Најдолгиот тунел на автопатиштата во Азија штотуку е завршен. Делницата со совршено осветлени бетонски ѕидови се наоѓа во Кина и долга е 22,13 километри, објави „ЦГТН“.

Новиот градежен потфат не само што урна рекорд, туку буквално го менува значењето на зборот „далеку“ во која било планинска област. Зад овој масивен коридор, наречен Тјаншан Шенгли, лежи едноставната кинеска „национална опсесија“ – да се поврзе секој агол од земјата, без разлика колку е „див“ теренот. Пробиен низ суровиот терен на покраината Гуиџоу, масивниот премин е дел од брза патничка врска осмислена да ги скрати патувањата што некогаш се одвивале по бавни, опасни планински патишта.

Така, еден од стручњаците на овој сложен потфат, ја спореди изградбата со „изведување операција на отворено срце на планина што постојано се движи“, укажувајќи на опасностите при пробивање пат под масивните кинески планини.

Инаку, норвешкиот тунел Лердал сѐ уште е најдолг патнички тунел во светот со 24,5 километри.

Планини, реки, длабоки долини – се чини, ништо веќе не е трајна пречка. Кинеските планери градат автопати како „пајажини“, а секој нов тунел обезбедува уште една совршено права линија што го сече она што некогаш принудувало бесконечни заобиколувања. Тоа, според познавачите, укажува и како инфраструктурата стана една од најмоќните алатки на Кина за раст и влијание.

Liqui Moly Македонија, на прва официјална средба, презентација и тренинг во Прилеп, ги претстави резулатите од работа на компанијата како независен дистрибутер за продуктите на германскиот производител.

На завршницата на настанот, на сопственикот на компанијата “Матадор”, Игор Стеванов, четврта година по ред му беше доделено признанието за најдобар партнер.

Позната по производство на врвни лубриканти, компанијата Liqi Moly чие седиште е во Улм, Германија, со своите производи е присутна во дури 150 земји ширум светот и е синоним за квалитет, не само за лубриканти, туку и за сите други производи од нивниот асортиман.

Од мал бизнис до најсовремен салон за автоделови во Македонија. “Матадор” е единственото место каде ќе најдете буквално се’ за вашите возила. Во 24 години постоење оваа компанија стана препознатлив бренд на Прилеп и број еден дестинација кога во прашање е набавката на резервни делови за секаков вид автомобили, гуми, акумулатори, автокозметика и галантерија…

И не само тоа, компанијата низ годините во безброј случаи покажа општествена одговорност со каква ретко кој може да се пофали. Често тоа било без “фанфари”, тивко, со желба да се помогне секаде каде имало потреба. Од хуманитарни настани, до спорт, култура, медиуми…компанијата помагала секогаш и секаде.

Паднат прозорец од Градската Саат кула за малку ќе предизвикаше трагедија, падната куќа во школскиот двор на ООУ “Климент Охридски”, еден куп објекти кои се пред рушење, во кои никој не живее со децении, а претставуваат опасна закана кон безбедноста и имотот на граѓаните.

Ова е горлив проблем со кој се соочува Прилеп и бара итна акција, а со цел да се спречи некоја потенцијална голема трагедија.

Граѓани ни испратија фотографија и од објектот на старата општинска зграда, каде треба особено да се внимава кога поминуваме, а добро би било да има и едно предупредување, дека малтер и ќерамиди можат да ви паднат на глава.

Апел до надлежните да ги лоцираат сите вакви обејкти, навреме да реагираат, пред да се случи било што…

Во годината во која се навршуваат 26 години од гостувањето на тогаш ѕвездениот тим на калчолигашот Парма во Скопје, и 27 години од гостувањето на тогаш моќниот калчолигаш Перуџа во Прилеп, Победа ги живее најтешките моменти.

Со блокирана сметка, огромни долгови, речиси без играчи во своите редови, а сега и се откажа од настап во Втората лига.

