Младиот фудбалски судија од Прилеп, Влатко Илиоски, имаше успешно деби на меѓународен натпревар. Илиоски кој од оваа година е на ФИФА листата на главни судии, беше главен судија на натпреварот од квалификациите за Конференциската лига на УЕФА, помеѓу екипите на Биркиркара од Малта и Петроклуб од Молдавија.

Прилепчанецот покажа дури 8 жолти картони на натпреварот кој домаќините го добија со 1:0.

Ова беше прв предизвик за Влатко, а сигурно ќе има уште многу во иднина.

Да му посакаме среќа и успеси!

Подготви се за ноќно капење, журка под ѕвездите и вистинско летно освежување! Забавата стартува вечерва со почеток од 20:00 часот во “Салида Аква Парк”.

Влез само 200 денари и 100 денари за неограничени лудории по тобоганите!

🔥 Прилеп не се плаши од топлотни бранови – кога ја има Салида, летото е само повод за журка!
🌊 Тие се број еден водена дестинација во целиот регион, и тоа не без причина!
🎶 Добро друштво, убава музика, водена авантура и забава до доцна во ноќта – што повеќе ти треба?

Повикај ја екипата, земете ги пешкирите и правец во “Салида Аква Парк” – вечерва се разладуваме стилски!

View this post on Instagram

A post shared by Аква Парк Салида (@aquaparksalida)

За сите останати кои сакаат да се разладуваат на жешкото сонце, аква паркот работи секој ден од 10 – 18 часот!

Уживајте во летото со “Салида Аква Парк”.

“Порти кон бескрајот” е самостојната изложба од прилепскиот автор Илија Кочоски, отворена во петокот во фоајето од ЦК “Марко Цепенков”-Прилеп.

Кочоски на изложбата се претставува со дела поделени во два циклуси – првиот со 13 композиции кои претставуваат автентичен и единствен приказ на Тајната вечера и вториот од 8 дела кои се раскошни и колоритни композиции.

Изложбата ја отвори м-р Викторија Димеска, историчар на уметност, која посочи дека Кочоски внимателно ги негува формите, облиците и структурите, применувајќи колажен пристап во создавањето на делата.

-Авторот Илија Кочоски создал непроценлива ризница од композиции работени во комбинирана техника-масло на платно, бакарна фолија, сребрена боја, дрвени резби и позлатени клинци. Тој развил разновиден семиотички систем и изградил сопствен уметнички идентитет, изразувајќи го бескрајот на човечкиот дух со виртуозна употреба на бојата. Тој вдлаби траг и создаде апотеоза на вечната дилема и борбата за вистината меѓу науката , уметноста и религијата – рече Димеска, на отворањето на изложбата.

Ова е трета самостојна изложба од Илија Кочоски, кој како архитект е автор на повеќе споменици и плочи низ Прилеп и околината.

Автопатот Кичево – Охрид е симбол и доказ за посветеноста и работата на оваа Влада и тоа е клучната разлика меѓу нас и нашите политички противници, истакна денеска вицепремиерот и министер за транспорт Александар Николоски на пуштањето во употреба за сообраќај на дел од автопатат Кичево -Охрид.

Од денеска за сообраќај се пушта потегот од автопатот од Врбјани до Ботун како автопатско решение. Ова е првиот дел од автопатот Кичево -Охрид. Како што беше истакнато, во тек се силни градежни активности по целата траса на автопатот и се очекува целосно да биде завршен крајот на следната година.

Во продолжение интегралното обраќање на вицепремиерот и министер за транспорт Александар Николоски:

“Почитувани граѓани на Охрид, на Струга, на Кичево, Дебраца кои што сте тука. Нaвистина е големо задоволството да ги видиме првите дваесет километри во јавност како можат да ги користат граѓаните не само на овие населени места туку на цела Македонија. Побрзо да се патува до Гостивар, до Тетово и до Скопје, да се поврзе Македонија со Албанија и да се отворат големите туристички центри Охрид и Струга за сите оние кои што сакаат да ги посетуваат.

Нека е со среќа! – истакна вицепремиерот и министер за транспорт Александар Николоски.

На настанот покрај другите членови на Владата, присуствуваа и се обратија и претседателот на Владата, Христијан Мицкоски, заменик министерката за транспорт Калтрина Зеколи Шаќири, директорот на ЈП за државни патишта Коце Трајановски и градоначалникот на Охрид, Кирил Пецаков.

