Три фирми се закитија со лаври во атегоријата на мали и средни претпријатија на осмата овојпат скромна манифестација “Избор на бизнис на годината за 2016”, во огранизација на неделникот “Зенит”, a во соработка со Регионалната стопанска комора. Меѓу десетиците претставени микро, мали и средни претпријатија на страниците на Зенит за традиционалната манифестација, признанија добија фирмата “Виком Инженеринг” од областа на градежништвото, “Викели” од трговијата и издаваштвото и “Владо Компани” во доменот на прометот со бела техника.
“Прилепското стопанство покажува жилавост во сложението економски амбиент. Локалниот неделник “Зенит” постојано дава поддршка на стопанствениците. Ги куражи и бодри, им дава уште некоја капка кислород за кревање, не само на сопствениот развој, туку и на локалната економија. Затоа продолжуваме со рубриката Бизнис и организирање на манифестацијата во интерес на бизнис секторот”, велат од неделникот “Зенит”.
