеат слободно да празнуваат и најпосле да се почувствуваат гордо и среќно поради тоа што се Христијани.

Како таков празник и голем ден тие го избрале вториот ден од големиот празник Велигден.

Начинот на кој тие сакале да му покажат на поробителот колку се среќни на тој ден претставува една фантастична отслика на духовната сила која ја поседувале на овој нивен ден.

Броѓани одлучиле да прават кули од луѓе кои се состојат од два реда со кои јасно ќе им покажат каде се наоѓаат на тој ден и буквално ќе стапнат врз вратот на поробителите (Османлиите).

Покрсти како дел од Велигденските кули

Пред да се прават кулите, рано наутро се носат Покрсти, кои започнуваат со литургија во градската црква (нешто пред 8 часот), а потоа се прави поворка на чело со свештеникот позади кого доброволните верници носат религиски обележја и икони, додека пак учесник во покрстите може да биде секој што ќе посака без никаква посебна одговорност (носење на икони и сл.) и така собраната поворка го заобиколува целиот бродски атар на сите четири страни.

Веднаш по тргнувањето на покрстите се излегува по ридот до местото викано Топола, каде што се врши првото заклинување.

Заклинувањето се врши така што еден од верниците зема секира и на еден даб (каде што порано се наоѓала црква) се формира крст во кората и се отвора отвор во кој свештеникот за време на своето пеење го полни со нафора (свето лепче) и вино и ги пее стиховите кои им се добро познати на сите дотогашни учесници на покрстите, а тие звучат:

“Христос воскресна од мртвите, Со смртта смртта ја победи и на тие во гробвите животи им даде”.

Овој обичај симболично го демонстрира трнливиот пат на Исус Христос од фаќањето во Гетсиманската градина, па се до Голгота, каде што е распнат.

Крстот на кората го симболизира крстот на кој е распнат Исус, отворот (дупката) е гробот Исусов, додека пак лебот и виното се телото и крвта Исусова и на крајот дупката се запечатува со клин.

Како што во пролет ќе оживее дрвото и на некој начин ќе даде нов живот, така и Христос со воскресението од гробот дава нов живот.

Ова заклинување се врши на сите четири страни од Македонски Брод на различни дабови (кои се точно одредени) и некаде на пладне повторно групата стигнува во градската црква.

Веднаш по враќањето назад, почнува подготовката за Велигденските кули, каде пред издигнувањето на истите се извршува обичајот Каленчицa.

Во извршувањето на овој обичај кој според горенаведеното е предвесник на почетокот на правењето на кулите учествуваат девојчиња облечени во народна носија, кои прават шпалир и пожелно е сите кои сакаат да бидат дел од Велигденските кули (без разлика дали ќе земат активно учество) да поминат под тој шпалир, додека пак најхрабрите момчиња кои веќе поминале под шпалирот веќе почнуваат да ги прават кулите.

Кулите се состојат од два реда на луѓе од кои во секој ред има по петмина. Пет момчиња од долниот дел се фаќаат рамо за рамо и врз нивните рамена стапнуваат уште пет други момчиња кои исто така се држат рамо за рамо, кои го формираат горниот дел на кулата.

Кулите исто така мора да бидат 5 на број, симболизирајќи го петвековното турско ропство кое владеело во нашата татковина.

Долниот дел од кулата го претставуваат поробителите- Османлиите, а пак горниот ред ги претставува македонските христијани кои носени од помислата дека ќе дојде денот кога буквално ќе стапнат врз вратот на непријателот (поробителот) и гордо издигнувајќи се јасно им покажуваат на сите присутни дека ќе светне сонцето на слободата и сите празници ќе може да се прославуваат со голема среќа, слобода и бескрајна радост.

Додека кулите го изминуваат патот од пред градската црква до местото на поранешното сретсело, оние кои се на горниот ред пеат црковни и македонски патриотски песни и повеќе од јасно ни укажуваат дека храброста и издржливоста на Македонецот е непокорна дури и во денови кога бил под туѓо ропство и непрекинати угнетувања.

Секоја година на вториот ден од празникот Велигден, овие кули ни потенцираат дека треба нескротливо да ја сакаме и чуваме нашата света православна вера и да ги негуваме сопствените обичаи и празници кои се од непроценлива културна вредност, а од друга страна и му покажуваме на целиот свет дека сме единствени и свои-православни христијани.

