Каратистките од Прилеп, сестрите близначки Маријана и Мишела Димоски заедно со Кириана Камческа, добија признанија за придонес и ширење на македонската култура и традиција во Австралија.
Признанијата за најпопуларните и најуспешни Македонци во Мелбурн ги додели единствената македонска телевизија во Австралија, “ИН ТВ”.
Прилепчанките до ова признание стигнаа благодарение на спортските успеси минатата година во Карате 1 Премиер лигите во Салцбург, Истанбул, Дубаи и шампионските титули на националното првенство на Австралија.