Голем број соученици и другари на 13-годишниот Милан Чупаркоски, чиј живот трагично згасна во текот на вчерашниот ден, се собраа денеска во паркот кај градинката во “Вишне” да му оддадат почит.

“Почивај во мир, летај високо ангелу наш, ќе ни фалиш”, стои во пораката пред која децата запалија свеќи за нивниот другар и неговиот татко, чии животи на грозоморен начин ги одзеде нивниот роднина.

Нека почиваат во мир!

Во врска со кривично правниот настан -Убиство и самоубиство, случен на 12.07.2025 година во Прилеп, според првичните сознанијата со кои во моментот располага СВР Битола-ОВР Прилеп се следните:

на 12.07.2025 година околу 15:00 часот П.Ѓ.(62) од Прилеп телефонски му се јавил на неговиот внук од сестра П.Ч.(43) од Прилеп, при што истиот го поканил да оди во неговиот дом во Прилеп, но инсистирал со себе да го поведи и неговиот малолетен 13 – годишен син, односно внук од сестра на П.Ѓ.

Според првичните сознанија, П.Ч. по поканата од неговиот вујко го зел со себе малолетниот син, по што и кажал на неговата сопруга К.Ч. (43) дека неговиот вујко инсистира да оди во негова посета заедно со неговиот син, при што истите заминале .

Според првичните информации и сознанија од очевидци кои ги има ОВР Прилеп во околу 15:30 -16:00 часот во непосредна близина на куќата на сега починатиот П.Ѓ. се слушаат истрели од огнено оружје, (најверојатно тоа бил моментот на убиството во кое П.Ѓ. ги застрелува внукот и неговиот малолетен син) но, до тој момент нема никаква пријава во ОВР Прилеп за било какво пукање на подрачјето на Прилеп.

Според сознанијата до кои дојдоа полициските службеници од ОВР Прилеп, на фејсбук профил за кој се претпоставува дека е креиран и припаѓа на вујкото П.Ѓ. во 17:10 часот, поставен бил статус со сомнителна содржина каде истиот ја прозива неговата сестра и внукот ( според времето на објавување се претпоставува дека статусот е објавен по убиството на внукот и неговиот малолетен син).

Сопругата на сега убиениот П.Ч. според сознанијата, по извесно време пробала да ги добие телефонски сопругот и синот, но откако истата не ги добила , се упатила кон куќата на вујкото на нејзиниот сопруг, по што истата видела дека влезната врата е затворена и никој не се одзвива на нејзините довикувања, а надвор пред куќата го забележала паркирано патничкото возило на нејзиниот сопруг. Истата, по одредено време во 21:20 часот го пријавува настанот во ОВР Прилеп каде пријавува дека истиот ден од домот се оддалечил нејзиниот сопруг заедно со нивниот малолетен син и посочува дека најверојатно се наоѓаат во домот на вујкото на нејзиниот сопруг.

Откако во 21:20 часот истата го пријавува настанот во ОВР Прилеп. Веднаш полициски службеници се упатуваат кон куќата на ул „Стеван Апостолоски” во Прилеп и по пристигнувањето на наведената адреса да извршат проверка по пријавата, во домот на П.Ѓ. никој не ја отворил вратата. Веднаш било стапено во контакт со јавен обвинител, по што била издадена наредба од јавен обвинител, полициски службеници со употреба на сила да ја отворат вратата. Кога влегле во куќата П.Ѓ. фрлил бомба кон нив која почнала да чади, но не експлодирала. Откако полициските службеници излегле од куќата, од страна на П.Ѓ. било пукано кон нив, при што полициските службеници возвратиле со пукање од службено оружје кон куќата и известиле по радио врска дека во 22:40 часот према нив пукано е од огнено оружје на ул.„Стеван Апостолоски“, за да по кратко време П.Ѓ. со огнено оружје се самоубил. На местото на настанот пристигнала екипа на Итна медицинска помош Прилеп каде од страна на доктор била констатирана смрт како последица од огнено оружје кај П.Ч, П.Ѓ. и 13-годишен малолетник.

