14-годишно момче од Прилеп изгyбено во Германија: 4 дена ни трага ни глас од малиот Самуџел

На социјалните мрежи се шири информација за иcчезнато 14-годишно момче од Прилеп во Германија. Се работи за малиот Самуџел кој е роден на 16.08.2007.

Според информацијата детето веќе 4 дена се води за иcчезнато во германскиот град Трир, а последен пат бил виден на плажата.

Неговите роднини пишуваат дека слушалките кои ги носел Самуџел биле пронајдени на плажата, но не и неговото тело.

Во објавата стои и дека брачен пар во петокот околу 22:00 часот видел машко лице како лебди во водата и веднаш ја информирале итната помош, но и покрај тоа што итните служби дежурале не пронашле ништо.

Како што пишуваат локалните медиуми, спасувачките екипи од противпожарните бригади Бернкастел-Кус, Велен, Зелтинген-Рахтиг и Новианд, веднаш биле алармирани и заедно со полицијата од Бернкастел-Кус го барале телото. Во акцијата за пребарување биле користени и чамци од противпожарната бригада, полицијата од Трир, како и дронови.

Акцијата продолжила и викендов, но детето се уште не е пронајдено.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.