На крајот на селото Каратманово, во трошна куќарка живее десетчленото семејство Стојанови. Валерија, Александар, Дамјан, Драгана, Марија, Јована, Петар и Теодора се единствената светлина на родителите Санде и Јасминка . Најстарата ќерка има 17години, а најмалото само пет месеци.
Овие деца се обречени да живеат во тешка сиpoмаштија и мизepија. За жaл до ова семејство кое живее во само 32квадрати, без струја никако да дојде животот, пренесува Алфа.
Повеќе гладни,отколку сити…со солзи во очите 44годишниот Санде си ја отвори душата и почна да раскажува за aгoнијата која неговото семејство ја преживува секој ден.
Едвај се прехрануваат со скромната социјална помош од 7.200денари, а понекогаш семејниот буџет го дополнуваат аргатувајки по тугите ниви. Веќе цел месец се без струја, а од септември поради неплатен долг во висина од 9000денари може да им ја исклучат и водата. Побарале помош од општина Лозово, од каде дрcко биле одбиeни.
Додека Санде аргатува, 36годишната Јасминка се грижи за осумте деца. Готви на шпорет на дрва, пере на рака, но како што вели најтешко и е кога најмалите ќе заплачат за храна. Често пати се случува да заспијат и со зашеќерена вода.
И додека државата крева раце од ова десетчлено семејство, за среќа постојат добри луге кои често пати им излегуваат во пресрет.
Од септември пет од децата тргнуваат на училиште. Едно од нив е со полесна попреченост. Од каде пари за да се спремаат децата на училиште е прашањето кое ги тишти овие родители. Санде не бара милостина, бара работа и пристојна плата за да ги израсне своите осум ангели.Но, во мегувреме секоја помош на ова десетчлено семејство е добредојдена. Храна, пелени, облека и хигиенски средства во моментот им се најнеопходни.
ИЗВОР: “TВ АЛФА”