На 13.07.2025 во 01:20 часот од страна на полициски службеници од ОВР Прилеп во присуство на јавен обвинител бил извршен увид на ул.„Стеван Апостолоски “ во Прилеп при што од увидот констатирано било дека во куќа со приземје и кат со дворно место пред влезната врата како и во домот беа пронајдени чаури од огнено оружје , како и влезно излезни траги од проектили. Во ходникот на подот пронајдена била и една рачна бомба М93. Исто така на влезот од собата пронајден бил пиштол калибар 9 мм и пиштол калибар 7,65 мм , документи, парични средства како и договори за имот и останати документи.

Од страна на јавен обвинител била издадена наредба врз телата на починатите да се изврши обдукција.

Две лица, татко и син се убиени, а убиецот се самоубил ноќеска во Прилеп. Според првичните сознанија, 63-годишнен прилепчанец прво го лишил од живот својот 43-годишен внук од сестра и неговиот 11 годишен син, поради семејни недоразбирања и нерасчистени имотни прашања, а потоа се самоубил.

-Таткото и синот отишле во куќата на вујкото на улицата „Стеван Апостолоски“ околу 15 до 16 часот. Освен вујкото немало никој друг во куќата. Инаку, претходно вујкото му ја препишал куќата на внукот. Не се знае што се случувало наредните часови само се знае дека таткото и 11-годишниот син биле убиени со пиштол пред да стигне полицијата околу 22 часот. Ова е утврдено зашто соседите слушнале истрели, вели јавниот обвинител Стевчо Биноски.

Сопругата на убиениот викнала полиција откако се загрижила што со часови ги немало нејзиниот сопруг и син. Полицијата пристигнала пред куќата околу 22 часот и кога се обидела да влезе, убиецот им фрлил бомба која полуексплодирала, но, не предизвикала никакви повреди.

-Полицијата ја ангажираше единицата Tигри која потоа околу еден часот по полноќ влезе во куќата и ги најде трите мртви тела, вели јавниот обвинител Стевчо Биноски кој направи увид на местото на трагедијата која ги шокираше прилепчани.

Наредена е обдукција на трите тела.

Заменик директорот на Македонски шуми, Кире Михаилов објави видео од вистинско чудо кое се случило кај селото Николиќ во општина Дојран.

Деновиве над селото беснееше голем пожар кој буквално проголтал се’ пред себе, но се случило и нешто што никој не го очекувал.

Во моментите кога огнот се ширел кон манастирот Св. Петка, иако на тој предел во моментот никој не гаснел, а не можел ни да гасне, огнот дошол до самиот праг на манастирот и престанал.

Погледнете го видеото во продолжение каде Михаилов детално објаснува за огнената стихија:

По Петровден денеска е големиот православен празник Павловден кој се празнува на 13 јули.

На Павловден именден слават тие што го носат името Павле, Пајо, Павлина и сл. иако и претходниот ден може да се сретне празнување на овие имендени, затоа што претходниот ден се празнува споменот на двајцата апостоли.

На Павловден жените повеќе му посветуваат внимание од Петровден.

Во некои места на овој ден не се работи за да не се дојде до контакт со пајаци, да не го каснат некого при полските работи, жетва, врзување снопови, и слично.

Се верува дека човек каснат од пајак на овој ден тешко ќе оздрави.

Овој ден се нарекува Собор на 12 Апостоли и тоа е главен заеднички празник на сите 12 апостоли, слично како што има соборни денови и за свети Јован Крстител, за архангел Михаил итн. Апостолите се слават како темели на црквата, со оглед на тоа што тие се првите луѓе кои во потполност ја примиле благата вест за единствениот можен Спасител на луѓето и на светот и затоа што истата вест ја проширија по сите краишта на светот.

