Голем скандал се случил вчера на натпревар од Детска лига и тоа на теренот во Сарај во Скопје.

Имено, на мечот меѓу Сарај и Фит Кид, генерација 2012 година, се случила тепачка меѓу родители.

На видеото кое на јутјуб го објави Огнен Дојчиновски, се гледа како неколку возрасни лица, веројатно родители на дечињата се пресметуваат меѓу себе додека фудбалерчињата се чудат што се случува.

Од ФФМ го осудија инцидентот и одлучија наредните натпревари да се играат без публика.

-Тренерите на тимовите учесници во натпреварувањето се известени да го почитуваат кодексот за фер-игра и однесување. Секое спротивно однесување ќе подлежи на дисциплински сакнции.

Фудбалската федерација на Македонија изразува длабока разочараност од инцидентот што се случи на детскиот фудбалски натпревар од финалниот турнир на тренинг центарот “Петар Милошевски”.

Она што требаше да биде настан на кој се слави спортскиот дух, тимската работа и радоста на играта беше нарушено со неприфатливото однесување на дел од присутните родители.

Како организација посветена на промовирање на позитивна и фер-плеј средина за нашите најмлади фудбалери, најостро го осудуваме однесувањето на присутните родители кои го предизвикаа и учестуваа во инцидентот. Таквото однесување е спротивно на вредностите што ги поддржуваме и примерот што се стремиме да им го дадеме на нашите деца.

Од клучно значење е сите да се стремиме кон основната цел на детскиот спорт: поттикнување развој, забава и почит меѓу учесниците.

Фудбалската федерација на Македонија како организатор на Детска лига сериозно размислуваше за драстична одлука и суспендирање на понатамошните натпревари, но таа одлука би значело само штета за сметка на радоста на децата и нивната желба за игра.

ФФМ сепак донесе одлука понатамошните натпревари да се одиграат без присуство на публика.

Исто така, тренерите на тимовите учесници во натпреварувањето се известени да го почитуваат кодексот за фер-игра и однесување. Секое спротивно однесување ќе подлежи на дисциплински сакнции.

Ги повикуваме сите родители и гледачи во иднина да размислуваат за влијанието што нивните постапки го имаат врз децата и секогаш да се однесуваат на начин кој поддржува и поттикнува позитивен развој.

Наш приоритет е да обезбедиме секое дете да ужива во играњето фудбал во безбедна и позитивна средина – стои во соопштението од Фудбалската куќа на Македонија.

Две третини од родната куќа на писателот Димитар Талев во Прилеп купила приватна бугарска фондација „Манол Пејков и пријателите“. Ова е направено за речиси 84.000 евра собрани од донаторите. Преостанатата една третина е во сопственост на лице кое нема желба да ја продаде. Ова го соопштија бугарските медиуми БГНЕС и Нова ТВ.

Претходно, на 26 мај беше објавено дека се урнал дел од покривот на куќата на Талев.

Бугарската фондација информира дека сега треба да се изврши итна поправка на покривот, подготовка на план и тим за реконструкција и реставрација со експерти и градежници од Бугарија и Македонија, назначување на лице со трајна посветеност на одржување и стопанисување со куќата, пречекување луѓе и организирање настани во родното место на Димитар Талев во Прилеп, пишува БНР.бг.

Како што се пишуваше, одлука за стекнување на имотот од страна на бугарската држава била почната уште во јуни 2023 година, но само сопственичката на двете-третини од имотот се изјаснила дека сака да го продаде нејзиниот дел, а во 2023 година цената што таа ја побарала е 100.000 евра. Останатата една-третина е на друг сопственик, кој одбива да го продаде својот дел.

Во Бугарија, Талев се смета за еден од класичните бугарски автори од XX век.

Родум од Либан, од татко Верукиј и мајка Ромилија. Осумнаесетгодишно момче со прекрасен изглед, со коса црвеножолта. Лекар по занимање.

Пострада за Христа за време на царувањето на Нумеријан. Кога храбро ја исповедаше својата вера во Господ Христос пред мачителот, Нумеријан им нареди на двајцата џелати Александар и Астериј со сврдел да му ги дупчат колената, да му провлечат јаже низ издупчените коски и да го обесат за едно дрво.

Но, на џелатите како една невидлива сила да им го зеде видот и наместо Талалеј тие издупчија една штица и ја обесија на дрвото. Кога дозна за ова мачителот помисли дека тоа го направиле намерно и нареди да ги бијат.

Тогаш Александар и Астериј повикаа: „Жив Господ, отсега и ние сме христијани, веруваме во Христа и страдаме за Него!“ Кога го чу ова, мачителот нареди и ги убија со меч. Тогаш самиот мачител зеде сврдел за да му ги дупчи колената на Талалеј, но рацете му премалеа, па мораше да го моли Талалеј да го спаси, а овој тоа и го стори со молитва.

