На 20.03.2026 во 21:15 часот полициски службеници од СВР Битола го лишија од слобода А.А.(46) од Битола. По претходно добиена наредба од Основен суд Битола, извршен е претрес во Битола во дом, сопственост на А.А., при што е пронајдена бела прашкаста материја, растителна материја, дигитална вага со траги од прашкаста материја и пари.

Исто така, на 20.03.2026 во 21:45 часот во Битола, полициски службеници од СВР Битола ги лишија од слобода Д.В.(49) и Н.М.(39), двајцата од Прилеп. Во патничко возило „сеат” со скопски регистарски ознаки, управувано од Д.В., а во кое сопатничка била Н.М., пронајдени се паковки со грутчеста материја и дигитална вага со траги од грутчеста материја. По документирање на настаните ќе бидат поднесени соодветни поднесоци.

Екипата на прилепски Мега Баскет денеска (21.03.) со почеток од 17:00 часот, во спортската сала во ООУ “Добре Јованоски”, ги пречекува Соколи од Штип.

Штипјани се подобро пласирани од Мега Баскет и имаат 19 бода во ТОП 8 разигрувањето во Првата лига, додека прилепската екипа моментално е на 15.

Вљубениците во кошарката во Прилеп очекуваат триумф, а за тоа ќе биде потребна целосна поддршка од трибината во “Добре”.

Дојдете заедно да ги бодриме дечките!

Страв и исчекување oд следните чекори на УО владее во ЈКП “Водовод и канализација” Прилеп.
Сомнежите за огромни криминали потенцирани на неколку пати во колумните на новинарот Зоран Момироски, а и изјавите на новиот претседател на УО, Бошко Талески, предизвикаа очите на прилепската јавност да бидат свртени кон ова јавно претпријатие.

Поништени записници од пописна комисија, барање за комерцијална ревизија, недонесена завршна сметка и сомнеж како се носеле претходните завршни сметки, ги поттикнуваат шпекулациите за проневерените средства.

Несанирани дефекти, раскопани улици, речиси никакви инвестиции во последните години, предизвикаа од најдобро јавно претпријатие во Македонија до 2017., денеска да е фирма која кубури за плата, страда од превработеност и зависи од општинските субвенции.

Дали се’ ова ќе има епилог зависи и од МВР и од oбвинителството, кое треба да му биде од помош на новиот УО во фирмата.

-ОВР Прилеп поднесе кривична пријава против В.Н.(21) од Прилеп поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“. На 12.03.2026 во Прилеп, полициски службеници од ОВР Прилеп извршиле преглед на патничко возило „бмв“, кое го управувал В.Н., при што во возилото била пронајдена и одземена марихуана – информираат од МВР.

-На 19.03.2026 во 21:00 часот во Полициската станица Прилеп е пријавено дека на паркинг простор пред магацин на правно лице на ул.„Стеван Апостолоски“ во Прилеп настанал пожар во кој изгореле четири мотоцикли, сопственост на правното лице. Пожарот е изгаснат од екипа на Територијалната противпожарна единица Прилеп, а повредени лица нема. Увид е извршен од екипа на ОВР Прилеп – информираат од МВР.

Тимот на “Гастромак” Maкедонија и оваа година во одлично светло се претстави на најголемиот гастрономски натпревар на Медитеранот ,,Бисер мора”, кој се одржува на Брач во Супетар. Ова беше 21. издание на натпреварот, а дел од македонскиот тим како и по обичај беше прилепскиот карвинг мајстор, Влатко Алексоски.

Алексоски се натпреваруваше во две категории: АРТИСТИКА и Live Carving, и се закити со 2 златни медали.

На натпреварот присутни беа над 500 мајстори од голем број земји, а ремек делата ги оценуваа 50 судии.

Ова е уште еден голем подвиг за нашиот прилепчанец, кој и во изминатите години освојуваше медали и признанија, не само на овој натпревар, туку и на други натпревари во регионот.

Честитки Влатко и желби за уште поголеми успеси во иднина!

Во време кога постојано зборуваме за емпатија, прифаќање и еднакви можности, реалноста понекогаш нè потсетува колку уште треба да учиме – не децата, туку ние возрасните.

Ова не е приказна за попреченост. Ова е приказна за осаменост. За едно дете кое секој ден оди на училиште со желба да биде дел од друштвото, но наместо тоа – стои само на одмор.

Апелот не е насочен кон осуда, туку кон будење на свеста кај сите родители. Затоа што токму од нас започнува сè – начинот на кој нашите деца гледаат, прифаќаат и се однесуваат кон другите.

Приказната за Димитар Иваноски, 13-годишно момче со ангелски глас од Прилеп, е потсетник дека едно мало внимание, еден повик за игра, може да значи многу повеќе отколку што мислиме.

Во продолжение, ви го пренесуваме статусот на неговата тетка кој предизвика огромен интерес:

Ретко пишувам и несакам да должам многу, но толку сум лута, не на децата туку на нас родителите… Се работи за мојот внук Dimitar Ivanoski (детето што пее ) на вас на некои познат, на некои не (небитно) Димитар е дете со попреченост (96% слеп). Денес сакам да споделам нешто што многу ме допре како тетка и како човек.

А ти Димитар продожи по патот на звездите и со твојот ангелски глас продолжи да освојуваш светски сцени и покажи дека небото е граница,за да еден ден твоите соученици покрај се бидат горди на тебе…. Те сакаме.