Тие го истанкаа огромното значаење на овој автопат како дел од коридор 8 кој ќе ја раздвижи економијата, туризмот и севкупното живеење во овој дел од Македонија.

Битола е на прагот на големи инфраструктурни и урбани промени, откако градоначалникот Тони Коњановски најави капитални инвестиции вредни 707 милиони денари (приближно 11,5 милиони евра), предвидени со ребалансот на буџетот што денеска ќе се најде пред Советот на општината.

-Битола заслужува иднина во која ќе се гордееме дека сме оставиле белег, порача Коњановски, истакнувајќи дека ова не се предизборни ветувања, туку резултат на сериозна и долгогодишна подготовка и посветеност и на денешната прес конференција рече:

-Почитувани сограѓани, битолчанки и битолчани, понеделник е историски ден за Битола. На седницата на Советот како дел од ребалансот на буџетот предложени се капитални објекти значајни за развојот на градот какви Битола што не памети, дел од нив се:

– ТРИ типски училишни спортски сали во: ОУ “Стив Наумов”, ОУ “Тодор Ангелевски” и ОУ “Даме Груев” – подрачно училиште во Долно Оризари ВРЕДНОСТ 144 милиони денари .

– Изградба и реконструкција на ДЕВЕТ УЧИЛИШНИ СПОРТСКИ ИГРАЛИШТА во: ОУ “Даме Груев”, ОУ “Климент Охридски”, ОУ “Трифун Пановски”, ОУ “Ѓорѓи Сугарев”, ОУ “Гоце Делчев”, игралиштето во “турското” училиште, ОУ “Коле Канински” – буковски ливади, ОУ “Тодор Ангелевски” – подрачно училиште во Г. Оризари, ОУ “Тодор Ангелевски” ВРЕДНОСТ 112 милиони денари. Реконструкција на игралиштето во населба СТРЕЛИШТЕ и реконструкција на игралиштето за ТЕНИС во БРУСНИЧКА населба ВРЕДНОСТ 28 милиони денари

-Изградба на ШЕСТ нови ПАРКИНЗИ – Овчи Пазар, Ат Пазар, на улица Браќа Џаферови, во поранешната касарна, кај Хеликоптерот и Кифлата ВРЕДНОСТ 30 милиони денари. Со изградбата на овие паркинзи ќе се овозможат над 150 нови паркинг места.

-Реконструкција на објект во Буковски ливади со пренамена во УЧИЛИШТЕ ВРЕДНОСТ 30 милиони денари.

-Изградба на АТЛЕТСКА ПАТЕКА на стадионот “Петар Милошевски” ВРЕДНОСТ 77 милиони денари.

Овој ребаланс предвидува и Изградба на нови улици и реконструкција на улици рече Коњановски и додаде:

-Изградба на комлетна инфраструктура на улица „Донка Ушлиова“ во населба Јени маало. Изградба на инфраструктура на улици во АРМ Четврт2 – поранешната касарна, улиците Сту6,Сту6а,Сту13,Сту14, улици од Урбанистички План Стрчин. Изградба на коловоз, сообраќајна инфраструктура и улично осветлување на северна улица3 со станбен простор, станбена улица1 со паркинг простор и пристапна улица1 од ДУП за комплекс болници – во областа околу болницата Плодност“. Реконструкција на улиците „Влатко Миленковски“, дел од ул.„Паца Ванчова “ и дел од ул.„Гаврило Принцип“ во населбата Карпош. Реконструкција на улицa „7-ма Бригада“. Реконструкција на улица „Христо Ботев. Реконструкција на улица „Димитар Тодоровски“ (ул.„11-та“). Реконструкција на улица „Бегова чешма“, Реконструкција на дел од улица „Васко Каранѓелевски“ и улица “Романија“, Реконструкција и изградба на улица „Булевар 1-ви Мај“ (кај стараТреска). Реконструкција на улица „Ѓорѓи Димитров“. Реконструкција на улица “Даме Груев” – Мал Париз крак 1,2 и 3. Реконструкција на улиците Дебарска, Караорман, Мукос, Љубојно и 5 та во населба Баир

Со ребалансот на буџетот се предвидени средства за изградба и реконструкција на улици и во следните населени места дел од Општина Битола: Изградба на улици во с. Караман, Изградба на патот до манастирот Св. Меркјури во с.Барешани, Реконструкција на коловоз на улици во с.Ротино, Изградба на коловоз на локален пат за с.Раштани, Реконструкција на коловоз на улици во с.Трн, Реконструкција на коловоз на улици во с.Братиндол, Реконструкција на коловоз на локален пат за с.Горно Ореово.