Ќе се потсетиме на овие блескави моменти за македонскиот и фудбалот во Прилеп, кои и ден денеска будат емоции.

14 септември 2000 година во рамките на првото коло од Купот на УЕФА, Победа се соочи со ѕвездениот тим на калчолигашот Парма. Иако црвено-белите беа поразени во двата дуели, љубителите на фудбалот и денес се сеќаваат кој се гостуваше тогаш во Македонија.

Во редовите на Парма тогаш беа: Џиџи Буфон, Фабио Канаваро, Лилијан Турам, Серџо Консисао, Аморосо, Саво Милошевиќ, Жуниор и Марко Ди Вајо.

Оваа ѕвездена екипа против себе го имаше тимот кој на Прилеп му го донесе првиот трофеј во натпреварувачката 2000/2001 година освојувајќи го Купот на Македонија.

Во редовите на црвено-белите тогаш беа: Боби Тенев, Панче Ќумбев, Игор Николаевски, Благојче Нацев, Жилсон, Раде Каранфиловски, Панче Ристовски, Тони Наумоски, Николче Здравески, Дарко Диниќ, Сашко Крстев, Тони Мегленски, Горанчо Тодоровски и Влатко Стојчевски.

Натпреварот кој тогаш се одигра на Градски стадион во Скопје пред 9.500 публика, заврши со триумф на Италијанците од 0:2.

Стрелци на головите беа: Серџо Консисао во 23-та минута и Марко Ди Вајо во 74-та.

Како ли само моќно изгледале “Мајмуните”… морници по цела кожа….

Една година порано, на 11 јули 1999 година, во рамките на второто коло од тогашниот Интер Тото Куп, се сретнаа екипите на Победа и Перуџа. Пред 15.000 љубители на фудбалот, Победа се обиде да му се спротистави на италијанскиот калчолигаш и да го надмине резултатот од 1:0 кој Италијанците го имаа како предност од првиот натпревар.

Но, резултатот од 0:0 во Прилеп, беше доволен за Перуџа да се пласира во наредното коло.

Сепак, овој меч сеуште буди емоции, овој меч сеуште се памети од фудбалската јавност и ова е еден од ретките мечеви што претставуваат вистински спектакл и живеат вечно.

Погледнете како изгледал градскиот стадион “Гоце Делчев” на тој 11-ти јули 1999 година:

Која ќе биде судбината на клубот после откажувањето од Втора лига, и дали Победа ќе успее одново да застане на здрави нозе, останува да видиме во периодот кој следи.

Во Прилеп се одржа координативен работен состанок помеѓу Претседателот на Републичкиот совет за безбедност на сообраќајот на патиштата (РСБСП), м-р Горан Ангеловски, и претседателите и членови на општинските совети за безбедност на сообраќајот на патиштата (ОСБСП) од Пелагонискиот регион – Битола, Прилеп, Кривогаштани, Новаци, Крушево, Македонски Брод и Демир Хисар, како и претставници на СВР Битола – Отсек за превенција.

На состанокот присуствуваше и градоначалникот на Општина Прилеп, Дејан Проданоски, кој даде поддршка на процесот за унапредување на безбедноста на сообраќајот на патиштата во Пелагонискиот регион. Целта на средбата беше унапредување на меѓусебната координација, зајакнување на организациските капацитети и дефинирање на приоритетните активности за наредниот период во областа на безбедноста на сообраќајот на патиштата.

Фокусот на состанокот беше ставен на планирањето и синхронизацијата на идните активности помеѓу централното, регионалното и локалното ниво, со цел поефикасно и покоординирано спроведување на националните политики, програми и кампањи за зголемување на безбедноста на сообраќајот. Притоа, беше нагласена улогата на РСБСП како републичко едукативно и советодавно тело на Собранието, како и значењето на општинските ОСБСП како клучни локални советодавни тела задолжени за имплементација на мерките, едукативните и превентивните активности во рамки на единиците на локалната самоуправа.

