Општина Прилеп го избра Локалното собрание на млади пред кое претстои конститутивна седница за почетокот на новиот мандат на делегатите и нивните заменици, по чие конституирање ќе биде објавен повик за претставници во Локалниот младински совет. Согласно донесеното решение, во Собранието се избрани 12 млади делегати и 12 заменик-делегати, вкупно 24 млади претставници што ќе ги застапуваат интересите на младите граѓани.

Младинските делегати и заменик-делегати доаѓаат од повеќе организации, вклучувајќи: Црвена младина – Прилеп, ученички и ученички заедници од СОУ „Ристе Ристески – Ричко“, СОУ „Кузман Јосифоски – Питу“, СОУ „Орде Чопела“, СОУ „Ѓорче Петров“ и Гимназија „Мирче Ацев“ – Прилеп, ЛК СДММ – Прилеп, Младински совет – Прилеп, Коалиција на младински организации СЕГА – Прилеп, УМС ВМРО-ДПМНЕ – Прилеп, Здружение за правна едукација и транспарентност Станица П.Е.Т – Прилеп и Извиднички одред ФЕНИКС.

Еве кои имиња ќе се најдат во новиот состав на Локалното собрание на млади:

Локалното собрание на млади е тело кое го сочинуваат млади претставници од различни младински и ученички организации и има советодавна и застапувачка улога за прашања од младински интерес во локалната самоуправа. Според донесеното решение, целта на овој состав на Локалното собрание на млади е да спроведат избор на членови во Локалниот младински совет. Оваа институционална форма е предвидена со Законот за младинско учество и младински политики, според кој локалните совети се важен механизам за вклучување на младите во креирањето политики и донесувањето одлуки што директно или индиректно влијаат на нивниот живот, со цел да биде засилена нивната улога во општеството и во локалните процеси на донесување одлуки.

Од Општина Прилеп посочуваат дека оваа иницијатива е значаен чекор кон јакнење на младинското учество, создавање простор за гласот на младите да биде чуен и за конкретни придобивки да се реализираат на локално ниво.

Тодорова сабота е празник посветен на Светиот Великомаченик Теодор Тирон, кој настрадал во прогоните на христијаните од страна на римскиот цар Максимилијан. Овој ден се празнува во спомен на едно чудо што го направил св. Теодор Тирон околу 50 години по смртта.

Имено, еднаш, непосредно пред почетокот на велигденскиот пост, византискиот цар Јулијан Отстапникот сакал да им напакости на христијаните и наредил храната што се продавала по пазарите да се испрска со крвта на жртвите што им се принесувале на римските идоли.

Меѓутоа, св. Теодор Тирон на јаве му се појавил на цариградскиот патријарх и му кажал да им забрани на христијаните да купуваат храна од пазарите, зашто таа ќе биде осквернавена со крв и наместо тоа, цела недела да јадат пченица со мед.

Патријархот така постапил и христијанските верници отанале неиспоганети пред нивниот најголем празник. Во спомен на овој настан, првата сабота од велигденските пости е наречена Тодорова сабота.

Со празникот Тодорова сабота се поврзани и други обичаи и верувања. Во Гостиварско пченката што ја враќале од црквата утрото на самиот празник ја носеле во полето и ја фрлале по нивите и бавчите велејќи: „Господе, колку зрна, толку тоари, толку дар и бериќет да ни даеш”.

Очигледно е дека иако празникот Тодорова сабота или Тодорица е пред се црковен празник, иако повеќето од обичаите се изведуваат во црквата и се поврзани со споменот на Свети Теодор Тирон, особено житото, сепак, во овој празник се контаминирале и поголем број пагански обичаи поврзани со доаѓањето на пролетта и со разбудувањето на вегетацијата.

На овој ден се вари пченица во која се додава малку мед и оние кои постат задолжително јадат од тоа.

Иницијативата за независна култура „500 денари рекет“ ќе ви понуди уште еден настан од својата годишна програма, овој пат концерт на скопската група My TEAR со локална поддршка од прилепскиот бенд SIDE QUEST.

Концертот ќе се одржи на 28 февруари (сабота) во кино салата “Мис Стон” со почеток во 21.00ч.

Влезници ќе можете да набавите непосредно пред почетокот на концертот (на врата) по цена од 200 денари.

Повелете на концерт и поддржете ја независната културна сцена со вашето присуство.

