Боксерскиот клуб “АC” од Прилеп поставува историски резултати за градот: По втор пат втори во боксерската младинска и сениорска лига

На 5.10.2019 во Штип се одржа 6-то и последно коло на боксерската младинска и сениорска лига на Македонија.

Организатор беше боксерскиот клуб “Пинк Пантер” од Штип и Боксерката Федерација на Македонија (БФМ).

Учество зеде и Боксерскиот клуб “АС” од Прилеп, под водство на тренерите Ѓорѓи Чатлески и Дарко Чатлески.

Пријавени боксери беа: Дамјан Талимче, Мартин Алексоски, Далибор Каранфилоски во кадетска конкуренција и Матеј Чатлески во категорија деца.

Од сите пријавени учество зедоа само Дамјан Талимче и Мартин Аексоски, другите двајца боксери немаа противници.

Мартин Алексоски ја загуби борбата, а Дамјан Талимче победи со технички нокаут во третата рунда.

Со ова последно шесто коло го добивме и епилогот во лигата, каде првото место им припадна на БК “Шкендија но лимит” од Тетово, на второ место е БК “АС” од Прилеп, а БК “Борец” од Велес го зазеде третото место.

Во овие 6 кола во лигата учествуваа и боксерите: Трајче Илиоски, Ерѓун Бајрамоски, Бојан Станојоски, Леонардо Ангелески и Димитар Ангелески.

“Покрај напорните тренинзи сите боксери добиваа и губеа борби, но сепак дојдовме до второто место. Боксот е еден од најтешките спортови, а нашиот клуб по втор пат го освојува второто место во младинската боксерска лига на Македонија. Би напоменал и дека овој резултат е за прв пат во историјата на нашиот град Прилеп”, истакна Дарко Чатлески.


Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.