Мафини со тиквички и пченкарно брашно

Многу вкусни мафини со тиквички, идеални за појадок или ужина.

Потребно е: 2 средни тиквички, 3 јајца, 50 г сирење, неколку парчиња шунка, 100 г кашкавал (ајдамер, гауда,…), 3-4 лажици меко брашно, 3-4 лажици пченкарно брашно, сол, бибер, италијанска мешавина на зачини, малку прашок за пециво.

Подготовка:

– Тиквичките излупете ги и изрендајте ги на крупно ренде. Посолете ги и оставете ги да пуштат течност.

– Во еден сад ставете ги издробеното сирење, ситно сецканата шунка, јајцата, ренданиот кашкавал, малку прашок за пециво, сол, бибер и мешавината на зачини. Убаво измешајте.

– Сега додадете ги двата вида брашно и повторно убаво измешајте. На крај додадете ги изренданите и исцедени тиквички и измешајте. Ако има потреба додадете уште малку брашно.

– Калапите за мафини премачкајте ги со малку путер и наполнете ги до пола со горната смеса.

– Ставете ги да се печат во загреана рерна на 180 целзиусови степени околу 50 минути. Некаде пред крај на печењето покријте ги со хартија за печење за да не се препечат.

– Оставете ги малку да се изладат и сервирајте ги.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.