По веста дека Катар го забранил пивото на два дена пред почетокот на Светското првенство, пристигнува информација дека ВИП гостите на ФИФА ќе можат да пијат алкохол во свечените ложи.
Се говореше дека Катар ќе направи компромис кога е во прашање алкохолот за време на Светското првенство, и навивачите ќе можеа да уживаат во пиво пред стадионите и во фан зоните.
Но на два дена пред почетокот на мундијалот пристигна информација дека нема да се точи пиво околу стадионите.
Сепак, алкохолот ќе биде забранет само за обичните навивачи, ВИП гостите на ФИФА и луѓето во свечените ложи ќе можат да пијат алкохол.
Одредени извори пренесуваат дека во ложите ќе се служи шампањ, виски и останати алкохолни пијалоци.