Потоа го фрлија во вода, но тој жив му се јави на мачителот. (Зашто Талалеј во себе Го молеше Бога да не умре веднаш, туку да му се продолжат маките.) Кога го фрлија на ѕверовите, тие се умилкуваа околу него и му ги лижеа нозете. Најпосле беше убиен со меч и се пресели во Царството Небесно, во 284 година.

Ракометарите на РК Прилеп попладнево пред преполната сала во “Ристе Ристески-Ричко”, ја декласираа екипата на Еурофарм Пелистер 2 и го освоија првото место во плеј-аут разигрувањето, а со тоа и директен опстанок во најелитното ракометно друштво кај нас.

Крајниот резултат на семафорот беше 31:24 (15-12 на полувремето). Прилепчани губеа само во првите минути со 1:2, а потоа до крајот на натпреварот не го испуштија водството.

Најефикасни во домашната екипа беа Христи Бикоски и Никола Цветаноски со по седум погодоци, пет додаде Денис Шабановиќ, а капитенот Филип Велески кој денеска се збогуваше со ракометот, постигна 3 погодоци.

На 31.05.2024 во 17.00 часот во ОВР Прилеп било пријавено дека во близина на Градскиот часовник, по кратка вербална расправија, Ј.Б.(39) и Д.Н.(43) двајцата од Прилеп го нарушиле јавниот ред и мир со учество во физичка пресметка.

По документирање на настанот против истите ќе биде поднесена соодветна пријава – информираат од СВР Битола.

РК Прилеп во овие моменти го игра последниот натпревар од сезоната, а противник е втората екипа на Еурофарм Пелистер. Натпревар кој се игра пред полна трибина во “Ристе Ристески-Ричко”, каде прилепчани мораат да освојат бодови за обезбедување сигурен опстанок во ракометната Супер лига.

Ова е последен натпревар и за капитенот Филип Велески, столбот на прилепчани, кој денеска се збогува со ракометните терени и заминува во спортска пензија.

Велески беше предводик на екипата сезонава и како најискусен во тимот успеваше да им вроди мотивација на своите помлади колеги. Беше верен на клубот во сите моменти, дури и кога било најтешко.

Жестоко се бореше на терените, а неговите погодоци често беа и клучни за бодови. Ни останува да му честитаме за постигнатото и да му посакаме успех во животот во иднина.

На 01.06.2024 во СВР Битола З.Л.(52) од Битола пријавил дека на ул.„Ѓорги Наумов“ во Битола било опожарено неговото патничко возило „бмв х3“ со бугарска национална ознака.

Пожарот е изгаснат од страна на Територијалната противпожарна единица Битола, а повредени лица нема.

Од пожарот се оштетени дел од фасадата на зградата, балкон и патничко возило „мерцедес“.

Увидот го извршила увидната екипа на СВР Битола.

PR текст

Тоа е прекрасен гест!

Керов продукција со возбуда најавува специјално изненадување за прилепчани кои се подготвуваат за нивната свадба следната година.

Во знак на благодарност за трудот и посветеноста, ќе им подготвиме специјално изненадување. Веруваме дека љубовта и посветеноста се најубавите работи во животот и сакаме да ја прославиме оваа посебна пригода со идните брачни двојки.

Останете во тек за повеќе информации за големото изненадување, кое ќе биде откриено во наредните недели. Едвај чекаме да го споделиме со вас и да го направиме денот на вашата свадба уште понезаборавен!

Преку нашата Фејсбук фан страна ги прашавме граѓаните: “Кој треба да биде нов претседател на Советот на општина Прилеп?”. Деновиве низ градот се шпекулира со повеќе имиња кои треба да го наследат Проданоски на ова столче, а граѓаните ги интересира кој ќе ја преземе оваа втора по важност функција за функционирањето на општината.

Најчестиот одговор на нашето прашање беше името на советничката од редовите на ВМРО-ДПМНЕ, Ирена Стерјоска, која е долгогодишен функционер во партијата и во два мандати советник во Советот на општината. Поради тоа, но и поради нејзините лични квалитети, граѓаните сметаат дека токму таа ќе биде најсоодветно решение за оваа функција.

Стерјоска беше претседател на Унијата на жени при ОК ВМРО-ДПМНЕ Прилеп, а беше назначена и за заменик градоначалник на општина Прилеп.

СВР Скопје поднесе кривична пријава против Т.Ч.(35) од Прилеп, поради постоење основи на сомнение за сторено кривично дело „противправно лишување од слобода“.

Пријавениот, заедно со А.Т. и К.К., со употреба на сила го внеле К.Б. во патничко возило, по што А.Т. со остар предмет му нанел повреди, а потоа на мостот „Беласица“ физички го нападнале и му одзеле пари – информираат од МВР.