Новиот шеф на дипломатијата на ЕУ: Ако Кина, Индија и Русија не го признаат Косово, тоа нема да биде држава

Именуваниот шеф на дипломатијата на ЕУ Жозеп Борел вели дека дијалогот помеѓу Белград и Приштина трае предолго, дека моменталната состојба не може да продолжи и дека мора да се постигне договор, нешто на што тој силно ќе се ангажира, а прво ќе ја посети Приштија, со оглед на тоа што Србија веќе добро ја познавал.

“Eдна работа е јасна: Косово и Србија мораат да постигнат договор. Тоа е важно. Ќе направам се’ што можам како би го исполнил овој приоритет”, вели Борел.

Борел пред надворешно политичкиот одбор на Европскиот парламент порачал дека дијалогот помеѓу Белград и Приштина мора да биде продолжен.

“Косово мора да ги повлечи таксите, а Србија да се ангажира потполно во длабок и искрен дијалог”, оценил Борел.

На прашањето дали кредибилитетот и интегритетот на неговата политика во дијалогот помеѓу Белград и Приштина ќе бидат доведени во прашање, со оглед на тоа дека Шпанија не ја признава независноста на Косово, Борел вели:

“Иако земјите членки се разликуваат по тоа прашање, тие се обединети во својот ангажман за решавање на проблемот”.

“Ако Кина, Индија и Русија не го признаат Косово, Косово нема да биде држава. Затоа мораме да работиме за разговорите да продолжат”, порача Борел.

Тој заклучил дека ЕУ не може да биде “геостратешка сила”, доколку прво не ги реши проблемите во нејзиното непосредно опкружување.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.