Движењето “Млади за Македонија”, повика на протест на 23 јуни пред македонското Собрание за одбрана на името на државата.
“Ние студентите НЕМА да дозволиме промена на нашето име и идентитет и по секоја цена ќе го одбраниме нашето име Македонија и ќе останеме Македонци! Ни НЕ сме “граѓани на Северна Македонија”, ниту пак нашата татковина се вика северна провинција. Оваа битка за нас студентите е света битка како битката на последниот Мохиканец – ова е битка за опстанокот на нашиот Македонски народ! Или ќе победиме и ќе опстанеме, или ќе изумреме ние, со нашите неродени, внуви и правнуци.
Имаме сопствена држава еднаш на 1000 години и нема да дозволиме сега кога имаме сопствена држава сами да извршиме самоубиство и да прифатиме некаква промена на името. Немаме друга опција – или крај за нашиот Македонски народ или ќе останеме да постоиме како Македонци. Ве повикуваме сите вас да ни се придружите на нас студентите и да дадете се од себе во битката за одбрана на нашето име Македонија. Ова е битка на се или ништо! Ова е битка во која Мајка Македонија гледа и плаче и бара помош. Да знаеме Македонија е се што имаме! Над Македонија лебди еден душ – духот на Македон! Македонци од сите политички партии – од ВМРО, од СДСМ, од Левица, од сите политички партии обединете се под знамето на Македонија!!! Македонија е нашата татковина и нашето име е Македонија!!!”, стои во прогласот на движењето “Млади за Македонија”.