ПС.листата на иницијатори „500 денари рекет“ е отворена за сите граѓани на Република Македонија и секој од вас може да биде дел од неа…детали може да добиете инбокс.
.
My Tear е инди / new wave трио од Скопје, составено од искусни музичари од македонската андерграунд сцена. Бендот го сочинуваат Дени Крстев (вокал и гитара), Антони Анев (бас) и Иван Димишков – Димиш (тапани), познати и по своето учество во бендови како Фонија, 21 Век, Преку Ред, Red18 и други
релевантни проекти од алтернативната сцена.

My Tear се оформуваат како природна еволуција на бендот Фонија, со јасен стилски пресврт од панк-рок кон инди и new wave естетика, инспирирана од македонската и југословенската алтернативна традиција од 80-тите, но обликувана низ современ звук и продукција.

Зад себе имаат два студиски албуми, две EP-изданија и неколку синглови што оствариле значително радио-присуство. Песната „Остави ме да бидам“ три недели се наоѓа на врвот на топ-листите на Антена 5 и Радио Бубамара, а во 2018 година е прогласена за сингл на годината од култното инди радио Канал 103. Бендот има објавено и три официјални музички видеа, како и истоимениот деби-албум „My Tear“ (2019), издаден и на винил за Corpus Delicti и Балкан Велики.

Нивниот втор албум „Кога не се сакаме“ претставува концептуално издание посветено на современата љубов и нејзиното преживување во забрзан и отуѓен свет. Албумот е реализиран во скопското Studio 1060, со минималистички продукциски пристап и вклучува гостувања на значајни имиња од регионалната сцена, меѓу кои и Васко Атанасоски и Деан Шкартов – Деко (Badmintons).

Синглот “Истото го сакаш” го достигнува првото место на Nevidljiva top lista. My Tear зад себе имаат и европска турнеја, а нивните настапи се карактеризираат со силна емоционална интензивност, јасен авторски идентитет и директна комуникација со публиката.

Бендот продолжува активно да создава и настапува, позиционирајќи се како релевантен и препознатлив глас на современата македонска алтернативна сцена.​

SIDE QUEST за себе велат вака:

„Панк бенд од Прилеп. Свириме кавери, трибјути, и наши песни – сè што ни врие внатре, го пуштаме надвор. Малку панк, малку хаос, многу енергија. Ако има публика – има свирка. Ако нема – че ја напрајме. На 28ми ќе ви се претставиме со авторска музика“

Повелете на концерт вечерва во Прилеп!

На Интернационалната олимпијада за вештачка интелигенција која се одржа во Љубљана, учениците Андреј Ангелов од Математичко информатичката гимназија од Скопје и Благој Рујаноски Стојаноски од гимназијата “Мирче Ацев” од Прилеп освоија бронзен медал.

Натпреварувачите беа под менторство на професорот Емил Станков од ФИНКИ и асистентот на ФИНКИ Димитар Милески.

Медалите им ги додели министерката за надворешни работи на Словенија, Тања Фајон.

-Честитки за нашите млади мозоци кои во конкуренција од 200 натпреварувачи од целиот свет успеаја да и донесат бронза на Македонија, напиша на социјалните мрежи амбасадорот на Република Македонија во Словенија, Горан Милевски.

-СВР Битола поднесе кривична пријава против А.Е.(38) од Прилеп поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“. На 03.09.2025, затворски службеници во Казнено-поправната установа Затвор Битола извршиле преглед над пријавениот, при што била пронајдена и одземена марихуана, информираат во полицискиот билтен на МВР.

Министерствто за транспортобјави Јавен повик за набавка на 150 електрични еколошки автобуси и 75 полнилници. Согласно планот за набавка, 100 автобуси се наменети за Град Скопје, а останатите 50 за општините.

Согласно критериумите во Јавниот повик, најповолниот понудувач има обврска да произведе и да ги испорача автобусите во следните рокови:

-30 автобуси во рок од 6 месеци
-60 автобуси во рок од 12 месеци
-60 автобуси во рок од 18 месеци

Јавниот повик е објавен денеска на електронскиот сервис за Бирото за јавни набавки и истиот може да се погледне на следниов линк: https://e-nabavki.gov.mk/PublicAccess/home.aspx#/dossie/fde19674-bc01-4b44-859d-a9202c88f3d3/1

Рокот за доставување на потребната документација e до 30 март 2026 година.

