Прилепчани ќе пијат за 30 % поскапа вода за пиење, стои во Решението за утврдување на тарифи за водни услуги донесено од Регулаторната комисија на Република Македонија за ЈКП Водовод и канализација Прилеп.
Според решението донесено на седница одржана на 24.11.2017, а објавено на 29.11.2017, за ЈКП Водовод и канализација Прилеп се утврдува просечна тарифа за водната услуга снабдување со вода за пиење или водоснабдување и тоа:
1.За 2018 година во изност од 33,51 ден./м3,
2.За 2019 година во износ од 34,24 ден./м3
3.За 2020 година во износ од 34,65/м3
Според нашите сознанија моменталната цена на водата за пиење во Прилеп изнесува 26 денари за метар кубен, што значи дека од почетокот на наредната година прилепчани ќе плаќаат за 30% поскапа вода.
Со ова целосно се демаскира ветувањето на сегашниот градоначалник Илија Јованоски и СДСМ во предизборието за 20% пониски сметки за вода за пиење.
Ова всушност беше едно од главните ветувања кое СДСМ и Јованоски им го пласираше на прилепчани и доби голема поддршка од нив.
Сепак, како и многу други помпезно најавувани проекти и ова ветување изгледа дека е само манипулирање и замајување на граѓаните.
Сите донесени решенија од Регулаторната комисија за секоја општина одделно можете да ги погледнете на следниот ЛИНК