Заменик претседателот на Владата и министер за транспорт, Александар Николоски, денеска оствари работна средба со Амбасадорката на САД, Н.Е. Ангела Агелер.

На средбата се разговараше за реформските процеси и стратешките приорити на Владата и Министерството за транспорт.

Министерот Николоски ја истакна огромната важност за навремена реализација на капитални проекти, со посебен акцент на регионалното поврзување и интеграција.

Тој изрази уверување дека предвидените проекти од владината програма ќе ги реализира заради забрзан економски раст и развој на инфраструктурата во државата.

На средбата министерот Николоски ја потенцира стратешката определба која е во насока на зајакнување на билатералната соработка меѓу двете земји. САД се наш најзначаен партнер и поддржувач.

На средбата се нагласи и поддршката на САД во делот на размена на искуства и знаење во областа на капитални инвестиции и инфраструктурни решенија.

Двајцата се согласија за зајакнување на билатералните односи и интензивирање на соработката.

Апартманот “Илин -Андреа” лоциран во центарот на Калитеа со прекрасен поглед и сите услови за одличен одмор ве очекува да резервирате.

Најубавата плажа на првиот крак од Егејското Море е примамлива за гостите од цела Европа.

Апартманот Илин-Андреа е лоциран во комплексот Tzogalis во Калитеа, во самиот центар, на втората улица од шеталиштето и на само 5 минути пешачење од преубавата градска плажа. Апартманот се состои мал ходник, спална соба со брачен кревет, дневна соба со кујна и уште една софа на пуштање на која што можат да спијат две возрасни лица, купатило и тераса. Има телевизор, клима ( вклучена во цената) и комплетно опремена кујна со прибор за готвење и јадење.

Побрзајте и резервирајте!

Контакт телефон: +38970309669

Советот на Општина Прилеп денеска ја одржа 44-тата седница каде што на дневен ред беше констатирањето за престанок на мандатот на членови во Советот на општина Прилеп, и верификацијата на мандатот на новите членови во Советот на Општина Прилеп како и избор на претседател на Советот на Општина Прилеп.

Со седницата, според протоколот, најпрво заседаваше најстариот член на Советот, Мирјана Крстеска, а потоа со мнозинство гласови за претседател на Советот на Општина Прилеп беше избрана според предлогот од новоформираната кандидациона комисија, советничката на ВМРО ДПМНЕ и коалицијата, Ирена Стерјоска Локвенец, која во иднина ќе биде новиот претседател на Советот на Општина Прилеп.

Ваквите промени доаѓаат по резултатите од одржаните парламентарни избори на 8 мај, по кои во новиот парламентарен состав од 4-тата изборна единица од Прилеп, влегоа двајца пратеници, претходни советници, Дејан Проданоски и Билјана Кузманоска од ВМРО ДПМНЕ. Со тоа местото на Кузманоска е заменето со Мирајна Конеска, а местото на Проданоски го зазеде како советник, Влатко Петкоски, од ВМРО ДПМНЕ, чии мандати беа верификувани на денешната седница.

На дневен ред на Седницата на Советот на Општина Прилеп пред советниците беа усвоени и предлог-одлуката за дополнувања на Буџетот на Општина Прилеп за 2024 година, програма за измена и дополнување на програматa за јавно осветлување за 2024 година, програмата за заштита на животната средина и природата за 2024 година и предлог – одлуката за определување на максимален износ за доделување на поединечна субвенција/надомест на дел од трошоци на граѓани на подрачјето на Општина Прилеп за купување на велосипеди за 2024 година.

Инаку Мирјана Крстеска е дипломирана медицинска сестра и е вработена во прилепската болница “Борка Талески”, а Влатко Петкоски е вработен како портпарол на општина Прилеп.

На 27.06.2024 во 17.15 часот полициски службеници од ОВР Прилеп го лишија од слобода А.Р. (36) од прилепско село, постапувајќи по претходна пријава од малолетничка од прилепско село, која во присуство на социјален работник и нејзината мајка пријави дека во временскиот период од 2021 година до вчера нејзиниот татко А.Р. неколку пати извршил обљуба врз неа и нејзината сестра.

Известен е јавен обвинител и се преземаат мерки за расчистување на случајот – информираат од МВР.

Неодамна преку нашата Фејсбук фан страна спроведовме анкета, преку која ги прашавме граѓаните, кој треба да биде иден Претседател на Советот на општина Прилеп, со оглед на тоа дека досегашниот Дејан Проданоски беше избран за пратеник во Собранието.

Најчестиот одговор на граѓаните беше Ирена Стерјовска, советничка која веќе втор мандат е водечко лице на ВМРО-ДПМНЕ во Советот на општина Прилеп.

