Со низа свечености, палење на бадниковите огнови, сервирање на посна вечера, со свечена литургија во Божјите храмови и со многу песни и веселби беше одбележано Христовото раѓање. Градоначалникот Ристески Божиќното славење го започна со посета на коледарските огнови во градот и околината. Прилепчани уште еднаш ја покажаа својата традиција за славење на Коледе со палање на големи огнови во своите маала и традиционална посна трпеза. Градоначалникот Ристески кој присуствуваше на големите огнови наздрави со присутните коледари им ги честита празниците посакувајки им многу здравје, среќа и успешна година.