Дежурен јавен обвинител од Основното јавно обвинителство Прилеп изврши увид на лице место во куќа во центарот на Прилеп каде беа пронајдени безживотните тела на 11-годишно дете и двајца мажи на возраст од 43 и 63 години.

Според првичните сознанија, 63-годишникот најпрво го лишил од живот својот внук од сестра и неговиот син, поради семејни недоразбирања и нерасчистени имотни прашања. По извршување на делото, мотивите за стореното ги објавил и на една социјална мрежа, а потоа се самоубил.

Јавниот обвинител издаде наредба за обдукција на починатите, како и за прибирање на сите траги, оружје и муниција пронајдени на лице место кои ќе бидат предмет на вештачење.

На 12.07.2025 во СВР Битола било пријавено дека околу 02:05 часот, од страна на непознат сторител била фрлена експлозивна направа на ул.„Охридска” во Битола, при што биле оштетени паркирани патнички возила „фолксваген”, „бмв”, „тојота”, „киа”, „рено”, „матиз” и „тико”, сите со битолски регистарски ознаки.

Биле оштетени и прозорци и врати од околните куќи.

Увид извршиле јавен обвинител од ОЈО Битола и екипа на СВР Битола.

Се преземаат мерки за расчистување на случајот.

Вујко си го уби внукот и неговото малолетно дете, а потоа и сам си пресуди… Ова е епилогот од синоќешната заложничка драма во центарот на Прилеп, во куќа во уличките кај Центарот за социјални грижи.

Од МВР се’ уште утрово нема официјални детали за тоа како и зошто дошло до немилиот настан, но според информациите заложничката драма започнала во попладневните часови, кога П.Ч. заедно со неговиот 11-годишен син, дошле во куќата на вујкото, П.Ѓ. (63) од Прилеп.

Полицијата пристигнала на лице место и се обидела да влезе во просториите каде биле држени засложниците П.Ч. и неговиот 11-годишен син, но убиецот почнал да пука и кон нив, а се заканил и дека ќе активира експлозивна направа.

По неуспехот на инспекторите да влезат во просторијата, доцна синоќа во Прилеп со хеликоптер пристигнаа припадници специјалната антитерористичка единица „Тигар“, кои исто така не успеваат да направат повеќе, бидејќи според очевидци убиецот некаде околу 1:30часот по полноќ си пресудува и себе си.

Според неофицијални информации, П.Ч. и неговото малолетно дете се убиени еден час по доаѓањето на гости на вујкото.

Засега останува непознат фактот зошто 63-годишниот вујко П.Ѓ. се одлучил на ваков грозоморен чин.

Најпознатото училиште за изучување на Англискиот јазик, “Англиски кај Марија” го прослави својот шестти роденден. Основано на 1.јули, 2019 год, ова училиште во изминатите 6 години прерасна во број еден центар за изучување на Англискиот јазик во Прилеп. Учениците кои посетуваат часови лесно и брзо го совладуваат странскиот јазик без кој не може да се замисли современото живеење. Професорката Марија Дулеска е горда на своите и успесите на учениците, а секое нивно достигнување е мотив повеќе во работата. Ние беше чест да присуствуваме на роденденот на училиштето, а во продолжение низ разговор со Дулеска детално ве запознаваме со можностите кои ги нуди “Англиски кај Марија”.