И токму така се случи. На денешната 44. седница на Советот, мнозинството гласаше токму Стерјовска да седне на претседателското столче, и да работи заедно со градоначалникот Јовчески, за реализација на голем број предвидени проекти.

Стерјовска беше Заменик градоначалник на општината, а нејзината блискост со народот, ораторски способности и способност за менаџирање, веројатно беа пресудни за граѓаните, кои бараа токму таа да го преземе претседателското столче и да раководи со донесувањето на одлуките клучни за развој на градот.

Довербата што и ја довери Јовчески за да го заменува во случај на неможност за извршување на функцијата, уште дотолку беше пресудна и уверува дека заеднички ќе можат да донесат одлуки кои ќе треба да го променат ликот на Прилеп.

Граѓаните веруваат дека двоецот Јовчески-Стерјоска ќе биде одличен линк со новата Влада во Скопје, особено ако се знае дека голем број проекти бараат финансиска поддршка од централната власт.

На 27.06.2024 во 05.17 часот во СВР Битола било пријавено дека на патот Прилеп-Битола, пред надвозник за с.Долно Српци, патничко возило „мерцедес“ со битолски регистарски ознаки, управувано од Г.М.(60) од Битола, излетало од коловозот.

Во несреќата со тешки телесни повреди се здобила сопатничката А.Б.М.(55) од Битола, констатирани во Клиничката болница Битола.

Извршен бил увид од увидна екипа на СВР Битола – информираат од МВР.

Maркукуле прв дознава кога ќе се одржи овогодинешното 21. издание на фестивалот на скарата и пивото во Прилеп, “Prilep Beer Weekend 2024”.

Фестивалот секоја година се одржуваше во средината на јули, веднаш по Петровденските пости, но од минатата година форматот е променет. Наместо “Пиво Фест”, фестивалот сега носи име Prilep Beer Weekend, а оваа година ќе се одржи од 9 до 11 август.

Засега нема информации околу програмата и кои познати ѕвезди ќе настапат на фестивалската сцена во Прилеп.

На самиот влез во Прилеп од страната за Скопје, во непосредна близина на бензиската пумпа “Макпетрол”, се наоѓа најмераклиското место во градот под Марковите Кули.

Во само два месеци од своето отварање, ресторанот “Beer ti & ja” стана главна дестинација за сите прилепски боеми и вљубеници во добра храна и амбиент.

А зошто е тоа така?! Епа газдите на овој ресторан решија на своите сограѓани и сите гости во Прилеп, да им понудат нешто посебно, нешто направено со многу љубов, со многу труд, квалитетна услуга каква ретко каде има, и секако одлична и првокласна храна.

Многумина им рекле: “Абе вие со вака убаво месо и специјалитети нема многу да спечалите. Ќе се отепате од работа, а ќарот ќе ви биде мал”. За среќа не секој верува во квантитет, има и такви кои веруваат во квалитет и задоволни муштерии, а таа проценка на газда Бале Кочоски и тоа како му се исплати. Гостите доаѓаат, добиваат гостење за мерак, си заминуваат задоволни и повторно се враќаат назад. Тоа е вистински еснфалук кој заслужува секаква пофалба.

Ресторанот располага со простор за 40-50 гости и одлично место за раат дружба со вашите најблиски, семејство, пријатели. Внатре се’ е ново и модерно, убави маси, столици, со еден збор грее.

Го имаат едно од најбогатите менија за умот да ви зајде. Разно-разни предјадења и вкусна прилепска скара, специјалитети од месо, богата винска карта и богат избор на пијалоци. Секоја им чест како успеваат се’ да приготват навреме, се’ да им биде пресно во секое време и секако сето тоа убаво да изгледа во тајнир.

А за малку ќе заборавевме да спомнеме дека тука ја има и највкусната чорба во градот. Дека и тоа е така, епа ќе мора да навратите до пладне и да видите и самите колку само “чорбаџии” се собрани тука и на колку маси по прилепски кажано “тропа лајца”.

За пофалба е и тоа што веднаш од спротива на ресторанот има широк паркинг простор, па не мора да се грижите каде ќе го оставите вашиот автомобил и дали истиот ќе пречи некому.

За крај само и тоа дека цените се прифатливи за сечиј џеб, а тоа ќе го забележите во мени понудата на ресторанот.

Затоа не чекајте, право “Beer ti & ja” и поминете прекрасно време со вашето семејство, или вашите најблиски.

НА ЗДРАВЈЕ!

