Традиционално, крајот на учебната година во Прилеп, и годинава ќе биде одбележан со манифестацијата Палачинкијада.

-Драги ученици, професори и наставници, драги наши сограѓани, ве покануваме на традиционалната „Палачинкијада“ која се одржува по повод крајот на учебната година! Во сабота, на 15 јуни во 11:00 часот во паркот на Могилата на Непобедените ќе се дружиме, забавуваме и пееме, а исто така ќе ги прогласиме и првенците на генерации – информираат од Општина Прилеп.

На 10.06.2024 во 09.18 часот во СВР Битола било пријавено дека на крстосница од ул.„Добривоје Радосављевиќ“ и ул.„Рузвелтова’’ во Битола, мотоцикл со битолски регистарсски ознаки, управуван од малолетник од Битола, удрил во пешакот Б.Б.(81) од Битола.

Во несреќата пешакот се здобил со тешки телесни повреди констатирани во Клиничка болница Битола. Увидот на местото извршила увидна екипа на СВР Битола – информираат од СВР Битола.

Три претстави во официјалната програма ќе бидат на програмата на шестиот ден на Македонскиот театарски фестивал „Војдан Чернодрински“ во Прилеп. Први во 17 часот на сценaта на театарот во Прилеп ќе гостува Театарот за деца и младинци од Скопје со младинската „Франкенштајн“, по мотиви од истоимениот роман „Франкенштајн“ од Мери Шели. Режијата е на Кокан Младеновиќ.

Улогите ги толкуваат: Ангела Димитрова, Бојан Кирковски, Maтеа Јанковска Наташа Петровиќ, Ненад Митевски, Никола Наковски и Симона Спировска.

Романот „Франкенштајн“ од Мери Шели ни послужи како повод за истоимената претстава која има цел да ги истражува различните практики на дискриминација во општеството во кое живееме. Прашањето кој е и што е; што може да биде и кој сè може да биде „чудовиште“, а пред сè прашањето кој проценува и одредува дека Другиот е чудовиштен – е темата на оваа наша претстава. Веднаш по претставата ќе следуваат разговори на тркалезна маса.

Во 19.30 часот на сцената на Центарот за култура „Марко Цепенков“ ќе биде изведена „Едвард Втори“ во продукција на „Јордан Хаџи Константинов – Џинот“ – Велес. Претставата е во копродукција со Драмски театар „Масалитинов“, Пловдив. Претставата во режија на Андриј Жолдак, е по текст на Сашо Димоски според А. Жолдак и К. Марлоу. Улогите ги толкуваат: Борис Крстев, Илин Јовановски, Јована Миладинова, Васил Зафирчев, Јордан Витанов, Бранко Михајлоски, Кире Ацевски, Тодор Стојковски, Сандра Танчева – Марго, Марија Баркова, Леонида Гулевска, Бобан Алексоски и Тодор Стојковски.

Театарот „Ацо Шопов“ од Штип ќе гостува на фестивалот вечерва во 22 часот на сцената на Прилепскиот театар, со претставата „Демонот од Дебар Маало“, според текст на Горан Стефановски, а во режија на Наташа Поплавска. Улогите ги толкуваат: Пеце Ристевски, Марија Минчева-Андонов, Ефтим Траjчов, Валентина Ѓоргиевска, Владимир Тулиев, Миле Вратеовски, Анѓелка Нашкова, Елена Шорова-Дербов, Раде Рогожарев, Стефанија Митовска и Даријан Петров.

И денес продолжуваат разговорите на тркалезната маса за претставите што синоќа беа изведени во Прилеп. Со бурни аплаузи и овации беа наградени актерските екипи на „Ало! Ало“ на Театар Комедија и на „Дупло дно“ на Народниот театар од Прилеп, кој има голема поддршка од прилепската публика.

Во 11 часот ќе биде промовирана книгата „За комичното и хуморот“ на Иван Џепароски, во издание на Театар Комедија. За книгата ќе зборува Дарко Спасов, директор на театарот и Ана Стојаноска, уметнички директор на фестивалот „Војдан Чернодрински“.

Монографијата „Театар Куманово 75 години (1948-2013)“ беше промовирана вчера, а за неа зборуваа авторите – тројца драматурзи и актерката Кети Дончевска-Илиќ.
Нaјавувајќи го ова дело – историја за кумановскиот театар насловено „Театар Куманово 75 години (1948-2023), режисерот Милош Б. Андоновски потенцираше дека ова е прва од ваков вид монографија за театарот. Имало само печатено издание за периодот 1961-1971 година.
За уредникот на монографијата, актерката Кети Донческа Илиќ, најфасцинантна е енергијата која се чувствува низ страниците и фотографиите на монографијата.
-Во монографијата се концентриравме на фотографиите. Посебно од гостувањата на театарот. За жал, за некои претстави не најдовме материјал, ама многу е битно што под секоја фотографија се и имињата на актерите. Инаку, театарот веќе четврта година се реновира, тоа е тешка ситуација зашто сме „кираџии“ во Домот на културата. Се надеваме дека наскоро ќе заврши, зашто се пробиени сите рокови, објаснува Дончевска Илиќ.