Единаесетите парламентарни избори во земјава ќе се одржат во среда. Ова се редовни парламентарни избори што се спроведуваат истовремено со вториот круг од претседателските избори.

Избирачите ќе може да гласаат со заокружување на еден од редните броеви пред 17-те листи на кандидатите за пратеници.

Се гласа во шест изборни единици, а дел од коалициите и партиите имаат листи само за одредени изборни единици. На изборите има 1755 кандидати од кои 1002 мажи и 753 жени.

Во Собранието на Република Македонија се избираат од 120 до 123 пратеници, од кои 120 пратеници се избираат според пропорционалниот модел, при што територијата на Републиката е поделена на шест изборни единици. Во секоја се избираат по 20 пратеници, а тројца пратеници се избираат според пропорционалниот модел во една изборна единица
која ги опфаќа Европа, Африка, Северна и Јужна Америка, Австралија и Азија. На овие избори нема гласање во дијаспората така што бројот на пратеници што ќе се избира ќе биде 120.

Гласањето и за парламентарните и за вториот круг од претседателските избори започнува во 7 часот и трае до 19 часот. Граѓаните во текот на денот ќе можат само еднаш да дојдат на избирачкото место и да гласаат за двата вида избори или пак, само за претседателските или само за парламентарните избори. Идентификацијата на гласачите ќе се врши со т.н. фингерпринт апарати.

Записниците и другиот изборен материјал, избирачкиот одбoр ги доставува до ОИК во рок од пет часа по завршување на гласањето. По спроведените избори за пратеници, ОИК ги сумира резултатите од гласањето на листата на кандидати, составува записник и заедно со целокупниот изборен материјал го доставува до ДИК веднаш, а најдоцна до 12 часа од завршување на гласањето.

Првичните резултати од изборите добиени по електронски пат, Државната изборна комисија ги објавува сукцесивно, а резултатите врз основа на податоците од записниците од ОИК во рок од 12 часа по завршувањето на изборите. Конечните резултати, Државната изборна комисија ги објавува најдоцна во рок од 24 часа од денот на нивната конечност.

За вториот круг на претседателските и за парламентарните избори зголемен е бројот на пријавени болни и немоќни лица, кои ќе ги посетат членовите на избирачките одбори за да гласаат во домашни услови.

Од Државната изборна комисија за МИА изјавија дека утре за претседателските избори ќе гласаат 11.123 болни и немоќни лица, а за парламентарните избори бројката е поголема за 102 избирачи или ќе гласаат 11.225 болни и немоќни лица.

Претседателот на Општинската изборна комисија (ОИК)-Штип, Виктор Вацев вели дека и во Штип бројката за двојните избори е зголемена за 50 болни и немоќни лица, со што утре во домашни услови ќе гласаат 208 лица.

Тој посочува дека на 8 мај на избирачките места ќе има две гласачки кутии, едната за избор на нов претседател, а втората за избор на пратеници. Гласачите ќе имаат право само еднаш да пристапат до избирачкото место.

-Членовите на избирачкиот одбор се должни да го прашаат секој избирач, дали сака да гласа за парламентарните или за претседателските избори или пак сака да гласа за двата вида избори и при тоа да му укажат на тоа дека има право само еднаш да пристапи на избирачкот место, појаснува Вацев.

ВМРО-ДПМНЕ и коалицијата “Твоја Македонија”, вечерва со завршен митинг во Прилеп ја завршуваат кампањата за вториот круг претседателски избори и за парламентарните избори.

На плоштадот “Методија Андонов – Ченто”, се собрани илјадници граѓани, кои најавуваат дека партијата и на овие избори ќе забележи голема победа во градот под Марковите Кули.

Пред граѓаните свое обраќање ќе имаат кандидатите за пратеници, носителот на изборната единица 4, Александар Николоски и лидерот на партијата, Христијан Мицкоски.

Почитувани прилепчани, браќа и сестри во Христа!

Со радост ве известуваме дека на ден 07.05.2024 година Светол Вторник, во храмот „Св.св Кирил и Методиј ( ПАРАКЛИС) со почеток во 07:30 часот ќе се богослужи света архиерејска литургија со која ќе чиноначалствува епархискиот архиереј, Неговото Високопреосвештенство митрополитот Преспанско-пелагониски и администратор Австралиско-новозеландски г. Петар.

