Претениците на ВМРО-ДПМНЕ го напуштија Собранието после гласањето на мнозинството за донесување на Предлог – законот за ратификација на Конечната спогодба за решавање на разликите опишани во резолуциите 817 (1993) и 845 (1993) на Советот за безбедност на Обединетите нации, за престанување на важноста на Привремената спогодба од 1995 година и за воспоставување на стратешко партнерство меѓу страните, по скратена постапка, кој како единствена точка беше на денешната седница.
Зад овој Закон се крие Договорот помеѓу Македонија и Грција за преименување на државата.
69 пратеници гласаа “ЗА”, а 40 беа против ваквото донесување на овој Закон.
На говорницата координаторот на пратеничката група од ВМРО-ДПМНЕ, Драган Данев рече дека по којзнае кој пат е злоупотребено европското знаменце и деловничката процедура од страна на претседателот на Собранието, Талат Џафери.
Данев нагласи и дека договорот со Грција е капитулантски за Македонија.
Пратеничката група на ВМРО-ДПМНЕ подоцна ја напушти работата на Собранието, а одлуката преку прес конференција ја соопшти пратеникот Антонио Милошоски.