Набавката на електрични еколошки автобуси претставува јасна политичка определба за заштита на животната средина како и подобрување на ефикасноста со јавниот превоз во Скопје и останите општини.

Покрај еколошките придобивки, набавката на нови автобуси носи и економска исплатливост на подолг рок со намалени трошоци за одржување и енергија.

-Ова е дел од стратешкиот план за трансформација на градскиот сообраќаен систем и подигнување на економичноста на транспортната мрежа. Со оваа инвестиција испраќаме јасна порака во борбата против аерозагадувањето и подобување на условите за граѓаните во делот на користење на јавниот превоз, како долгорочна инвестиција во транспортниот сектор и јавните услуги, стои во соопштението од Министерството за транспорт.

Градоначалникот на Крушево, Нико Чонески, домаќин на амбасадорката на Народна Република Кина во Република Македонија.

-Денеска имав чест и задоволство да остварам средба со Н.Е. Џијанг Сјаојан, амбасадорка на Народна Република Кина во Република Македонија.

Општина Крушево останува отворена за соработка со сите меѓународни партнери кои сакаат да придонесат за напредокот и благосостојбата на нашите граѓани, напиша Чонески на социјалните мрежи.

Со силни зборови и емотивен настап, Игор Џамбазов ја коментираше трагедијата во дискотеката „Пулс“, прашувајќи јавно: „Кој ги уби тие деца?“

„Наши неодговорни луѓе. Луѓе-нелуѓе. Тоа е новиот фашизам, луѓе. Нахранет со алчност, корупција и незнаење“, рече Џамбазов, оценувајќи дека трагедијата е симбол на системска негрижа и морален пад.

Во својот говор тој потсети дека пред три години на истата сцена рецитирал стихови од поетот Славко Јаневски, алудирајќи на песната „Крвава бајка“, инспирирана од масакрот во 1941 година.

„Тиквешко негде в некое село, кај слана тивко венеше цвете, убија дете. Кому му ги рецитирав овие стихови? Ја научи ли некој оваа поезија?“, праша тој, повлекувајќи паралела меѓу историските злосторства и современата трагедија.

Џамбазов го спомена и масакрот во Крагуевац од 21 октомври 1941 година, кога беа стрелани ученици и наставници, потсетувајќи на зборовите на наставникот кој рекол: „Пукајте, јас и сега држам час“.

Во сабота, 28 февруари со почеток во 13.30 часот во фоајето на ЦК „Марко Цепенков“ во Прилеп, Комисијата за спорт на СДСМ организира панел дискусија насловена како „УДАР ВРЗ СПОРТОТ“.
Панелисти:

-Панче Милевски – Панта, дипломиран тренер и професор по физичко и здравствено воспитување;
-Снешка Балова, поранешна репрезентативка во кошарка и професор по физичко и здравствено воспитување;
-Наумче Мојсовски, поранешен репрезентативец во ракомет и дипломиран економист;
-Јане Николовски, поранешен голман на ФК „Победа“ и на македонската репрезентација.

Во најновата петочна колумна за минатонеделните дневно-политички случувања во Прилеп, новинарот Зоран Момироски се осврна и на последната седница на Советот на општина Прилеп, каде советниците си ја поништија одлуката за проширување на општинскиот буџет, која пак ја донесоа неколку недели порано.

-Одлуката за проширување на општинскиот буџетот за 2026 година донесена на седница на Советот на градот на 6 овој месец, истиот совет си ја поништи на 24 февруари. Тоа му доаѓаа како онаа бугарска поговорка ,,ТАЗИ ДУПКА НЕ Е ДУПКА,,!!! Не била според соодветните правила, оценило Министерството за финансии. И ова не било грешка на советниците и Советот туку ,,технички,, превид на Секторот за финансии во Општина Прилеп. И не е проблем тоа што за истата одлука Советот еднаш гласал ,,ЗА,, сега ,,ПРОТИВ,,. Проблем е авторитетот на советниците. Проширувањето било во делот на капиталните инвестиции значајни за градот. По овој циркус се отвора уште едно многу значајно прашање до Декио: Градоначаличе да не ти ,,чкрипи,,нешто во овој Општински сектор или проблемот ,,не е болест за умирање?!?!

Целата колумна на Момироски прочитајте ја ТУКА