-Ова се само дел од проектите одобрени од Владата на РМ на последниот повик кои се дел од ребалансот на буџетот на следната седмица на Советот на Општина Битола овој понеделник! И морам да напоменам: ова не се проекти за предизборна кампања, туку инвестиции за кои изминатиот период, напорно и посветено работевме на проектна документација, за да можеме сега да преминеме на реализација. Вкупната вредност на сите одобрени проекти е во висина од 707 милиони денари или на 11.5 милиони евра! Никогаш Владата на Македонија во овие 30 години не дала толку средства во Битола во една година! Никогаш во историјата на Битола толку не се градело!

Со доделување на наградите, во Сарајот во Ресен заврши 23-то издание на Интернационалниот театарски фестивал ,,Актерот на Европа“. Според одлуката на жирито во состав: Гоце Ристовски, претседател, Трајче Кацаров и Елена Трајковска, членови, наградата Актер на Европа за годишно остварување му беше доделена на македонскиот актер Здравко Стојмиров, за неговата изведба на претставата „Фетишист” по текст на францускиот писател Мишел Турние, во продукција на Народниот театар Битола.

„Наградата „Актер на Европа“ е една од најзначајните што сум ги добил досега, а воедно и најдрагата.
Отсекогаш било најтешко да бидеш препознаен токму во својата земја, па токму затоа ова признание има посебна тежина и значење за мене.

Искрена и длабока благодарност до Фестивалот „Актер на Европа“, до организаторите, до претседателот на фестивалот Јордан Плевнеш, до публиката, до моите најблиски и до сите што ме поддржуваат.

Ви благодарам за честа и за довербата“, изјави Стојмиров.

Завршната вечер ја одбележа и изведбата на претставата „Јелена Савојска“ работена потекст на Марија Сарап, во режија на Зоран Ракочевиќ, со актерката Јелена Ѓукиќ од Црна Гора, која воедно ги понесе наградите за најдобра претстава и најдобар драмски текст. Наградата на публиката ја понесе претставата „Нушиќ лично“, текст и режија Миодраг Илиќ, во продукција на Народниот театар на Тимочка Краина „Зоран Радмиловиќ“ од Заечар и Фондацијата „Нушиќ“ од Белград, Србија.

Наградата Жак Лакариер и припадна на претставата „Lebensraum – Експеримент во добрина“, работена по текст на Танасис Триаридис, во режија на Јанис Димакас, од Театарот Теато Парамитиас Теспортиас, од Грција.

Наградата „Млада Европа“ им припадна на Стефан Ѓорчев и Антониј Ѓоргиев Илиоски за улогите во претставата „Сега му е мајката“, работена по текст на Горан Стефановски, во режија на Владо Денчов, и во продукција на „Алтернативен театар Пробатон“, Свети Николе. Наградата за животно дело Актер на Европа му беше врачена на отворањето на фестивалот на легендарниот германски актер и режисер Брајан Мајклс.

Добиниците на наградата Клучевите на Преспа оваа година се, еминентниот британски професор на Оксфорд, Џемс Петифер, автор на „Езерата и империите во македонската историја“ и проф. д-р Никола Јанкуловски, светски признат експерт во медицината ипоранешен ректор на УКИМ. Наградата Големата Повелба „Балканот – Срцето на Европа“, постхумно му беше доделена и на албанскиот писател со светско реноме и поддржувач на фестивалот од неговото основање, Исмаил Кадаре. Другите годинашни добитници на оваа награда се Танасис Триаридис од Грција, Саша Драгиќ од Србија и проф.Љубомир Кекеновски од Македонија.

Со оваа иста монодрама Здравко Стојмиров ја освои наградата за најдобар актер на 21-то издание на Меѓународниот фестивал на монодрама „АЛБА МОНО“, што се одржа од 23 до 30 јуни 2025 година во Поградец, Албанија.

