Иако сеуште ништо не е официјално, и покрај тоа што судбината на Пол Погба сеуште не е позната, се поизвесно е дека младиот Французин за астрономски 120 милиони евра, ќе го напушти Јувентус и ќе се пресели во Манчестер Јунајтед.
Јувентус не е познат како клуб кој фрла пари на скапи засилувања, но веќе се согласија да ја исплатат откупната клаузула за Гонзало Игуаин во висина од 94,7 милиони евра, а како што тврди Football Italia, Јуве е на чекор да го доведе во своите редови и Аксел Витсел, играчот на Зенит. Во написите на италијанските спортски медиуми се вели дека Јуве за него би платил 24 милиони евра.
Дека играчот на Зенит е на чекор да ја напушти Русија, вчера потврди и тренерот на клубот кој призна дека примиле три официјални понуди за него. Интер и Евертон се уште заинтересирани за белгиската ѕвезда, но сепак Витсел се одлучил да игра во Лигата на шампиони, па поради тоа го одбрал италијанскиот шампион.
Axel Witsel: Mediaset Premium say close to #Juventus , Sky Sport Italia close to #EFC https://t.co/x2EYcqaDJR #Zenit pic.twitter.com/QmKKhY8GTM
— footballitalia (@footballitalia) July 23, 2016
А.Г.