Во организација на В.К. “Крос Сајклинг” од Куманово, викендов се возеше првата трка во новата сезона во планински велосипедизам “ХЦО Куманово 24”.
Велосипедистите на В.К.& Сервис “ИЛИНДЕН” од Прилеп одново на ниво на задачата остварија “еден-два” победа.
Андреј Маџоски го освои првото место во јуниори, а Никола Ристески му правеше друштво на пиедесталот како второпласиран.
Ако по утрото денот се познава, тогаш ИЛИНДЕНЦИ одново ќе имаат успешна сезона. Да им посакаме среќа и голем број пиедестали сезонава.