„Ова е голема чест за НУ Народен театар – Битола и за актерот Здравко Стојмиров. Му посакуваме уште многу успешни изведби и нови награди на национални и меѓународни сцени“, истакнаа од Битолскиот театар.

Над 1.500 спроведени испити за помалку од еден месец – нова ефикасност и доверба во Пелагонискиот регион

Авто Мото Испитниот Центар „Супер Возач“ за кратко време успеа да внесе нова динамика и доверба во процесот на возачките испити. За само еден месец, на територијата на СВР Битола се спроведени над 1.500 теоретски и практични испити за сите категории на моторни возила – со минимално чекање, транспарентен пристап и стручна поддршка.

Со лиценца издадена од Министерството за внатрешни работи, центарот целосно ги исполнува сите законски услови предвидени со Правилникот за спроведување на возачки испити, вклучувајќи современа техничка опрема, соодветна инфраструктура и лиценциран кадар обучен според највисоки стандарди.

„Најголемата промена ја чувствуваат кандидатите – денес се полага со знаење. Системот е поставен така што секој што знаење има и фер шанса да положи. Тоа е суштинска промена“, истакнуваат од менаџментот на „Супер Возач“.

Во тимот на испитниот центар работат сообраќајни инженери, економисти, техничари и стручни инструктори, со лиценци за теорија, пракса и контрола на СИЦ. Ова гарантира доследно спроведување на испитите и висок степен на професионалност.

Нов стандард на услуга

Досегашните позитивни искуства на кандидатите зборуваат за суштинска промена: чекањето за испит е сведено на помалку од една седмица, а целокупниот процес е поедноставен, појасен и без непотребни административни пречки.

Центарот располага со 6 пријавни пунктови, 4 автодроми за практични испити и 3 училници за теоретски испит, овозможувајќи оптимален распоред за целиот Пелагониски регион – Битола, Прилеп, Ресен, Демир Хисар, Крушево и Македонски Брод.

„Нашата цел е едноставна: да создадеме систем во кој секој кандидат ќе има доверба. Возачката дозвола мора да биде резултат на знаење и подготвеност – ништо помалку.“

Бидејќи секое возење започнува со доверба – а довербата се гради со фер услови, човечки пристап и професионален систем. Тоа е патот што „Супер Возач“ секојдневно го гради. За идните возачи. И за побезбедни патишта.

Голем број соученици и другари на 13-годишниот Милан Чупаркоски, чиј живот трагично згасна во текот на вчерашниот ден, се собраа денеска во паркот кај градинката во “Вишне” да му оддадат почит.

“Почивај во мир, летај високо ангелу наш, ќе ни фалиш”, стои во пораката пред која децата запалија свеќи за нивниот другар и неговиот татко, чии животи на грозоморен начин ги одзеде нивниот роднина.

Нека почиваат во мир!

Во врска со кривично правниот настан -Убиство и самоубиство, случен на 12.07.2025 година во Прилеп, според првичните сознанијата со кои во моментот располага СВР Битола-ОВР Прилеп се следните:

на 12.07.2025 година околу 15:00 часот П.Ѓ.(62) од Прилеп телефонски му се јавил на неговиот внук од сестра П.Ч.(43) од Прилеп, при што истиот го поканил да оди во неговиот дом во Прилеп, но инсистирал со себе да го поведи и неговиот малолетен 13 – годишен син, односно внук од сестра на П.Ѓ.

Според првичните сознанија, П.Ч. по поканата од неговиот вујко го зел со себе малолетниот син, по што и кажал на неговата сопруга К.Ч. (43) дека неговиот вујко инсистира да оди во негова посета заедно со неговиот син, при што истите заминале .

Според првичните информации и сознанија од очевидци кои ги има ОВР Прилеп во околу 15:30 -16:00 часот во непосредна близина на куќата на сега починатиот П.Ѓ. се слушаат истрели од огнено оружје, (најверојатно тоа бил моментот на убиството во кое П.Ѓ. ги застрелува внукот и неговиот малолетен син) но, до тој момент нема никаква пријава во ОВР Прилеп за било какво пукање на подрачјето на Прилеп.

