Шкотската лидерка бара од Лондон нов референдум за независност

Лидерката на Шкотската национална партија, Никола Старџен, порача дека владата на Велика Британија мора да и дозволи на Шкотска следната година да гласа за независност, затоа што Шкотска е соочена со излез од ЕУ против сопствена волја.

– Гласот за Шкотската национална партија е глас да се избегне Брегзит – истакна Старџен на почетокот од предизборната кампања.
Британскиот премиер Борис Џонсон, пак, вчера изјави дека нема шанси за референдум, затоа што на луѓето во 2014 година им било ветено дека станува збор за можност која се добива еднаш во животот.

Анкетите покажуваат дека поддршката за независност на Шкотска се зголемува, откако 55 отсто избирачи гласаа за нејзино останување во Обединетото Кралство на референдумот одржан пред пет години.


Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.