Преку отворена и конструктивна дискусија беа разгледани актуелните предизвици со кои се соочуваат општинските совети, можностите за унапредување на меѓуинституционалната соработка, како и потребата од засилен теренски ангажман, континуирана едукација на граѓаните и воспоставување систематски и одржлив пристап кон превенцијата на сообраќајните незгоди.

На крајот од состанокот беше истакнато дека оваа средба претставува почеток на поширок и структуриран процес на организација, координација и унапредување на работењето на локалните општински совети, како и интензивирање на спроведувањето на кампањите и превентивните активности на локално ниво. Крајната цел е опфаќање на сите категории граѓани со едукација и превенција, во рамки на нивните локални самоуправи.

Овие активности се директен резултат и продолжение на заклучоците и декларациите усвоени и потпишани од градоначалниците и претставниците на локалната самоуправа на Првата национална конференција за безбедност на сообраќајот на патиштата во локалната самоуправа, која се одржа во декември 2025 година во Скопје.

По соопштението дека ФК Победа се откажува од настапите во Втората лига, а со тоа иднината на фудбалската легенда и расадник на таленти низ годините останува непозната, со соопштение излегоа и од општина Прилеп, од каде велат дека во ниту еден момент не престанале да преземаат активности за спас на клубот.

Соопштението од општината во целост во пренесуваме во продолжение:

Општина Прилеп со големо жалење ја прими веста за одлуката на раководството на ФК Победа за повлекување на сениорската екипа од натпреварувањето во Втората македонска фудбалска лига.

Победа мора да продолжи на здрави основи, со чиста сметка и транспарентно управување, бидејќи само така ќе го зачуваме достоинството на клубот и на нашиот град.

ВМРО-ДПМНЕ објави огласи за нови претседатели на општински комитити, претседателка на Унијата на жени, претседател на Унијата на ветерани и на Унијата на млади сили.

Информацијата вечерва ја објави новиот Генерален секретар на владеачката партија, Драган Ковачки, кој на социјалните мрежи порача:

-Почитувани членови на ВМРО-ДПМНЕ, согласното Одлуките на Извршниот Комитет, повелете Огласи за кандидирање на Претседатели на ОК, УЖ, УМС и УВ на ВМРО-ДПМНЕ. Истите се објавени денеска и на нашата веб страница каде ќе ги најдете и потребните обрасци за апликација.

Огласи

На Државното првенство У23 во борење, одржано на 08.02.2026 година во Штип, натпреварувачките на Борачкиот клуб „7 Мај“ од Прилеп остварија одлични резултати.

Прво место освоија:

Викторија Стојаноска – 53 кг
Ангела Трајкоска – 55 кг

Второ место освоија:

Марија Вељаноска – 50 кг Кристина Цветаноска – 55 кг
Деспина Богеска – 57 кг
Оливера Мицеска – 59 кг
Тамара Цветкоска – 68 кг

Со овие резултати, Борачкиот клуб „7 Мај“ беше првопласиран во екипен пласман на првенството У23. Натпреварувањата продолжуваат и оваа сабота со сениорското првенство, каде ги очекува тесна и возбудлива битка за првото место во женска конкуренција.

Во четврток, на денот посветен на Светите Три Ерарси, а воедно и патрон на еснафот на Прилепските бакали, во храмoт Св. Благовештение – Стара Црква во Прилеп, ќе се богослужи света архиерејска литургија, со која ќе чиноначалствува нашиот високопреосвештен Митрополит Петар, во сослужение на преосвештените Епископи Климент и Никола.

Нека е за многу години!

Прилепската фудбалска гордост – ФК Победа, предмалку објави дека поради блокирана сметка и крајно лоша финансиска состојба, клубот не е во можност да го продолжи натпреварувањето во Втората фудбалска лига.

Соопштението од клубот во целост го пренесуваме во продолжение:

Почитувани,

ФК ПОБЕДА!