Во продолжение уживајте во оваа фотогалерија, каде се прикажани само дел од сите вкусни специјалитети:

Брони Џејмс, синот на Леброн Џејмс, и официјално е нов кошаркар на Лос Анџелес Лејкерс.

Она што се шпекулираше во последните денови, на вториот дел од НБА драфтот беше потврдено – Брони Џејмс, како 55-ти пик беше избран од клубот каде што настапува неговиот татко. Историјата е испишана, затоа што за првпат ќе видиме татко и син во ист НБА тим во исто време.

Како што рече Боб Мајерс, поранешен генерален директор на Голден Стејт Вориорс, Рич Пол, агентот на Леброн и Брони Џејмс, им се заканувал на тимовите дека Брони ќе игра во Австралија доколку го избере друг тим освен Лос Анџелес Лејкерс.

Никој не го зеде Брони, кој пред овој драфт беше рангиран како 72. потенцијал во оваа класа, а потсетуваме дека има 60 пикови на НБА драфтот.

Максим Димитриевски, градоначалник на Куманово и лидер на на Движење ЗНАМ – За наша Македонија беше гостин во емисијата Дејли клик на ТВ 21.

Запрашан зошто останал градоначалник, а не прифатил министерско место, особено министер за одбрана, Димитриевски одговори:

„Мислам дека јавноста ги меша, особено новинарската фела, тие работи во тоа дека јас сум претендирал на тоа министерство. Тоа е всушност, некој заклучил дека своевремено ја водев Комисијата за одбрана и безбедност во 2016 година во парламентот, па го врзал со минситерското место. Факт е дека ја уважувам и почитувам армијата и полицијата до максимум. Но, во овој случај јас како кандидат се борев за првата функција во државата, тоа е претседател на државата. Иако добив огромна поддршка од граѓаните како кандидат на една нова политичка партија, сепак актуелната претседателка Силјановска има огромен легитимитет, бидејќи убедливо победи на овие избори и јас ја почитувам одлуката на граѓаните со тие освоени 86 илјади гласови. Аплицирав или излегов да се борам за тоа место. Моето место е, барем морално и етички да си ја завршам својата обврска пред кумановчани до крај на мандатот. Што се однесува до власта никогаш не сум се борел во политиката од аспект на желба за добивање на позиција, туку за добивање на можност да се покаже резултат. Јас добив доверба од кумановчани, во целост ќе ја оправдам таа доверба со реализација на ветеното пред две ипол години. Има уште една и пол година од мандатот. А потоа ќе видиме какви ќе бидат трендовите“.

Што ќе добие ЗНАМ како дел од извршната власт покрај министерските места и потпреседател на Собранието и претседател на комисијата за
одбрана и безбедност?

Да го прокоментирам еве можеби и прв пат изборниот резултат. Јас освоив три ипол пати повеќе гласови или добив поддршка од три ипол пати повеќе гаѓани во однос на претходните локални избори и тоа е мојот максимален резултат. Претходно околу 26 илјади гласа, сега нешто околу 86 илјади гласа и сум благодарен на секој гласач кој ја дал својата поддршка на мене, а сум благодарен и на оние гласачи што излегле да гласаат. Ќе се обидам во иднина да се стекнам и со нивната доверба. Што се однесува до новата политичка партија ЗНАМ, којашто освои повеќе од 12, па дури и 14 пати гласови отколку што имаше членови.Значи ЗНАМ тргна од нула и имаше околу 56 илјади гласа, партија којашто можеби има три четири месеци искуство партиско, со неформирани општински организации на територија на цела држава и тој резултат за нас како за старт е одличен. Одличен старт. Ќе продолжиме во континуитет првично транспарентно, потоа конструктивно, чесно и достоинствено да работиме во интерес на граѓаните, да ги штитиме интересите, не само на нашите граѓани и гласачи, туку првенствено интересите на Македонија и да се движиме на политичкиот пат во понатамошнито развој“.

Во однос на влезот во владата Димитриевски нагласи дека првенствено се разговарало за изнаоѓање на решение на политичките разлики во дел на
идеолошките определби. Тој рече дека упатиле свои барања и усогласиле протокол за влада со ВМРО ДПМНЕ со основните принципи коишто ги најавиле во делот на предизборниот период.

„Никакво учество на ДУИ во власта, до негова целосна реформа, внатреша реформа како политички субјект. Дополнително гласање на уставните
измени и амандаманите и нивна одложена применливост по полноправно членство на Македонија во Европската унија и борба против криминалот и
корупцијата. Дополнително рамномерен и одржлив еконосмки раст и развој и самоодржливост на Македонија. И тоа го гледаме веќе на првиот проект кој беше најавен, во делот на ветропаркот којшто јас лично, а и ЗНАМ, како партија го поддржуваме иако не е наша домашна инвестиција“.