Според сознанијата до кои дојдоа полициските службеници од ОВР Прилеп, на фејсбук профил за кој се претпоставува дека е креиран и припаѓа на вујкото П.Ѓ. во 17:10 часот, поставен бил статус со сомнителна содржина каде истиот ја прозива неговата сестра и внукот ( според времето на објавување се претпоставува дека статусот е објавен по убиството на внукот и неговиот малолетен син).

Сопругата на сега убиениот П.Ч. според сознанијата, по извесно време пробала да ги добие телефонски сопругот и синот, но откако истата не ги добила , се упатила кон куќата на вујкото на нејзиниот сопруг, по што истата видела дека влезната врата е затворена и никој не се одзвива на нејзините довикувања, а надвор пред куќата го забележала паркирано патничкото возило на нејзиниот сопруг. Истата, по одредено време во 21:20 часот го пријавува настанот во ОВР Прилеп каде пријавува дека истиот ден од домот се оддалечил нејзиниот сопруг заедно со нивниот малолетен син и посочува дека најверојатно се наоѓаат во домот на вујкото на нејзиниот сопруг.

Откако во 21:20 часот истата го пријавува настанот во ОВР Прилеп. Веднаш полициски службеници се упатуваат кон куќата на ул „Стеван Апостолоски” во Прилеп и по пристигнувањето на наведената адреса да извршат проверка по пријавата, во домот на П.Ѓ. никој не ја отворил вратата. Веднаш било стапено во контакт со јавен обвинител, по што била издадена наредба од јавен обвинител, полициски службеници со употреба на сила да ја отворат вратата. Кога влегле во куќата П.Ѓ. фрлил бомба кон нив која почнала да чади, но не експлодирала. Откако полициските службеници излегле од куќата, од страна на П.Ѓ. било пукано кон нив, при што полициските службеници возвратиле со пукање од службено оружје кон куќата и известиле по радио врска дека во 22:40 часот према нив пукано е од огнено оружје на ул.„Стеван Апостолоски“, за да по кратко време П.Ѓ. со огнено оружје се самоубил. На местото на настанот пристигнала екипа на Итна медицинска помош Прилеп каде од страна на доктор била констатирана смрт како последица од огнено оружје кај П.Ч, П.Ѓ. и 13-годишен малолетник.

На 13.07.2025 во 01:20 часот од страна на полициски службеници од ОВР Прилеп во присуство на јавен обвинител бил извршен увид на ул.„Стеван Апостолоски “ во Прилеп при што од увидот констатирано било дека во куќа со приземје и кат со дворно место пред влезната врата како и во домот беа пронајдени чаури од огнено оружје , како и влезно излезни траги од проектили. Во ходникот на подот пронајдена била и една рачна бомба М93. Исто така на влезот од собата пронајден бил пиштол калибар 9 мм и пиштол калибар 7,65 мм , документи, парични средства како и договори за имот и останати документи.

Од страна на јавен обвинител била издадена наредба врз телата на починатите да се изврши обдукција.

Две лица, татко и син се убиени, а убиецот се самоубил ноќеска во Прилеп. Според првичните сознанија, 63-годишнен прилепчанец прво го лишил од живот својот 43-годишен внук од сестра и неговиот 11 годишен син, поради семејни недоразбирања и нерасчистени имотни прашања, а потоа се самоубил.

-Таткото и синот отишле во куќата на вујкото на улицата „Стеван Апостолоски“ околу 15 до 16 часот. Освен вујкото немало никој друг во куќата. Инаку, претходно вујкото му ја препишал куќата на внукот. Не се знае што се случувало наредните часови само се знае дека таткото и 11-годишниот син биле убиени со пиштол пред да стигне полицијата околу 22 часот. Ова е утврдено зашто соседите слушнале истрели, вели јавниот обвинител Стевчо Биноски.

Сопругата на убиениот викнала полиција откако се загрижила што со часови ги немало нејзиниот сопруг и син. Полицијата пристигнала пред куќата околу 22 часот и кога се обидела да влезе, убиецот им фрлил бомба која полуексплодирала, но, не предизвикала никакви повреди.

-Полицијата ја ангажираше единицата Tигри која потоа околу еден часот по полноќ влезе во куќата и ги најде трите мртви тела, вели јавниот обвинител Стевчо Биноски кој направи увид на местото на трагедијата која ги шокираше прилепчани.

Наредена е обдукција на трите тела.