Заменикот на претседателот на Владата задолжен за економски прашања, координација со економски ресори и инвестиции, Фатмир Битиќи и генералниот менаџер на компанијата „ВИК (WIK) Македонија“, Вернер Шоеб, потпишаа договор за државна поддршка за вториот инвестициски проект на оваа компанија, која работи во технолошко-индустриската развојна зона „Прилеп“.
Изградбата на фабриката на групацијата “ВИК” заврши во 2018 година, а почетната инвестиција изнесуваше 6 милиони евра. Како трета странска инвестиција во ТИРЗ Прилеп, “ВИК” започна да се гради во 2017 година, а беше донесена од економскиот тим на претходната Влада предводена од ВМРО-ДПМНЕ.
“ВИК” беше последната инвестиција во оваа индустриска зона, а после нејзината изградба и отпочнување со работа, не е поставен нов камен темелник за нова инвестиција.