Запрашан што доколку не се успее да се промени преговарачката рамка и како тоа ќе се одрази на уставните измени, Димитриевски рече:

„Други беа околностите до пред овие избори. Други се околностите денеска. Ако забележите и односот на меѓународната заедница е делумно
променет кон актуелната власт. Зошто, затоа што за прв пат вие во долг временски период имате еден историски момент, каде што на маса во иста влада, метафорично кажано од многу ваши колеги, ви седат потомци на комити и потомци на партизани. Што значи првенствено Македонците се многу пообединети. Кога се Македонците обединети во очите на меѓународниот фактор, нештата се случуваат поинаку. Веќе вие немате
огромен простор, како во минатото, некој да ви врши континуиран притисок и од внатре, а и од надвор. Се знае како се врши притисокот од
внатре, преку останатите политички репрезенти, а од надвор директно со една дипломатска кампања. И јас тоа го чувствувам првенствено како лидер на политичка партија којашто е нова, а дополнтелно и како градоначалник на најголемата општина во државата.

Сметам дека ние треба да останеме на нашите ставови коишто беа и во предизборниот период и да продолжиме да работиме да си ги средиме
нештата во сопствената куќа. А евроинтегративниот пат да продолжи во континуитет, со создавање на нови пријателства појаки врски во
меѓународниот фактор, бидејќи на крајот на денот, како што реков, иако ова прашање ќе се решава на релација Скопје-Софија, сепак ќе се решава под посредништво на нашите партнери надвор. Мислам на Македонија не само што и требаат олеснувачи, ние имавме мнгу олеснувачи во многу процеси кадешто многу неславно завршивме како држава и прифативме многу меѓународни договори на наша штета, на нас ни треба квалитетен тим на луѓе коишто ќе ги застапуваат нашите национални и државни интереси на таа маса кадешто истите тие национални и државни интереси претходно взаемно ќе бидт усогласени од страна на владеачкото мнозинство. Затоа многупати велам и барам разбирање од нашите сограѓани Албанци, бидејќи се работи за суштинска измена на уставот која задира во македонското национално ткиво“.

Димитриевски нагласи дека Македонија во моментов покрај членството во ЕУ има неколку национални приоритети.

„И тука сме усогласени ние во владата. Првиот приоритет е да направиме услови да се создаде систем, систем на вредности. Државата да стане
функционална за сите граѓани, а не само за оние во власта. Системот на врски да се искорени. Допполнително да се создаде ниво на
самоодржливост на Македонија. Да се произведе доволно енергија од сопствени ресурси, доволно храна, да се намали увозот на храната, да не
создаваме дефицит по таа основа. Вистинската земја да им се даде за обработка на вистинските земјоделци, да не осатане кај големопоседниците, а вистинскиот земјоделец од година во година ќе преживува и не може да опстане. И на крајот на денот сето тоа да се
систематизира за да се создаде таа самоодржлива држава. Паралелно да имаме владеење на право, во суштинска смисла на зоборот правна држава,
закон и правда еднакво за сите. Да нема основ за самоамнестија или политичка амнестија, како што имаше до сега“.

Тој додаде дека можеби една од основните причини да го побараат ресорот за правда е токму тоа, измените на Кривичниот закон, бидејќи сакаат
директно како политички субјект да дадат придонес во делот на функционалноста на правната држава,како и усогласување на одредени
законодавни решенија.

„Дополнително, измена на ваквите селективни наменски закони коишто се во функција на политичката елита, којашто беше до 2016 година и на оваа којашто веќе се замина. За жал истите коишто ќе одговараат од претходната власт за злоупотреби по член 353 од казнениот закон, по
прв, втор, трет или четврти став, не е битно, значи ќе одговараат со тие минимални предвидени казни. Ние дури предвидуваме, тука и
удвостручување на казните по веќе постечкиот стар закон. Ние ќе предложиме час поскоро во прва фаза да се врати стариот, а доколку е
можно и овој постоечкиот којшто е во процедура во Минустерството за правда да биде отворен пред јавноста, да го даде јавноста своето
мислење и да го внесеме во собраниска процедура“.

Димитриевски нагласи дека со појавувањето на ЗНАМ на политичката сцена, иако со само шест пратеници, граѓаните испратиле јасна порака дека
црно сивиот свет сакаат да го обојат и со поинакви бои.

„Ние сме тука, рече тој, ние сме тие коишто ќе бидеме стожерот на граѓаните и ќе им гарантираме дека никогаш повеќе во државата нема да
се случуваат такви исти работи“.