Прилепчани продолжија и вечерва да маршираат “За заедничка Македонија”, за Македонија унитарна, за Македонија во која Македонците нема да станат народ од втор ред.
Граѓаните порачаа “73 дена чекориме за Македонија, ќе маршираме уште 10 пати по толку, Maкедонија мора да опстане и да остане единствена. Нема да дозволиме да се гази врз честа на Македонецот и да се поништува неговата посебност”.
Прилепчани и вечерва го поздравија претседателот на државата Ѓорѓе Иванов и неговата одлука да не го додели мандатот на Зоран Заев се додека не се обезбедат гаранции дека платформата од Тирана нема да биде услов за формирање Влада.
Прилеп е град на непокорот, град кој секогаш застанувал на браникот на одбрана на државата, така е и денес, во моменти кога се погазуваат уставот и законите на државата, се со цел да се исполни туѓо сценарио, кое ќе значи крај на Македонија каква што ја познаваме.
“Продолжуваме и утре и секој нареден, се додека не се исполнат нашите барања, а тоа се нови избори за ново изјаснување на граѓаните. Maкедонија е се’ што имаме и ќе ја браниме до крај”, е пораката на прилепчани.
