Сепак не бил промашен? Пробиен тунелот “Пресека”, ќе се игра ли чочек? (ФОТО+ВИДЕО)

Со мала свеченост во утробата на планината, но без плех музика вчера и официјално беше пробиен првиот од двата тунели под превојот Пресека со должина од 1.996 метри. Оваа тунелска цевка почна да се гради пред 54 месеци, а единствен изведувач на работите беше кинеската компанија „Синохидро“.

На свеченоста, во средината на тунелот беа поставени македонското и кинеското знаме и името на компанијата која го изведе овој зафат, по што беа направени и зеднички фотографии како спомен од овој момент и првиот тунел на „Синохидро“ на Европскиот континент.

На пробивањето на тунелот немаше присуство на лица од политичкиот и економскиот живот во земјава. Наскоро се очекува да биде пробиена и втората тунелска цевка која е нешто подолга од десната тунелска цевка и нејзината вкупна должина изнесува 2.011 метри. Свеченоста беше заокружена со дружба со мала закуска во кинеската населба во село Извор.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.