Овие европски избори за пратеници во Евро парламентот ги одбележа највисокиот процент на излезеност досега.
Излезеноста е над 50%, а во 2014 година беше 42,6%. За прв пат двете најголеми партии, Европската народна партија ЕПП и Социјал демократите не успеаа да се изборат за мнозинство во Парламентот и покрај тоа што освоија најмногу столчиња.
Огромен е растот на либералите и партиите на зелените. Тврдо десничарската партија на Мари Ле Пен во Франција го победи движењето на претседателот Макрон.
Партијата на каталонскиот сепаратист, Пуџдемон, кој е во егзил, исто така освои пратенички места.
Во Италија, тврдо десничарската партија на министерот за внатрешни работи Матео Салвини, освои најголем број од гласовите, додека во Велика Британија најголемиот број гласови, или 31%, ги однесе партијата која се залага за Брегзит на европратеникот Најџел Фараж.