– За љубовта кон Англискиот јазик најзалужна е мојата покојна мајка Дора, која и покрај сите притисоци да не се запишам заради презаштитеност од страна на татко ми и баба ми, на 8 годишна возраст, во трето одделение, започнав да го изучувам Англискиот јазик, во тогашниот единствен пионерски дом ”Мирче Ацев”- Прилеп. Паметам, се изучуваа основни поими – членови на семејството, овошје… Учевме Англиски јазик до осмо одделение, немаше во основно втор странски јазик и се учеше Англиски од петто одделение во редовното образование на основното училиште. Продолжив да го изучувам јазикот во гимназија, иако тогаш имаше само два смера – општ и природно математички, одбрав општ. Од петто одделение сакав да бидам професор по Англиски јазик, што и денес сум. Нема поголема награда да го работиш со леснотија она што го сакаш и поголема казна да го работиш со мака тоа што не го сакаш, а мораш. Јас ја обожавам и бескрајно ја сакам својата професија. Растежот на “Англиски кај Марија” започна кога почина мојата мајка – шест години од нејзината смрт, шест години постоење. Ќе движам и пресметувам во таа насока. Отворено е во нејзина чест и е спомен на двајцата родители. Тука е и татко ми, кој подоцна ми даде исто безрезервна поддршка. Мајка ми беше со поотворени сфаќања и видици – во 70-тите години живеела во Торонто, Канада, и оттогаш ја знаеше важноста на познавањето и употребата на Англискиот јазик. Денес “Англиски кај Марија” има 7000 следбеници на социјалните мрежи, а второто име на училишето е ДОРА.

Дулеска во продолжение преку осум сегменти од работењето го опишува функционирањето на нејзиното училиште и нејзините секојдневни активности на повеќе полиња, а со цел што подобро пренесување на знаењето на своите ученици, од најмали до највозрасни.

1.ИДИВИДУАЛИЗИРАН ПРИСТАП
Нешто по што сум поинаква и препознатлива. Јас не работам во групи. Бројноста постојано се одржува и зголемува. Со секој ученик работам засебно и индивидуално го следам. За мене тоа е потешко – 6 клупи, 6 различни нивоа во исто време. Секој индивидуално и различно работи и никој со никој не е поврзан. За мене е најлесно да работам во група, кој разбра, разбра, но не е така. Ефектот вака е многу поголем. Секој ученик напредува индивудално, под мое водство, и можам да се пофалам дека имам ученици кои сега се 2 години НАД својата матична возраст. На пример, ученикот е петто одделение, а стасал да работи материјал за седмо. Со сите работиме LEVEL UP, кој до каде ќе стаса. Работам исклучиво со физичко присуство, затоа што ОН ЛИНЕ наставата не дава никакви резултати. Влогот, и интелектуален, и материјален би бил залуден. 60 минути физичко присуство, работа 1 на 1, има моќни резултати. Ученикот се соочува со сам себе и мора да сработи. И сработува. Секако редовноста, дисциплината и истрајноста се клуч на успехот.

2.МАТУРА
Учениците се поднавикнати помалку да учат и некако бираат на полесен начин да ги поминат обврските, но тоа не оди баш така. Целта не е да се препише. Општеството треба да почива на квалитет и вистински цврсти, применливи знаења. За тоа сите треба да работиме. Дисциплина, спремност, почит, напорна работа… се тоа треба да се наши императиви. Многу ми сметаат одредени состојби во образованието. Подготовките за полагање на матура треба тековно да се одвиваат, од еве да речеме четврто одделение, до четврта година на средното образование. Има огромни теми кои треба да се совладаат и покријат – од читање на текстови со разбирање, од беспрекорно познавање на вокабулар и граматика при трансформации, од изработка на CLOZE, од развивање на вештини за пишување, поедноставен маил на дадена тема, до развивање на вештина на пишување на ARGUMENTATIVE ESSAY, каде што треба да се заземе позција со аргументи, нештото да се одбрани или да се побие. А темите, темите знаат да бидат, и треба да се “скокотливи”, што според мене е сосема оправдано од две причини: Младите мора да имаат свој изграден став за одредени теми, и мора да знаат да развиваат аргументи по однос на истото. Тука исто многу моќно е познавањето на правилната употреба на формите на зборови при зборообразувањето. Најлошата работа што ми се случува секоја година е дека идните матуранти се јавуваат за спремање два месеци пред полагањето. Објаснувам дека невозможно да се покријат осум години образование за два месеци, но не им е важно. Важно им да е поминат, па и со двојка, или да препишат. За мене двојката никогаш не била опција. Препишувањето за мене е страшна слабост. Затоа постојано апелирам на навремена, систематска, тековна, длабока и темелна работа.