Ве покануваме возљубени, та сите заедно да се помолиме на нашиот Господ Исус Христос и поучувајќи се од нашиот Свет Владика, заедно да воскликнеме со најрадосниот глас ХРИСТОС ВОСКРЕСНА!!!

Во саботата во Чачак, Србија, се одржа велосипедската трка “Големата награда на Чачак 2024”, на која учество зедоја најдобрите двајца велисипедисти од Прилеп, членови на Велосипедскиот клуб “ИЛИНДЕН”.

Во силна конкуренција на кадети, Константин Костоски го освои второто место, додека Андреј Маџоски заврши во првите 10 во конкуренција на јуниори.

Ова е уште еден доказ дека прилепскиот вело клуб “Илинден” е во самиот врв и е вистински спортски репрезент на цела Македонија.

Честитки за нашите велосипедисти и желби за уште поголеми успеси во новата сезона.

Митрополитот на Повардарската епархија Агатангел во своето Велигденско послание порача до верниците дека е потребна одговорност кон себе, кон општеството, да се потпраме на вредностите на православието оти важно е какво општество и каква држава ќе изградиме.

-Мораме да бидеме одговорни како за себе, така и за општеството и околината што нè опкружува. Не смееме да потонеме во самодоволност и сув индивидуализам. Човекот не е створен да биде сам и осамен во светот. Не смееме да бидеме небрежни за својот ближен, за страдањето на братот, за животната средина во која ги раснеме нашите деца…Важно е за човекот да живее во мир и благосостојба, важно е какво општество и каква држава ќе изградиме. Тоа не се прашања што не треба да нè засегаат. Добро е да знаеме кои сме, што сме и од каде сме. Од Христа сме откупени, скапо сме платени преку Неговата сечесна крв. Он, преку Своето славно Воскресение, преку Својата неизмерна љубов, ни го подари највисокото достоинство. Не смееме на Неговата татковска грижа да одговориме со незаинтересираност и самодоволно повлекување. На Бога со камен не треба да фрламе, раката што дава не треба да ја сечиме – така нè учеле и воспитувале нашите предци, вели владиката Агатангел во посланието објавено на веб страницата на Повардарската епархија.

Според него, иако човекот денес живее во изобилство, понесреќен е и попотиштен од кога и да е во неговата долга историја

-Македонскиот народ илјадници години непрестајно на Бога благодарност и пофални песни Му вознесувал. Знаел нашиот мудар народ дека секоја тиранија е привремена, дека секое зло е краткотрајно. Денес, пак, злото, покрај тоа што си го зачувало својот вообичаен облик, има и некакво друго, поинакво лице. За жал, во тешка состојба сме доведени. Денес, иако човекот живее во изобилство, сепак е понесреќен и попотиштен од кога и да е во неговата долга историја. Денешниот човек е збунет и дезориентиран. Тој како да не ја препознава вредноста, како да не знае што е нормално, а што застрането, потенцира митрополитот Повардарски Агатангел.

Сега, како генерација, додава тој, мораме да застанеме на патот на оваа демонска наезда, оти ако тоа час поскоро не го сториме, духовно ќе се разориме себе си одвнатре и дури тогаш ќе станеме морално плитки и исушени.

-Затоа, македонскиот народ нема друг избор освен да се ослони на Бога, да се потпре на Неговиот спасоносен столб, кој го држи и покрепува секое човечко здание. Само така и на тој начин ќе опстоиме. Македонското име, идентитет, историја и традиција не смеат да бидат претворени во роба за трговија. Тоа е срамно и неправедно, а уште помалку морално. Ова важи како за македонскиот народ и држава, така и за Црквата, порача митрополитот Повардарски Агатангел.

Потенцира дека мнозина подло ќе се обидат да ни го омаловажат и искривоколчат секој наш успех и достигнување. Но, вели, имајте секогаш предвид дека со Христос победуваме, он ги штити и запазува праведните, оти Самиот Тој е правда и вистина. Христос е живата радост која го исполнува секое осамено и повредено срце.

