Македонската ракометна репрезентација го доживеа својот натежок пораз на Светските првенства. Во дуелот со домаќинот Египет, нашите момци беа совладани со резултат 38:19.
Избраниците на селекторот Данило Брестовац во третото коло против Чиле ќе одлучуваат за пласман во наредната фаза на првенството.
После поразот од 19 гола разлика, Брестовац изјави:
“Имавме малку време да се подготвиме за овој Мундијал, физички не бевме подготвени за овие две утакмици, но сметам дека моите играчи и физички и психички ќе бидат подготвени за најважниот меч против Чиле. Одигравме две подготвителни утакмици со нив, верувам дека одново ќе ги победиме и ќе се пласираме во вториот круг. Во првите две кола игравме против две големи репрезентации, и би требало од тие две утакмици многу да научиме”.
Решавачкиот дуел против Чиле, Македонија го игра во понеделник со почеток од 15:30 часот.