3.ВОЗРАСНИ
Се повеќе возрасни се пријавуваат да го изучуваат Англискиот јазик. Она што го пропуштиле во минатото, го надополнуваат сега. Сами и своеволно, а на мое големо задовослство, се јавуваат. Им праќам индивидуален стандардизран тест, кој го решава секој возрасен. Утврдувам ниво од каде да почнеме, секој си порачува програма за работа. Работам по програмите на English Download a1- c2 од Hamilton House Akademska kniga Skopje, Hamilton House Publishers. На крајот на секој курс се добива лиценциран и валиден сертификат на соодветното постигнато ниво. Ги поздравувам сите возрасни, минати и сегашни, и ги охрабрувам и сите останати за започнат, или продолжат, затоа што возрасните имаат понизок степен на верба во себе и поголем срам, што не смее да е така, затоа што зрелоста само означува подготовеност за учење. Огрома благодарност за соработката со Елизабета Јаворац, Ана и цел тим од странство на HAMILTON.

4.МЛАДИНСКИ СОВЕТ
Со години активно сум вкучена во работата на Младинскиот Совет во Прилеп, по однос на предавање на Македонски јазик на волонтери од странство. Тоа значи обратна употреба – се користи Англискиот јазик и се предава Македонски, што за странците воопшто не е лесно. Македонскиот јазик е потежок и има свое посебно знаење и постоење. Има најмногу волонтери од Турција, а има и од Италија, Португалија, најверојатно зависно од повиците и самата програма. Голем поздрав за г-н Зоран Илиески и цел тим на Малдинскиот Совет од Прилеп.

5.ИСКУСТВО
Имам 24 години работно искуство, прв пат се вработив во 2001 год. во ООУ “Гоце Делчев” Прилеп, 8 години бев раководител на ООУ “Блаже Конески” Прилеп, посебно ми одговара оперативниот менаџмент. Англиски јазик предавам 24 години и сум Доцент Доктор со процек 9.40, а магистратурата ја завршив со 10.00 просек. Докторатот ми е оценет со најпозитивна оценка од Универзитетот во Бостон Масачусец, САД. За жал се’ уште не работам во високообразовна институција, што ми е сон. Сум се обратила на повеќе соодветни институции, вратите се затворени, а и на одредени личности кога ќе им споменам дека сакам да работам како универзитетски професор, се потсмеваат и не даваат зелено светло. Јас сум ја одбрала Република Македонија да творам и сум вложила во себе и своето образование, и умствено, и материјално, и инстелектуално, но досега нема резултат. Сепак надежта не умира. Не сакам да се пензионирам како наставник по Англиски во основно училиште, без ралика на општите сфаќања и позиции, секој учел за одредена струка. Но, негативната селекција царува, а ние живееме со неа. Јас ја бирам оваа држава и тука останувам. И чекам. Јас своето го исполнувам. Уште не знам кај да се обратам. Иако вербата некогаш ме напушта, сепак целосно не сум откажана од својот сон – да бидам универзитетски професор. Луѓето не сфаќаат дека никој никого не загрозува ако напредува. Секој трча своја патека и секој носи свој крст. Успехот на секој еден е успех на сите – на општеството, на државата, за иднината.

6.РАБОТА
Работам со сите возрасни групи. Најтешки се најмалите, затоа што вниманието е непостојано, што е нормално за таа возраст. Мојата работа бара многу пишување и тековно разбивање на сите пет јазични вештини. Мојата работа не се фотографии во боја, успехот лежи во моментот кога ќе се земе да се измери кој колку научил. Колоритот на социјалните медиуми и “златно на баба”… не е мој избор. Напорната работа 1 на 1, е тука има тежина, и тоа сум јас. Кој ќе издржи и пркоси, ќе продолжи, а кој не, се откажува. Но се повеќе опстојуваат на напорната работа, затоа што ги знаат моите принципи. Сум солидно строга, давам и барам знаење, без разлика дали државна, или приватна работа. Се’ е по слободна волја, без уцени.

