(Видео) Ѕвездата на социјалните мрежи: Хасбула-Мини Кабиб има 18 години

Ако во последните неколку денови барем една минута сте поминале на Инстаграм, ТикТок или Твитер, тогаш сигурно сте го виделе лицето на 18-годишниот блогер Хасбула Магомедов.

Хасбула или Мини Кабиб, како што уште го нарекуваат, на социјалните мрежи е активен од минатата година, но последните неколку недели стана хит, благодарение на ТикТок.

Неговата популарност моментално е толку голема, што Јутјуберот Логан Паул својата борба против Флојд Мејватер ја посветил токму на Хасбула.

Хасбула е роден со генетско пореметување (иако официјално не е потврдено, се смета дека станува збор за џуџест раст), поради кое му е запрено растењето на рана возраст. Има 18 години и тежи 16 килограми, а висок е околу 106 сантиметри. Доаѓа од рускиот град Махачкала, од каде што е и борецот Кабиб Нурмагомедов.

Хасбула поради видеата во кои го имитира славниот борец, добил прекар Мини Кабиб и стекнал популарност во ММА заедницата. Кабибовото УФЦ мерење го рекрирал со уште еден руски блогер со пореметување во растот, Абду Розик, и привлече внимание на социјалните мрежи.






Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.