Битола закажа итна седница на Совет: Ќе се носи одлука за донација на средства за нacтpaданите подрачја од земjoтpecoт во Турција

На иницијатива на градоначалникот на општина Битола, Тони Коњановски и претседателката на Советот, Габриела Илиевска, во среда ќе се одржи вонредна седница на Советот, на која ќе биде донесена Одлука за обезбедување средства од буџетот на општината, како донација за семејствата на настраданите во Турција и Сирија.

Ова е само еден од начините, со кои општина Битола, се обидува да обезбеди поддршка за населението во овие земји кои се соочуваат со тешки материјални и човечки загуби, после катастрофалниот земјотрес. Пријателството помеѓу Битола и Турција, се негува многу години, како со збратимениот град Бурса, така и со други градови од оваа земја.

Во текот на денешниот ден, длабоко жалење и сочувство до семејствата на настраданите од земјотресот, изрази градоначалникот Коњановски, а тимот од Дирекцијата за заштита и спасување, подрачна единица Битола со 5 членови се вклучи во спасувачката мисија во подрачјата погодени од земјотресот.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.