Мицкоски по прес конференцијата на Заев: “Јас не знам само како мирно спие овој човек”

Во однос на прес конференцијата на Зоран Заев имам многу да кажам, а сѐ се сведува на тоа дали живеете подобро, дали имате доволно пари, дали ви ги исполнија очекувањата?, вели претедателот на ВМРО-ДПМНЕ Христијан Мицкоски.

“Нема човек кој е задоволен освен тие кои се околу него и самиот тој…

Но, овој ден јас нема да го користам за преписки и конфликти и дополнително да ги вознемирувам граѓаните како Заев кој покажува отсутност и немање допир со реалноста. Работите се многу посериозни. Имаме црн понеделник, се заразуваат премногу луѓе, премногу и умираат, и јас не знам како само мирно спие овој човек и како се прави како ништо да не се случува и глуми нормалност. Денес сум во комуникација со повеќе именувани лица од Владата на Спасовски и со Претседателот Пендаровски, загрижен за развојот на настаните и излегувањето од контрола на пандемијата со вирусот. Мора да се демонстрира сериозност и да се носат одлуки кои ќе значат заштита на здравјето на граѓаните”, соопшти лидерот на ВМРО-ДПМНЕ Мицкоски.


Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.