Под слоганот „Светот во страници“, во рамките на Битфест 2025, беше отворен саемот на книги, под платото на Народниот театар во Битола.
Седум учесници, со свои штандови и различна литература, ќе го доближат пишаниот збор до секоја генерација, преку ликовите за најмладите, до
литература која ги задоволува вкусовите на најприбирливите читатели. Со сопствен штанд со книги е застапена и НУУБ „Св. Климент Охридски“
Битола, а меѓу излагачите се и „Бата прес“, „Антолог“, „Прозарт медиа“, „Топер“, „Матица македонска“ и „Збор“.

Во своето обраќање пред присутните, градоначалникот Тони Коњановски истакна дека патувањето низ страниците на пишаниот збор е вистинско
патување кон себе си, надежта, кон непознатото, но и кон научните достигнувања и стручните, експертски анализи.

„Вечерва со отворањето на овој Саем на книги, битолската ризница на научната мисла и пишаниот збор НУУБ „Свети Климент Охридски“, активно
работи на доближување на пишаното богатство, до сите наши сограѓани, а пред се до нашите најмлади, кај кои мораме сите заедно да ја
поттикнуваме љубопитноста, а со тоа да ги поттикнуваме да читаат, зошто нели и нивниот омилен херој – Спајдермен – чита. Битола е град со голема културна историја, а многу битолчани се веќе докажани читатели, зошто книгата е нашата најмоќна врска со минатото, со сегашноста, но и со визијата за иднината.

Затоа, на овој настан, создаваме можности, но славиме и идеи, мисли, соништа и светови што се отвораат преку читањето. Од срце им благодарам на организаторите, на НУУБ „Св. Климент Охридски“ – Битола, и на сите учесници, кои вложија љубов и ентузијазам во оваа приказна што верувам ќе трасира нови патишта на животен напредок, кај секој оној што ќе избере добра книга од богатиот избор на наслови на овој саем“, рече Коњановски.

Пред присутните се обрати и директорката на НУУБ „Св. Климент Охридски“

– Битола, Емилија Стефановска Давкова. Саемот на книги ќе биде отворен за сите посетители до 1 август, кои по саемски цени можат да ги набават своите омилени дела.

Времето денеска ќе биде променливо облачно со сончеви периоди. Попладне и во текот на ноќта кон четврток наместа ќе биде нестабилно со пороен дожд и грмежи, локално во форма на краткотрајно невреме. Ќе дува умерен, наместа долж Повардарието повремено засилен северен ветер.

Минималната температура ќе биде во интервал од 12 до 20, а максималната ќе достигне од 26 до 34 степени.

Во Скопје, променливо облачно со сончеви периоди. Ќе дува умерен, повремено засилен северен ветер. Во текот на ноќта ќе има услови за повремен дожд. Минималната температура ќе се спушти до 17, а максималната ќе достигне до 32 степена.

Во четврток наместа ќе биде нестабилно со пороен дожд и грмежи, локално во форма на краткотрајно невреме. Ќе дува умерен, долж Повардарието повремено засилен северен ветер. Потоа во петок и сабота ќе биде претежно стабилно со благ пораст на дневната температура. Ново дестабилизирање на времето со локален пороен дожд и грмежи се очекува во недела и во првите денови од следната седмица.

Наспроти ООУ „Кочо Рацин“, веднаш до продажниот салон на “Електро Опрема”, наскоро Прилеп ќе го добие BrainyBee – уникатен дневен и едукативен центар за деца од прво до петто одделение, кој ветува безбедност, квалитет и бесценето детско искуство.

Центарот ќе го водат млади, едуцирани педагози, кои со посветеност и ентузијазам ќе вложуваат неизмерна љубов и внимание во секое дете. Ги краси огромна енергија, ентузијазам и едвај чекаат да го пренесат сето она што го знаат на своите идни ученици.

Што ќе понуди BrainyBee и во што ќе се разликува од конкуренцијата во градот?

-Ќе го краси прекрасна работна и топла атмосфера, учениците ќе се чувствуваат како дома, опкружени со љубов, топлина и внимание какво што заслужуваат;

-Дневниот престој во цената вклучува и редовен вкусен и здрав оброк, како и превоз за учениците.

Наш совет е да побрзате и навреме да се јавите на телефонскиот број: 075 639 635, интересот е веќе голем, а тимот на BrainyBee нуди одличен попуст од 20% за сите уписи во јули и август.

The Doctors е прилепски рок бенд формиран на крајот од 2022 година. Овој бенд сега е составен од 5 члена, меѓу кои: Сергеј Попоски како фронтмен и вокал, Ѓорѓи Петкоски како бекинг вокал и бас гитара, Вилијам Спиркоски на тапани, Филип Сотиров на ритам гитара и Марко Стојаноски на соло гитара.

Овој бенд изведува англиски рок, поп и рок-поп безвременски хитови, како и наши македонски песни и аранжмани, оддавајќи им почит на великаните кои ја
насочиле душата на рок музиката да ечи низ времето, а за брзо ќе го донесат тој звук и на нашата прилепска сцена.

Во рамките на овој културолошки проект “Од 0 до култура”, The Doctors овој четврток на Камена бина во центарот на Прилеп, свират трибјут на еден од најмаркантните бендови на македонската сцена – “НОКАУТ”.

Четврток (31.07), почеток 21.00ч, дојдете да се забавуваме!