-Од изворот на Воскресението Христово постојано и непрестајно да се напиваме. И ние еден ден ќе Воскреснеме во новиот живот исполнет со вечното. Нека ја штити и закрилува Господ нашата татковина Македонија и нашата Света Македонска православна црква – Охридска архиепископија. Македонскиот православен народ нека создава дела за вечно паметење. Блажен е овој народ што го срамат и прогонат, и што говорат против него секакви лоши зборови и лаги – заради Христа! Радувајте се и веселете се, зашто голема е вашата награда на небесата, порача Митрполитот Повардарски Агатангел.

Утрово на прв ден Воскресение Христово – Велигден, се служеше Златоустова литургија во црквата „Успение на Пресвета Богородица“, а со литургијата во храмот „Св. Кирил и Методиј“ чиноначалствува митрополитот Повардарски Агатангел.

Најрадосната вест за Христовото Воскресние синоќа на полноќ беше објавена низ сите православни храмови на Повардарската Епархија. Во Соборниот храм на Повардарската епархија „Св. вмч. Пантелејмон“ во Велес со литургијата чиноначелствуваше митрополитот Повардарски Агатангел, а литургии посветени на воскресението на Хириста се одржаа и во трите градски цркви – „Св. Кирил и Методиј“, „Вознесение Христово“ (Св. Спас) и „Св. Јован Крстител“.

Би сакал да ги поканам сите жители на 4-тата изборна единица и на цела Македонија, а особено жителите на општина Прилеп и соседните општини, од општината Кукуречани, општината Могила, Новаци, Битола да ни се приклучат вечерва тука на плоштадот во 20:30 часот и заеднички да ја затвориме досега најуспешната кампања за ВМРО-ДПМНЕ, ова денеска преку изјава за медиумите го истакна носителот во изборната единица 4, Александар Николоски.

„Не случајно тоа го правиме во Прилеп. Затоа што Прилеп е од огромно значење за сите нас, и ќе следи голем инвестициски циклус по завршување на изборите во кој што ќе се решат бројни инфраструктурни прашања во самиот град и во населените места кои што гравитираат кон градот. Градот инфраструктурно ќе се врзе со реална изградба на експресниот пат Прилеп – Градско, а не со монтирани видеа со вештачка интелигенција. Ќе се изгради и автопат од Прилеп до Битола и Меџитлија, пругата ќе стане многу побрза и многу покористена помеѓу Прилеп, Битола и Солун. Ќе доаѓаат и странски инвестиции, ќе се стимулираат домашните. И многу битно ќе има одговорност за сите што прават криминал и во Прилеп, и во Македонија“, вели Николоски.

Тој додава дека кампањата помина за нас исклучително успешно. Очекуваме масовна референдумска излезност во среда на осми мај. И ги повикувам сите граѓани да излезат и да гласаат. Потребна е најголема излезност досега за најголема победа за ВМРО-ДПМНЕ, за Христијан Мицкоски премиер, за Гордана Силјановска Давкова претседател на Македонија и за Влада која што нема никој да ја уценува.

„Затоа посакуваме 61 пратеник, а ќе си дозволам еве првпат пред медиумите да кажам што очекувам во 4-тата изборна единица, досега во кампањата тоа не го кажувам експлицитно и очекувам ВМРО-ДПМНЕ да освои најмногу пратеници досега и најмногу гласови досега, а тоа е зависно и од малце среќа и од Донтовата формула да имаме помеѓу 13 – 14 пратеници за ВМРО-ДПМНЕ“, вели Николоски.

Дали веќе сте ги пробале?!

Царството на вкусови, нејзиното височество ВИТАМИНКА од Прилеп, ви ги претставува новите производи од линијата сосови и преливи.

Неодоливи вкусови кои одлично се вклопуваат со секој вид храна, ваше е само да го одберете омилениот вкус и целосно да уживате.

View this post on Instagram

A post shared by Vitaminka (@vitaminka.mk)

View this post on Instagram

A post shared by Vitaminka (@vitaminka.mk)

Сос од чедар, бургер сос, сладок скара сос, сос од мајонез и сенф, прелив за цезар, прелив со мед и сенф, фета прелив и прелив илјада острови – ова е дружината без која отсега нема да може да постои ниту еден фрижидер.

За секоја салата, сендвич, бургер, сирење, пилешко, тестенини. Твојот пат кон повкусен и сочен оброк. Помфритот, хамбургерот, начосот, скарата, палачинките, такото сега можат да бидат уште повкусни!

Пронајдете ги во маркетите уште денеска! Уживајте со ВИТАМИНКА!

