ПУСТОШ! Најквалитетниот тутун во прилепско срамнет од силен град! Ќе преземе ли нешто владата? (ФОТО ГАЛЕРИЈА)

Силното невреме кое вчера попладнето го зафати југо-западниот дел од државата направи пустош во прилепско.

Фотографиите кои ги добивме од наш читател се од селото Сенокос општина Долнени, кое е оддалечено само 11 километри од Прилеп.

Невремето кое било проследено со обилен град и силен ветер целосно го уништи тутунот од погорните берби, кој за населението е највреден и достигнува највисока прва класа.

На тутунопроизводителите во ова населено место им е потреба помош, затоа што токму овие берби го носат повеќе од половина од годишниот приход, кој го заработуваат преку тутунопроизводство.

Дали министерот за земјоделство шумарство и водостопанство Љупчо Николовски ќе излезе на терен и ќе ги посети овие за него непознати краишта, останува да видиме.

Ако се има во предвид дека оваа година е една од најмачните за земјоделците во Македонија и е година во која сите производители крпат крај со крај, за тутунопроизводителите од овој крај нема многу надеж.

Погледнете што остави зад себе невремето:

А/Г/




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.