Срѓан Милосављевиќ, поранешен претседател на Собранието на општина Звечан, утрово повтори дека барањата на Србите опфаќаат повлекување на специјалните полициски единици од општините на северот на Косово.
„Да не доаѓаат лажни градоначалници во општинските згради на северот на Косово, да бидат ослободени нашите неправедно уапсени граѓани Радош Петровиќ и Душан Обреновиќ, затоа што не се виновни што се живи. Имаме информации дека адвокатите се на терен и чекаме повратна информација дали ќе бидат ослободени“, изјави Милосављевиќ.
Со овации се развиори српското знаме долго 250 метри. Милосављевиќ ги повика граѓаните на мирен протест.