Урнебесно: Што се може да се купи со покачувањето од 36 денари на пензиите

(Фејсбук статус на Протоереј Љупче Петрески)

“НЕ Е СЕ’ ТАКА ЦРНО!
Драги пензионери, со новото покачувањето на пензиите од 36 денари, можете да се опуштите и да си дозволите доста различни производи, поединечно, се разбира. Ете на пример:

Литар млеко од КАМ маркетите со намалена масленост, а згора на тоа ќе ви вратат еден денар кусур; Еден леб и, повторно, добивате кусур; Билет за градски автобус во еден правец. Повторно ќе ви остане кусур, за весник на пример; Мастики Орбит, ако имате заби, се разбира; Килограм шеќер на акција! 100 грама кафе, од поефтиното или на кација; 675 грама црвени домати. Розевите се поскапи!; 600 грама краставици; 3,5 килограми лубеница и да го поканите и почестите поширокото семејство или комшилукот; Еден килограм пиперки и да направите пинџур за два дена, ама за домати ќе треба да се снајдете и т.н.

Нека ви е честито покачувањето на пензиите и со здравје да си ги трошите парите!
p.s. Повторно да напоменам: можете да купите само еден производ месечно од споменатите. Да не се залетате да ги купите сите па да се срамите на каса!”


Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.