На монографијата работеле тројца драматурзи и еден актер. Драматургот Сашо Костовски смета дека е внесена историјата и на градот, и на театарот, особено се посебни деталите забележани во инспициентските тетратки.

-Се пренесува сета енергија низ 75-те години, која ги опфаќа сите чувства. Внимание привлекоа нотираните, интересни, необични моменти во инспицинтските тетратки. На пример, кој кога задоцнил на претстава, кој дошол поднапиен. Тоа е историја. Посебно пријатно вчудовидува што во 60-тите години од минатиот век годишно имало дури 12 премиери, рече Костовски.
Инаку, сите режисери, родум од Куманово, режирале во кумановскиот театар.

Впечатоци од претставата „На дното“ во режија на Ќендрим Ријани, на Битолскиот театар сподели публиката присутна во Центарот за култура. Се отворија прашањата за театарот и претставите кои зборуваат за проблемите во општеството што е и смислата на театарската уметност.
-Голема обврска е да се донесе тој социјален реализам во директен контакт со публиката која на малата сцена во Центарот за култура речиси беше во директен контакт со дејството и актерите кои на сцена беа 17, рече модераторката Јована Горѓиовска.

Драматургот Билјана Крајчевска, во отсуство на режисерот ги објасни интервенциите.
-Интервенциите беа според концептот на режисерот. Да се работи на текст од 1905 година не е лесно. Осовременувањето бара многу интервенции. Ликовите добија неколку промени. Имаше неколку драматуршки интервенции, се внесоа и авторски текстови, рече Крајчевска.

Актерот Иван Јерчиќ нагласи дека идејата било дејството да се ослободи од секакво лицемерие.

-Наша мисија, мисија на театарот е да се занимаваме со проблемите во општеството, да отвориме повеќе прашања. Театарот има смисла ако кај публиката предизвика барем едно прашање, рече Јерчиќ.

Актерот Никола Стефанов го потенцираше заедништвото на актерската екипа.

-На сцената бевме 17 луѓе. Ова е колективна претстава и еден да отсуствува, би настанал хаос, рече Стефанов.
Актерката Илина Чоревска рече дека актуелноста на претставата е голема.

-Сите како да живееме токму како дејството во претставата. Ова, се чини, е вистинското време за актуелноста на текстот „На дното“. Репликите што ги изговараме за тоа кога си на дното се наши и сите речиси ги направивме по сопствено искуство. Ваквиот концепт на претставата нуди во секое излегување на сцената да си поинаков, а пак да не се загуби основната линија, рече Чоревска.

Уметничкиот директор на фестивалот, Ана Стојаноска, смета дека таков театар ни недостига.

-Ни недостасува театар кој гласно го говори она кое сите го премолчуваат. Оваа претстава ми даде сила да помислам: Добро си онаму каде што си. Има и некој друг што така размислува, рече Стојаноска. Во претставата „На дното“ музиката е силен контрапункт.

Покровители на 58. МТФ „Војдан Чернодрински“ се: Министерството за култура и Општина Прилеп. Спонзори на фестивалот се: Пакомак, Витаминка, Прилепска пиварница. Пријатели на фестивалот се: Центарот за култура „Марко Цепенков“ – Прилеп, Градската библиотека „Борка Талески“ – Прилеп, Театар за сите, Самоглас, Умно.мк, Јавен простор – Прилеп, Гледај.мк, Театроск, Факултет за драмски уметности, Донирај компјутер, Урбан ера. Пријатели на фестивалот се: Бит крафт, Карé и Смарт Ливинг, Македонија осигурување, Крин производство Прилеп, Аура, Клуб Калинка, Кафе-бар Тротоар, Кафе бар Чоше, Кафе бар Лувр, Брос бургерс, Монарка гастробар, пекара Алекс, Национален ресторан „Македонска куќа“, Центарот за современа ликовна уметност – Прилеп, Такси 5, Лусио Стор, Уан бајт и хотелите Кристал Палас, Атлас и Салида. Медиумски покровители се Македонската радио-телевизија и Трн.мк.

Ефикасна метода како да се задржи вниманието на учениците на часот. Ќе слушаат и напамет ќе научат се’ до збор…

Ова е едно од најпопуларните растенија за во затворен простор, расте брзо и лесно, а долго трае, но има една работа на која треба да внимавате доколку го украсува и вашиот дом.