View this post on Instagram

A post shared by Vitaminka (@vitaminka.mk)

Колумнистот на Скопско Ехо Никола Тасев очекува во среда на денот на парламентарните избори и вториот круг од претседателските избори граѓаните ќе кажат стоп за лошата глума на власта.

,,Власта за 7 години изрежира тежок филм, во кој, тие беа глумци со главни улоги, а на нас, народот, ни дадоа улоги на статисти. Што жанр беше филмот? Во поголемиот дел хорор, а кога беа сцените само со глумците имаше и баханалии, крими стори, ама и комедија…

Туку, ќе ве вратам 8 години назад, кога се местеше сцената СДСМ да ја преземе главната улога на македонската сцена… Сценаристите, претежно странци, го напишаа заплетот. Режисерот, исто така од странство, главната улога му ја додели на глумецот, кој многу добро знае да одглуми подлажнување со ставање раче на срце. Тој пак, среќен за дадената улога одржуваше „проби“ секој ден, за да ја држи публиката во кондиција и секоја прес – конференција, на која обзнануваше прислушкувани разговори ја завршуваше со реченицата: „Ова зло никогаш да не се повтори“.
И бидна успешна премиерата.

Публиката очекуваше дека по режимскиот театар ќе дојде време за поарни сцени, дека рачето само на срце ќе стои, а не по државните каси дека ќе е. И во првата година громогласно аплаудираше, ама како одминуваа годините се виде дека глумецот сосе другите „уфилмани“ актери не успеаја интересот за претставата да трае, напротив тотално се изгуби. Премногу ги запоставија статистите. Па режисерот и сценаристите донесоа нов глумец. Не беше познат, ама се очекување дека тој, како некогаш популарниот филмски детектив – Коџак, ќе носи правда, ќе лови криминалци, ама… Главните глумци добиваа се повеќе свирежи и пцовки”, пишува во колумната Никола Тасев кој најавува нова аудиција во која многу глумци ќе ја завршат кариерата.

,,На 8 мај во Македонија повторно ќе има аудиција. Овојпат сценариото го пишуваат македонските граѓани. И режисерот е домашен! Народот ќе ја има главната улога…

Во среда сите треба да ја повториме реченицата на неуспешниот глумец:

„Ова зло никогаш да не се повтори“ и сегашните главни актери да ги тргнеме од сцената. Оти неопходно е Македонија да добие нови луѓе на главните места. Оти не се трпи веќе – сегашнава претстава – филм, одамна стана негледлива. И штетна по државата и по граѓаните.

Затоа, главните улоги треба да се пододелат на скромни луѓе со високи морални, лични и професионални квалитети, чесни, патриоти, кои нема да се плашат од правдата и од вистината, да знаат да носат одлуки, но и да слушаат. Да бидат опкружени со многу паметни и докажани луѓе, а не со неспособни партиски апаратчици, чиј поглед на свет е само до партиските ровови.

Всушност на Македонија веќе не и требаат глумци! Не и требаат и филмови некој да и прави. Потребна е реалност и вистинско делување за подобро утре.

Новите главни ликови во Македонија мора да разбираат што е татковина, патриотизам, традиција, верба и историја и нема да ги менуваат како да се чорапи. Мора да веруваат во државата и својот народ, а не само да ги интересираат народните пари и цел ден да размислуваат како нив да ги потрошат кај свои роднини, пријатели и партиски спонзори за невидливи проекти. Доста ни е со ликови – глумци, кои размислуваат само како да „купат ден” и да ја зачуваат власта, а државата и народот им се споредни. Не ни требаат таквите што наутро ветуваат едно, напладне се
заколнуваат во друго, а навечер прават сосема нешто трето. Стоп за оние кои се будат како Македонци, напладне веќе националното не им е важно, навечер други прашуваат што да бидат, а си легнуваат како граѓани од „нашата земја“.

Ни треба главни ликови, кои нема туѓите размислувања, опасни по државата, да ги прифатат како свои, понижувајќи го својот народ. И сето тоа да ни глумат дека е за доброто на Македонија!

Аудицијата е пред нас, ние, народот, одлучуваме! Масовно да излеземе на избори и да ја дадеме нашата оценка. Оти лоши глумци – не можат да направат добра претстава”, пишува Тасев за Скопско Ехо.