-На 08.02.2026 во 20:00 часот на ул.„Дабничка” во Прилеп, полициски службеници од ОВР Прилеп ги лишија од слобода Ф.А.(40) и И.Џ.(27), двајцата од Прилеп, постапувајќи по пријава дека истиот ден во населба „Три багреми” во Прилеп со остар предмет го нападнале С.А.(36) од Прилеп и му нанеле повреди. Се преземаат мерки за расчистување на настанот – информираат од МВР.

Прилепски резил примери за тоа како не треба, секој ден, на секој чекор низ градот…

Овој веројатно брка некоја работа во банка, кај да е ќе заврши, па ќе го тргне и автомобилот од плоштад….

Вo сабота на 14 февруари од 20.00 часот, во кафе-галеријата „Лувр“ во Прилеп, по седми пат ќе се одржи поетскиот перформанс „Љубење со стихови“ во органзиација на Здружението ЗОКУМ.

Поетите Филип Димкоски и Лина Димоска, пред публиката ќе претстават дел од нивната поезија со љубовни мотиви, а ќе овојпат во програмата ќе прозвучат стиховите на француските поети на љубовта како Жак Превер, Гијом Аполинер, де Беранже, Бодлер, Пол Елијар, Стефан Маларме, Артур Рембо и други.

Специјален гостин во програмата овојпат е Љупка Томиќ, авторка и професорка по француски јазик, благодарение на која публиката ќе може да чуе поезија на француски.

– Кога мислиме на љубов, вино, светлина, мода и задоволство, помислуваме на Франција. Македонија го нема Париз, но Прилеп ја има кафе-галеријата „Лувр“ во која в сабота ќе си ги отвориме душите, ќе мечтаеме и ќе уживаме во поетската реч-велат органиѕаторите.

Влезот е слободен, а местата се ограничени.

Маркукуле дознава дека на ден 08.02.2026 година по претходно изготвен план по ОА “Гора”, во атар на с.Степанци, велешко, полициски службеници забележале неколку лица кои испукале неколку истрели, по што влегле во возило и заминале во непознат правец.

По пребарување на теренот полициските службеници го пронашле возилото и лицата, при што било утврдено дека се работи за: В.К., И.Т. и Б.Н., сите тројца од Прилеп.

По извршен преглед кај истите пронајдена е една малокалибарска пушка мaрка “Брно”, еден пиштол мaрка “Застава” со муниција за истите, 5 ножеви, една стоп палка – полициска, полициско палто, два детектори.

Истите се лишени од слобода, а за настанот известен е јавен обвинител од ОЈО Велес.

PR oбјава

Февруари е месец што доаѓа тивко, но остава простор за размислување. По празничната еуфорија и долгиот јануари, токму овој краток месец нè тера да се запрашаме: Што навистина ми треба во моментов?

За некого, февруари е месец на љубовта. За друг, месец кога му треба мал одмор од зимската рутина. За трет, период кога конечно решава да направи нешто за себе: нов почеток, мала промена или остварување на одамна планирана идеја.

Но, без разлика на желбата, сите имаме една заедничка дилема: како да ја реализираме без финансиски притисок? Токму тука доаѓа вистинската поддршка Минт Промо –најповолен кредит што се прилагодува на вашиот живот, а не обратно.

Краток месец, долга листа на трошоци

Иако февруари е најкраткиот месец во годината, тоа не значи дека треба да се занемарат плановите. Секој план заслужува шанса да се реализира:

-Мали бегства и патувања
-Убави изненадувања за саканите
-Инвестиции во домот или во себе
-Планови што конечно сакаме да ги реализираме

Често ги одложуваме овие работи не затоа што не се важни, туку затоа што мислиме дека „сега не е моментот“.

Но вистината е едноставна, подобриот момент ретко доаѓа сам. Ние го создаваме, особено со пристап до финаниски решенија како Минт Промо – најповолен кредит што не носи дополнителен стрес.

Кога желбата е тука, решението треба да биде брзо

Без разлика дали станува збор за кратко патување, подарок што има значење или личен проект, заедничко за сите овие желби е едно, сакаме да се реализираат лесно, без компликации и непотребен финансиски стрес. Токму затоа финансиската поддршка треба да биде практична, транспарентна и брза.

Со Минт Промо од Минт Кредит идејата не мора да остане само план. Процесот е јасен, онлајн и прилагоден на реалниот живот –без чекање, без сложени процедури и без непријатни изненадувања.

Минт Промо – Најповолен кредит брзо и без компликации

Минт Промо од Минт Кредит е финансиски производ создаден за луѓе кои знаат што сакаат и не сакаат да губат време. Аплицирањето е онлајн, процесот е јасен, а одговорот доаѓа брзо, за 10 минути.

Ова значи помалку чекање и повеќе време за работите што навистина се важни. Без разлика дали планирате нешто мало или нешто поголемо, важно е да имате поддршка на која можете да се потпрете.