На еден месец пред почетокот на новата учебна година, во општинското средно училиште „Таки Даскало“, активно се работи на подобрување на условите во училиштето. Градоначалникот на општина Битола, Тони Коњановски и директорот на училиштето Ристо Грујовски, денес извршија увид на работните активности кои опфаќаат реконструкција на врати во училиштето во вкупна вредност од 1.613.650 денари и реконструкција на електрична инсталација во вкупна вредност од 1.434.202 денари.

Замената на старата столарија, вклучува демонтажа и отстранување на дрвени врати од училниците, изработка, транспорт и монтажа на дрвени врати, крила и каси со подконструкција од дрвена рамка, изработка, транспорт и монтажа на двокрилни и еднокрилни врати, како и вградување на материјал за завршна обработка на ѕидовите околу нововградените врати од двете страни со усогласување со боја и материјал како постоечката.

Реконструкцијата на електрична инсталација во училиштето, вклучува демонтажа на постоечка електрична опрема, набавка на нова и нејзино ставање во употреба.

Со оваа инвестиција во износ од околу 49.641 евра, значително се менуваат просторните услови во училиштето и се создава поубава средина за учениците и вработените во училиштето.

Градоначалникот Коњановски и директорот Грујовски, нагласија дека и во следниот период општината и училиштето во заедничка соработка и со поддршка од Министерството за образование, ќе продолжат да инвестираат како во однос на непречено одвивање на наставниот процес, така и во насока на обезбедување на нови можности за поттикнување на напредокот и спортскиот развој и на учениците.

Последниот бедем на одбраната на криминалот на СДСМ и ДУИ заминува во историјата – напиша на Фејсбук пратеникот на ВМРО-ДПМНЕ, Бојан Стојаноски, по објавената информација дека владеачката партија ќе ја поддржи интерпелацијата за државниот обвинител, Коцевски.

-Шансата е потрошена. Време е за правдата да ги стигне тие кои што се огрешиле пред законот. Последниот бедем на одбраната на криминалот на СДСМ и ДУИ заминува во историјата. Правда ќе има – стои во објавата на Стојаноски.

Директорот на Дирекцијата за заштита и спасување информира дека седумчлена посада со Блек Хок од Република Чешка ќе пристигне денес околу 18.00 часот на скопскиот аеродром.

Тимот од Словенија составен од 61 пожарникар со 18 возила ќе пристигне во Берово утре рано наутро, околу 5.00 часот.

-На 28.07.2025 во 11.15 часот во ОВР Прилеп, Ж.Х.(65) од Прилеп пријавил дека во дворот од семејната куќа пронашол две експлозивни направи. Пиротехничар од Дирекцијата за заштита и спасување ги подигнал експлозивните направи и констатирал дека се работи за две рачни бомби. Извршен бил увид – информираат од МВР.

Утре (30.07.) во манастирот Св. Марена, во близина на селото Туминец во Мала Преспа, Албанија, традиционално се одбележува големиот христијански празник Св. Марена, или кај народот познат како Света Огнена Марина (Марија).

Голем број Македонци од околните населени места, но и од Македонија, како и иселеници во странство, и оваа година ќе бидат присутни во манастирот и заедно ќе празнуваат со македонска песна и оро.

Манастирот датира од 18 век, а обновен е во 1926 година. Се наоѓа на самиот брег од Преспанското езеро, локација која самата по себе му дава дополнителна убавина и привлечност.

Патрон на манастирот е Света Огнена Марина – Марена, што се слави на 30 јули, празник кој Македонците во Мала Преспа, традиционално го слават заедно и каде и да се исселени тие за овој празник се тука.

Вообичаено е на овој празник, кога заради жештините “гори небото и земјата, не се работи “ниту една работа”. Во народната традиција сочувани се примери на пожари или громови во во топлите празнични денови изгореле жито, сено и домовите на луѓето кои го прекршиле празникот и работеле на празникот на Свети Марина.

Селото Туминец е едно од десетте населени места во Мала Преспа. Се наоѓа на самиот брег на Преспанското Езеро во близина на граничниот премин Стење-Горица и е второ село по големина, со околу 800 жители.

Погледнете дел од минатогодишните прослави во продолжение:

На видеолотариските терминали во Македонски Брод, Мице Анѓелкоски го освои Милионер џекпотот во износ од 1.475.310 денари!

Мице Анѓелкоски е најновиот милионер на Видеолотарија. Заедно со својот брат, ја посети Видеолотарија Касинос Австрија и ја сподели својата среќна ВЛТ приказна.

„Не очекував, ама се случи! Парите ќе ги поделам со брат ми – верувам дека ќе ни донесат среќа,“ ни раскажа Мице.

Од срце му честитаме! Нека оваа добивка му донесе уште повеќе радост, исполнети соништа и многу убави моменти со семејството!

Добивката вредна 1.475.310 денари е освоена на видеолотариските терминали во Спортлајф Трејд во Македонски Брод на 27.07.2025

Во периодот од 21 до 27 јули, играчите освоија вкупно 14.734.028 денари, меѓу кои:

🔸 1 добитник на Супер Милионер – 6.441.192 денари

🔸 4 добитници на Милионер – 6.252.412 денари

🔸 Добивки од Мини џекпоти – 2.040.424 денари

Забавата со ВЛТ продолжува. Кој ќе биде следниот среќен милионер?