7.НАЈНОВО
Учествувавме на светски натпревар по Англиски јазик на Hippo English language Olympiad 2025 со двајца мои ученици, Мартин Бошкоски и Дариа Цуцуловска. Лидо ди Јесоло во Италија беше прекрасно и незаборавно доживување и применливост на знаења на светско ниво. Исто така бевме и на Државно натпреварување на ЕЛТАМ по Англиски јазик со ученичката Ања Силјаноска. Учениците се гордост за себе, за нашиот град Прилеп и за нашата држава Република Македонија.

8. ПОРАКА
ТРУД, ВЕРБА, ДИСЦИПИЛИНА, НАПОРНА РАБОТА, ПОСВЕТЕНОСТ, СПРЕМНОСТ, КАВЛИТЕТ = АНГЛИСКИ КАЈ МАРИЈА!

cheers to more!

Годинешниот победник во најпопуларното регионално музичко телент шоу „Ѕвездите на Гранд“, нашиот Никола Станишиќ вчера, (петок 11 јули 2025) околу 19 часот се врати во Скопје. Први го дочекаа неговите сограѓани од скопската општина Ѓорче Петров, а оној кој прв го пречека беше градоначалникот Александар Стојковски.

По средечното добредојде исполнето со прегратки и честитки, градоначалникот на Ѓорче приреди мал прием во просториите на општината, каде на победникот му беше врачен скромен подарок за спомен и сеќавање.

Врамен рачно изработен грб на Ѓорче Петров, како симбол на општината во која „Гранд“(е) победникот живее.

По кусиот разговор Никола заедно со екипата и градоначалникот Стојковски тргнаа кон паркот во Ѓорче каде околу веќе поставената сцена беше собран мноштво народ, воглавно од неговите сограѓани кои едвај чекаа да го видат и поздрават нивниот сожител кој ја направи Македонија повторно горда.

Новинарот и водител Антонио Димитриевски им се обрати на собраните и ја најави идната македонска музичка ѕвезда, по што Никола Станишиќ со победничката статуетка в раце се појави на бината.

Следуваа овации, аплаузи и општа еуфорија од неколкуилјадната маса луѓе кои го скандираа неговото име. По кусотиоо обраќање кон нив и едно две прашања од модераторот на настанот, Никола го започна своето музичко шоу изведувајќи ги песните кои ги пееше и на своите појавувања воп „Ѕвездите на Гранд“.

Репертоарот составен од познати македонски фолк и поп хитови дополнително ја разнежни публиката, чии телефони постојано фотографираа и снимаа.

Особено еуфорични беа најмладите, па стотици од нив не можеа да дочекаат да се фотографираат со својот нов идол, за на крајот многумина и самите да му се придружат на сцената.

Никола видно возбуден и емотивно расположен им се заблагодаруваше на сите по ред, ветувајќи дека нема тука да застане и дека ќе направи се да ги донесе сите свои колеги од годинешното натпреварување на „Ѕведите на Гранд“ на голем заеднички концерт во Скопје, заедно со неговата менторка, балканската фолк дива Цеца Ражнатовиќ.

Особено ги разнежни сетилата на присутните, кога специјално и се заблагодари на жената без која не би бил ништо од ова што е денес – неговата мајка, која беше во публиката меѓу присутните, а тој ја замол да не плаче, иако таа не можеше да ги задржи и скрие солзите.

По завршувањето на настапот победникот се фотографираше со мноштвото обожаватели, по што замина во своето Волково, каде следуваше дополнителна фешта во негова чест.