(Видео) Трамп упадна на свадба и наместо за младенците зборуваше за Џо Бајден

од страна на
markukule
-

Поранешниот американски претседател Доналд Трамп се појави непоканет на свадба во неговото одморалиште Мар-а-Лаго на Флорида, и додека наздравуваше со младенците, ја искористи можноста да ги коментира актуелниот претседател Џо Бајден, Кина и Иран.

Тој очигледно го искористи моментот за политички говор, зборувајќи за себе, за тоа дека изборите биле наместени.

На венчавката одржана за време на викендот, тој исто така се осврна на ситуацијата на границата со Мексико и постави уште неколку прашања во врска со претседателските избори во ноември, кои ги загуби, пренесува „Гардијан“.

„ Ги добивам сите овие шокантни извештаи и тие ми раскажуваат за границата, ми кажуваат за Кина, ми кажуваат за Иран“, рече Трамп на видеото објавено од забавната веб-страница ТМЗ.

– Дали веќе ви недостигам? – ги праша присутните Трамп, по што се слушнаа овации.



Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

ПОВРЗАНИ НАПИСИПОВЕЌЕ ОД АВТОРОТ