Истрели од огнено оружје предмалку ги вознемирија жителите на скопска Кисела Вода, дознава Пресс24.
Неофицијално, убиени се две лица при напад на менувачница, која е лоцирана на булеварот „Борис Трајковски”, кај Чешма во Кисела Вода.
Среде бел ден двајца напаѓачи се обиделе да ја ограбат менувачницата во Кисела Вода.
Лицето од менувачницата реагирало, а засега неофицијално двајцата напаѓачи се починати.
Улицата е затворена во моментов и на местото на настанот врие полиција и Брза помош.