Севернокорејскиот лидер Ким Џонг Ун го отвори новиот град Самџијон, монументално градилиште на границата на Северна Кореја, јавуваат денеска државните медиуми.
Градот е сместен недалеку од планината Паекта која според легендата се смета за колевка на корејската нација.
Пјонгјанг вложил огромна сума во проектот за обнова на градот, кој уште не е завршен. Самџијон е главниот град на округот на границата со Кина и според севернокорејската пропаганда е местото на раѓање на Ким Џонг Ил, таткото на Ким Џонг ун.