Со Минт Промо добивате можност да ја добиетте таа финансиска поддршка, со износи достапни од 60.000 до 1.000.000 мкд. Рокот на отплата е од 12 до 84 месеци со фиксна каматна стапка од само 7%.

Февруари е месец за „да“ со Минт Промо

Колку пати сте си рекле:

„Ќе почекам уште малку“
„Можеби не е вистинскиотмомент“
„Подоцна ќе се посветам на тоа“

Февруари нè потсетува дека не секогаш мора да се чека вистинскиот момент. Понекогаш, доволно е да кажеме „да“ на она што ни значи, сега.

Да на краток одмор.
Да на идеја што ве радува.
Да на мала промена што прави голема разлика.

Со Минт Промо, финансиската поддршка е тука за да ве охрабри да го направите тој чекор кон остварување на вашите желби.

Минт Промо – Искористете го февруари за работи што Ви значат

Февруари можеби е краток месец, но токму затоа вреди да се искористи паметно. Наместо да помине незабележано, нека биде месец во кој ќе си дозволите малку повеќе – повеќе радост, повеќе слобода и повеќе моменти за себе и за оние што ги сакате.

Со нашиот најповолен кредит-Минт Промо, желбите и плановите не мора да чекаат. Февруари е краток. Искористете го за работи што ви значат.

За дополнителни информации контактирајте нѐ на 15 107или посетете нѐ во една од нашите филијали ширум државата.

Промотивните услови важат само за производот Минт Промо (Потрошувачки 2), а СВТ варира во зависност од избраната понуда, но не повеќе од 46.6673% за овој производ!

Се повозбудливо станува во Првата македонска кошаркарска лига, особено во ТОП 8 групата, во која гостинските екипи забележаа три победи во првото коло од втората фаза…

Екипата на прилепски Мега Баскет со пораз пред домашна публика го започна плеј-оф разигрувањето. Вчера во спортската сала во ООУ “Добре Јованоски”, прилепчани беа поразени од КК Бутел со 99:106.

Дури петмина играчи имаа двоен број на реализации на натпреварот. Кај Бутел Атанасов застана на бројката од 26.поени, искусниот Јанески и Киров го следеа со 22. поени, додека Хот и Мартиноски запишаа по десет.

Кај Мега Баскет, вообичаено, најголем број на поени дојдоа од Враниќ, вкупно 25. Јовановски имаше 17, Домлески 14, а Димитриевски уште 11. поени.

Идното коло Мега Баскет гостува кај Соколи 1933

Интернационалниот фестивал на филмската камера „Браќа Манаки“ годинава ќе се одржи од 19 до 25 септември во Битола.

Подготовките за првиот и најстар фестивал во светот посветен на креативноста на кинематограферите, се во тек и освен филмови на прграмата ќе има дружења со реномираните светски кинематографери и разговори за седмата уметност.

Од своето основање во 1979 година, овој фестивал сведочи за уметноста на кинематографијата, славејќи ги пионерите на филмската камера од Балканот, Јанаки (1878-1954) и Милтон (1880-1964) Манаки. На 47. издание на ИФФК „Браќа Манаки“ во текот на седум дена, посетителите можат да очекуваат исклучителен избор на играни филмови, документарни филмови, кратки филмови и студентски филмови кои пленат, инспирираат и предизвикуваат.

И годинава ќе бидат доделени наградите Златна камера 300, Сребрена камера 300, Бронзена камера 300, Железна камера 300, Мала камера 300 и Кристална камера 300, како и почесните награди: Златна камера 300 за животно дело во кинематографијата, Специјална Златна камера 300 за извонреден придонес во светската кинематографија, Златна камера 300 за креативна синергија и Голема ѕвезда на македонскиот филм што ја доделува ДФРМ.

По повод 22 Февруари – Денот на извидниците, Извидничкиот одред „Феникс“ од Прилеп и годинава ја организира традиционалната крводарителска акција под мотото „Направи добро дело“.

Акцијата ќе се реализира во Одделението за трансфузиологија при ЈЗУ Општа болница „Борка Талески“ – Прилеп, во периодот од 9 до 13 часот.

Крводарителската акција се организира во чест на основачот на извидништвото, Лорд Роберт Баден-Пауел, и претставува хуман гест кој со години го негува извидничкото движење.

Право на учество имаат сите хумани граѓани постари од 18 години, а при дарувањето на крв задолжително е да понесат лична карта.

Вистинската драма се одвиваше во Белград кога познатиот пејач Даниел Кајмакоски (43) беше киднапиран во близина на Бетон халата, каде што претходно настапуваше.

Благодарение на брзата интервенција на полицијата и специјалните единици, пејачот Даниел Кајмакоски беше ослободен од рацете на киднаперите, но истрагата сè уште е во тек, јавуваат локалните медиуми.

Како што објави Телеграф, најновите информации ги даде новинарот Малден Мијатовиќ, кој откри што му кажал пејачот откако бил однесен на преглед.

