Претседателот на ОО СДСМ Прилеп и кандидат за пратеник, Миле Талевски, вчера пред Основниот cyд го повтори изборното ветувње на СДСМ и Зоран Заев од 2016 година за ветинг во cyдството и обвинителството.
На тоа реагираа од ОК ВМРО-ДПМНЕ Прилеп, од каде велат:
“Смешни и трагични се секојдневните прес конференции на Општинската организација на СДСМ и нивниот кандидат за пратеник, Миле Талевски, на кои деновиве ги повторуваат буквално истите ветувања кои ги даваа и пред 4 години.
Талевски денеска застана пред Основниот суд во Прилеп каде само во изминатите 2 месеци се поднесени 3 кривични пријави за директори од неговата партија, кои патем се осомничени за тежок криминал и злоупотреба на службената положба и овластување.
По примерот на неговиот ментор Зоран Заев, Талевски ветува ветинг на судството и проверка на имотната состојба на сите судии и обвинители. Ветува право и правда, а целата јавност беше сведок на “трас-трус” судството на Заев и како тој нарачувал пресуди и се пресметувал со своите неистомисленици.
Сите се виновни, само Заев е невин и најдобар! Ете така размислува и Талевски кој секојдневно повторува се’ што ќе му сервираат од централниот штаб.
Го прашуваме Талевски, дали ќе побара истото тоа судство и обвинителство пред кое стои, да ги забрза и истражи сите сомнежи за криминал и злоупотреби кои секојдневно ги презентираме пред јавноста?
Дали Талевски со неговиот настап за реформи во судството и обвинителството побара затвор за неговите кадри функционери и градоначалникот Илија Јованоски, кој во повеќе наврати е фатен во милионски сомнежи за сторен криминал?
Му порачуваме дека нивното време заврши. Дојдовте со лаги и со лаги ќе си заминете, а одговорност за се’ што правевте и правите со сигурност ќе има!
После 15-ти јули секој што се огрешил пред законот ќе одговара!”
