Три бода вредни планина: Македонија ја совлада Словенија со доминација каква досега сме немале

Maкедонија стигна до третата победа во квалификациите за Европското првенство, откако вечерва на арената “Тоше Проески” ја совлада Словенија со 2:1 (0:0 на полувремето).

Со двата погодоци на нашиот бисер Елиф Елмас во 50-та и 68-та минута, Македонија стигна до 3 бода вредни планина и се искачи на третото место од табелата.

Македонија ја контролираше играта потполно во сите 90 минути, а Словенија првите посериозни шанси за погодок ги имаше дури во последите 5 минути во натпреварот, по што следуваше и досудениот пенал во 95-та минута, кој го реализираше најдобриот поединец на Словенија, Јосип Иличиќ.

Наредниот натпревар за нашите репрезентативци е против Полска на гости во Варшава, кој ќе се одигра во недела со почеток од 20:45 часот.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.