„Операторите на УКП и ПУ за градот Белград, со поддршка на САЈ, жандармеријата, ССК, СБПТЕ, УСП, УЗТ и Полициската бригада, го спасија пејачот Даниел Кајмакоски (43) од киднаперите синоќа“, рече Младен Мијатовиќ и откри што му рекол пејачот по несреќниот инцидент.

„Мислам дека беа странски државјани, комуницираа меѓусебно на англиски и турски јазик, ми се закануваа со пиштол, бараа од членовите на семејството и пријателите да дадат 20.000 за да го ослободат, со закана дека има соучесници пред неговиот стан кои ќе ја спроведат заканата“, рече Кајмакоски.

Да потсетиме, според локалните медиуми, Даниел Кајмакоски преживеал вистинска драма во Белград синоќа кога киднаперите го врзале во близина на Бетон Хала и го одвезле во Рума, барајќи откуп од 20.000 евра.

Киднапиран во сопствениот автомобил

Драмата започнала рано наутро во недела, околу 00:50 часот. Кајмакоски штотуку завршил настап во популарниот ноќен клуб „Лафајет“ во Бетон Хала и се упатил кон своето бело возило „Волво XC 60“, кое било паркирано на свртувањето за трамвај на улицата Караѓорѓева бр. 2-4.

Во моментот кога влегол во возилото и седнал на возачкото седиште, му се приближил непознато машко лице. Со закана со нож и употреба на физичка сила, напаѓачот го принудил пејачот да ги испружи рацете, а потоа ги врзал цврсто со селотејп. Додека првиот киднапер го презел воланот, вториот соучесник брзо седнал на задното седиште зад совозачот, додека Кајмакоски бил принуден да седне зад возачот.

Додека киднаперите се обидувале да ја напуштат Караѓорѓева и да се упатат кон Бранков мост, наишле на патрола од оперативци на УКП кои извршувале редовни активности. Полицајците се обиделе да го сопрат белото „Волво“, возилото забавило за момент, а потоа возачот-киднапер одеднаш притиснал на гаста.

Следело морничаво бегство низ срцето на Белград: преку Бранковиот мост, покрај Палатата на Србија и Белградската арена, каде што „Волвото“ со заложник свртило на автопатот во правец на Шид, обидувајќи се да стигне до границата.

„Луѓето се пред вашиот стан!“

Внатре во возилото, додека полицијата била зад петици на киднаперите, се водела психолошка војна. Возачот му се обратил на Кајмакоски на лош англиски, додека тој ги преведувал упатствата на својот соучесник на турски.

Цело време тие држеле пиштол вперен во главата на пејачот, барајќи итна исплата од 20.000 евра во замена за неговиот живот. За да го скршат отпорот на жртвата, киднаперите упатиле најмонструозна закана: тврделе дека пред семејниот стан на пејачот веќе имало тројца нивни соработници кои биле подготвени да ги ликвидираат неговата сопруга и деца во секој момент ако парите не бидат подготвени или ако полицијата не се откаже.

Несреќа во близина на Рума и бегство во темнина

Откако ја поминале наплатната рампа Шимановци, полицајците на СПИ Рума се придружиле на потера. На излезот за Рума, полицијата се обидела да блокира, поради што киднаперот, со голема брзина, ја изгубил контролата врз „Волвото“ и насилно удрил во заштитната ограда.

Искористувајќи ја темнината и грмушките во непосредна близина на патот, двајцата вооружени напаѓачи скокнале од возилото и избегале во непознат правец. Полициските службеници го пронашле преплашениот Кајмакоски со селотејп на рацете во смачканиот автомобил, но без сериозни телесни повреди.

Епилог и правна низа

Даниел Кајмакоски бил донесен во службените простории на УКП, каде што, по консултација со дежурниот јавен обвинител на Вишото јавно обвинителство во Белград, дал изјава за трауматското искуство. Пејачот, и покрај стресот што го доживеал, одбил лекарски преглед.

Обвинителството официјално го квалификувало овој настан како кривично дело Киднапирање. Наредено е итно собирање на сите траги од ДНК од возилото, како и анализа на снимките од безбедносните камери од автопатот и наплатните рампи, со цел што побрзо да се идентификуваат напаѓачите и да се изведат пред лицето на правдата.

Матеј Белистојаноски носи голема радост за спортски Прилеп и за цела Македонија од Европското првенство за кадети, јуниори и У21, кое од петокот до денеска се одржа во градот Лимасол на Кипар.

Македонскиот репрезентативец и член на Карате клубот “Спорт 94”, во Прилеп се враќа со златен медал, што е огромен успех за македонското карате и потврда на неговите квалитети.

Белистојаноски во финалет, во категорија Кумите до 67кг., беше подобар со 2:0 против Гркот, Георгиос Балиотис, и се искачи на највисокото место на пиедесталот.

Честитки за Матеј и желби за уште поголеми успеси во иднина!