Владата ги предложи имињата на замениците министри кои од денеска влегуваат во собраниска процедура. Интересно е тоа што во листата нема ниту едно име кое доаѓа од Прилеп, иако Општина Прилеп е една од најголемите во Македонија. Претходно Прилеп не доби ниту министер, иако во во досегашните состави редовно имаше свој претставник во Владата.
За заменици-министри по одделни ресори се предлагаат:
– Башким Хасани, за заменик на министерот кој раководи со Министерството за одбрана;
– Назим Буши, за заменик на министерот кој раководи со Министерството за внатрешни работи;
– Агим Нухиу, за заменик на министерот кој раководи со Министерството за правда;
– Илхан Рахман, за заменик на министерот кој раководи со Министерството за политички систем и односи меѓу заедниците;
– Фатмире Исаки, за заменик на министерот кој раководи со Министерството за надворешни работи;
– Димитар Ковачевски, за заменик на министерот кој раководи со Министерството за финансии;
– Зоран Маневски, за заменик на министерот кој раководи со Министерството за економија;
– Трајан Димковски, за заменик на министерот кој раководи со Министерството за земјоделство, шумарство и водостопанство;
– Илир Хасани, за заменик на министерот кој раководи со Министерството за здравство;
– Арафат Шабани, за заменик на министерот кој раководи со Министерството за образование и наука;
– Енвер Хусејин, за заменик на министерот кој раководи со Министерството за труд и социјална политика;
– Зоран Димитровски, за заменик на министерот кој раководи со Министерството за локална самоуправа;
– Седат Сулејмани, за заменик на министерот кој раководи со Министерството за култура;
– Александар Бајдевски, за заменик на министерот кој раководи со Министерството за информатичко општество и администрација;
– Беким Реџепи, за заменик на министерот кој раководи со Министерството за транспорт и врски;
– Христина Оџаклиеска, за заменик на министерот кој раководи со Министерството за животна средина и просторно планирање.
Со предлог листата за заменици-министри се доставени и биографиите на кандидатите.