Дрвото на пари (лат. Crassula ovata) е домашно растение кое лесно се одржува, а се верува дека носи среќа и пари.

Красула треба да биде поставена во близина на влезната врата бидејќи се верува дека носи пари во куќата.

Ова растение е познато и како растение на пријателството, па затоа често се подарува на саканите, верувајќи дека на тој начин му покажувате благодарност на пријателот, на тој начин им покажувате дека сакате да го споделите богатството со нив.

Се состои од гранки кои личат на мали стебла и месести, овални лисја. Токму поради тоа што се смета за симбол на среќа, дрвото на пари е одличен избор за подарок.

Ова растение се нарекува и јапонско или кинеско дрво на пари.

Ова се растенија кои припаѓаат на родот Crassula и може малку да се разликуваат едно од друго. Најпопуларен вид е Crassula ovata.

Како да се одржува растението?

Бидете внимателни доколку имате мачка или куче. Дрвото на пари треба да биде поставено далеку од нив, бидејќи сите делови од растението се токсични за животните.

Дрвото на пари треба редовно да се полева, но треба да внимавате да не го полевате премногу често. Почвата во која се наоѓа дрвото не смее целосно да се исуши, па најдобро е да ја полевате кога ќе почувствувате дека горниот слој на почвата е сув под прстот.

Времето денеска ќе биде сончево и многу топло со мала облачност. Ќе дува слаб до умерен, а наместа повремено засилен ветер од југозападен правец. Минималната температура ќе биде во интервал од 13 до 20, а максималната ќе достигне од 31 до 40 степени. UV=9

Во Скопје, како што соопштија од УХМР, времето ќе биде сончево и многу топло со мала облачност. Ќе дува слаб до умерен ветер од југозападен правец.сончево и многу топло со мала облачност. Ќе дува умерен, попладне во делови од котлината повремено засилен ветер од југозападен правец.

Минималната температура ќе се спушти до 17, а максималната ќе достигне до 37 степени.

Според УХМР, до четврток ќе се задржи сончево и многу топло време, особено денеска кога дневната температура наместа ќе достигнува до 40 степени. Во четврток кон крајот на денот ќе има услови за локален дожд и ретки грмежи. Поголема промена на времето со локален пороен дожд, грмежи и значителен пад на температурата се очекува во петок. Во деновите од викендот времето ќе биде стабилно со благ пораст на дневната температура.

Тутунски комбинат АД Прилеп, 2023 година ја заврши со поголема добивка од Витаминка, Прилепска Пиварница и Комфи Ангел – напиша на својот Фејсбук профил Генералниот директор на компанијата, Зоран Пачешкоски, кој сподели анализа на порталот “Фактор.мк” за 10-те компании со најголем профит во 2023 година.

Според анализата, Комбинатот минатата година ја завршил со профит од 2.702.000 милиони евра, што ја става компаниајта на второто место, зад Мермерен Комбинат кој пак остварил профит од 13,8 милиони евра.

Целосната анализа прочитајте ја на “ФАКТОР”

СВР Битола поднесе кривична пријава против М.Ц.(42) од Прилеп и правно лице од Прилеп поради постоење основи на сомнение за сторено кривично дело „повреда на авторско право и сродни права“.

Пријавените, со намера за себе да стекнат противправна имотна корист, вршеле неовластена продажба на производи со идентична заштитена трговска марка на правно лице од Република Турција – информираат од СВР Битола.

Прилепчанецот Кире Гелев, кој 10 години живее во Бад Херсфелд, Германија, неодамна го издаде својот прв музички албум, кој е прво музичко дело на македонско-германски јазик.

Албумот е насловен како “Кратко и јасно” и на него се наоѓаат 10 композиции. Слушнете во продолжение:

Во неделата по улиците во центарот на Велес, се одржа третата по ред атлетска трка „Трчаме за Рацин“, каде учествуваа 518 учесници, кои трчаа 10 и 5 км, во машка и женска конкуренција.

На 5 км. кај жените најбрза беше Ирма Хајдари со време од 21:01, пред Емили Ивановска од Прилеп, која имаше само 5 секунди послабо време (21:06).

Ова е втор одличен резултат за младата Иваноска, која пред само десетина дена триумфираше во истата дисциплина на маратонот “Охрид Трчат”

Девојката од Прилеп од која се очекува да прерасне во нов атлетски бисер на Македонија, од скоро е нов ученик на Игор Јакимовски, и после одработени 4 неделни напорни тренинзи стигна до првите големи резултати.

Нам ни останува да и’ честитаме и да и’ посакаме уште поголеми успеси во иднина, како на домашен, така и на меѓународен терен.