Знаете ли за што служела старата кула кај железничката во Прилеп? Еве кој ја градел и од кога датира

Никако да се операционализира иницијативата кулата за вода за парните локомотиви да се претвори во музеј. Не помагаат петиции и писма до Министерството за култура да се заштити овој објект од поблиската историја и да се адаптира во музеј на железницата – пишуваа медиумите пред две години, а денеска состојбата не е променета.

Повеќе граѓани сметаат дека објектот не би требало да се остави да го јади забот на времето, туку да се реставрира и покрај него да се постави и старата парна локомотива. Ако се облагороди местото и стручно да се реконструира кулата, покриените делови долу може да бидат галерија со експонати и слики од историјата на железницата и фотографии за развојот на железничката инфраструктура во Прилеп, почнувајќи од теснолинејката и другата стара железничка станица кај Старо Корзо.

Кулата би можела да биде и панорамник или ресторан на високо, ако некој стопанственик сака највисокиот дел да го адаптира по модерни архитектонски решенија.

Кулата е градена од мајсторот со камен Трајан Колески од селото Марул. Служела за полнење вода на котлите на парните локомотиви. Функционирала до 1960 година, кога дошле локомотивите, кои влечеле вагони со мотор на течно гориво. Оттогаш е оставена и заборавена, дури е и изобличена.

Извор:Неделник Зенит


Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.