Очекуваниот животен век при раѓање во Европската Унија изнесува 81,5 години, додека во Македонија 76,6 години. Оваа бројка се разликува од регион до регион, па така највисок очекува животен век има шпанскиот регион Комунидад де Мадрид, со 85,7 години, додека најмал има во Северозападен регион во Бугарија со 73,9 години.

Жените на ниво на ЕУ се очекува да живеат 5,2 години подолго од мажите, додека во Македонија 4,4 години. Овој јаз значително варираш меѓу земјите од ЕУ, па така во Латвија, се очекува жените да живеат 9,8 години подолго од мажите, додека најмал родов јаз има во Холандија – 2,8 години.

Според поатоците на Еуростат, во 2024 година, очекуваниот животен век при раѓање во ЕУ е 81,5 години, што укажува на зголемување од 0,1 година во однос на 2023 година. Очекуваниот животен век се намали во 2020 година (80,4 години) и 2021 година (80,1 години) поради пандемијата COVID-19, но оттогаш се опоравува и достигна вредности повисоки отколку во 2019 година (81,3 години).

За жените, очекуваниот животен век при раѓање во ЕУ бил 84,1 години во 2024 година, додека за мажите бил 78,9 години.

На регионално ниво, четири региони имаат очекуван животен век од 85 години или повеќе: шпанскиот регион Комунидад де Мадрид, со 85,7 години, и италијанските региони Провинција Автонома ди Тренто и Провинција Автонома ди Болцано/Бозен и регионот на шведската престолнина Стокхолм, сите со 85,0 години.

Спротивно, меѓу 5-те региони на ЕУ со најнизок очекуван животен век при раѓање, 3 беа во Бугарија: Северозападен (73,9 години), Северен централен (74,9 години) и Североизточен (75,4 години). Другите 2 беа Мајоте во Франција (74,5 години) и Ешак-Маѓароржаг во Унгарија (75,1 години).

Во 2024 година, очекуваниот животен век при раѓање за жените во ЕУ достигна 84,1 години (зголемување за 0,1 година во споредба со 2023 година), додека за мажите беше 78,9 години (+0,2 години). Ова укажува дека се очекува жените да живеат 5,2 години подолго од мажите.

Овој јаз значително варираш меѓу земјите од ЕУ. Во Латвија, се очекува жените да живеат 9,8 години подолго од мажите, по што следуваат Литванија (8,6 години) и Естонија (8,4 години). Најмали родови јазови има во Холандија (2,8 години), Шведска (3,1 година) и Ирска (3,4 години).

Еуростат нема податоци за проценка на животниот век на населението во Северна Македонија за 2024 година, додека според податоците од Статистичкиот годишник за 2025 година на Државниот завод за статистика, очекуваниот животен век за периодот 2022-2024 е 76,63 години, со тоа што животниот век на жените е 78,86 години, а на мажите за 4,4 години помал 74,48 години.

Очекуваната должина на животот при раѓање бележи раст од 1,3 години, споредено со периодот 2021-2023 година кога изнесувал 75,32 години и 2,2 години споредено со периодот 2020-2022 година.

Во 2021 е заблежан пад на очекуваниот животен век во земјава за три години и пет месеци во спроредба со 2018 кога изнесувал 76,7 години.

Терасата во која се вљубија сите генерации во изминатиот период, и за овој викенд ја има формулата за совршен помин во срцето на Прилеп.

Викендот стартува динамично – со настап на МЕТРОПОЛИС БЕНД. Дечките од Прилеп како и секогаш, така и овој петок ќе ја кренат атмосферата и ќе ги размрдаат сите генерации!

Саботата е резервирана за акустично уживање со Боби и неповторливиот вокал на Никола Димески, комбинација која гарантира емоции и одлична атмосфера.

А помеѓу двете живи свирки…

Не пропуштајте го саботното кафе со еден од најубавите погледи во градот – кон прилепската Саат Кула и Старата чаршија. Совршено место за попладневно уживање со пријателите, блиските и семејството.

View this post on Instagram

View this post on Instagram

📞 Резервирајте навреме на тел.бр. 070 304 967 ВАШАТА ТЕРАСА ве очекува!

Кошарката во Прилеп доби субвенција од нешто над 4.000 евра за двете категории за цела година од Министерството за спорт – сума која реално е недоволна за сериозен развој и напредок.

Станува збор за Мега Баскет Прилеп, клуб кој се натпреварува во Првата кошаркарска лига, и кој со ограничени ресурси се обидува да одржи континуитет и да изгради конкурентен тим. Згора на тоа, eкипата игра во училишна спортска сала, со оглед на тоа дека Прилеп веќе одамна ги нема на располагање двете големи спортски сали – “Универзална” и сала “Македонија”.

Иако поддршката од Министерство за спорт на Македонија е значајна како сигнал, во пракса оваа сума не овозможува ниту основни услови за напредок, а камоли борба за пласман во елитниот ранг.

Доколку навистина сакаме кошарката да се врати на местото кое некогаш го имаше, потребна е многу посериозна и системска поддршка.

Затоа, апел до локалната самоуправа во Прилеп, како и до бизнис секторот: време е за поголема вклученост и инвестиции во спортот. Кошарката има потенцијал, има традиција и има публика – но без конкретна поддршка, тешко дека ќе се направи чекор напред.

Прилеп заслужува повторно да има свој претставник во највисокиот ранг на натпреварување.