По победите над Младост и Куманово во првите две кола и нерешениот резултат со Тиквеш, прилепчани доживеаја тежок пораз на гостувањето кај Охрид минатиот викенд, тим кој претендира во самиот врв.
Веќе утре (сабота, 03.10.) РК Прилеп ја пречекува Струга, екипа која досега забележа само еден триумф и дури три порази.
Ова е шанса избраниците на Наум Таневски да продолжат по зацртаниот пат, а тоа е цел плен од натпреварите против екипите од долниот дел на табелата. Без потценување за Струга, но амбициите на РК Прилеп во оваа сезона се јасни – борба за местата кои обезбедуваат плеј-оф на крајот од сезоната.
Натпреварот се игра со почеток од 19 часот, а локацијата е добро позната – школската сала во СОУ “Ристе Ристески-Ричко”.
Да го бодриме момците и да се радуваме заедно на уште една нова победа!