Утре се одбележува Отсекувањето на главата на Св. Јован Крстител.

Во времето кога Јован проповедаше во Палестина, во Галилеја владееше Ирод Антипа, еден од синовите на оној Ирод што насекаде се прослави со својот расипан карактер. Овој наследи некои особини од татко му, па ја избрка својата законита жена и живееше незаконито со Иродијада, жената на својот се уште жив брат Филип. Јован отворено и пред целиот народ го прекоруваше и го разобличуваше за тоа, па Ирод го затвори.

Во една прилика Ирод приреди гозба во својот дворец. Ќерката на Иродијада, Саломија, го восхити Ирода со својата страствената игра на гозбата, така што овој замаен од пиењето и вети се што ќе посака. Саломија, поучена од мајка и, која не можеше да му го прости јавното разобличување на Јована, ја побара главата на пророкот. Ирод нареди и Јован беше обезглавен. Иродијада продолжи да се изживува над мртвата Јованова глава и го избоде неговиот јазик со игли.

Подоцна еден дворски слуга чесно ја закопа главата на свети Јован Крстител. Наскоро злосторниците ги снајде заслужената казна. Првин кнезот Арета, таткото на законитата Иродова жена, подигна војска и го порази Ирода, а подоцна цезарот Калигула го протера во Галија, па во Шпани¬ја, каде Ирод и Иродијада ги завршија своите неславни животи во беда и понижување. Саломија, пак, ја снајде лоша смрт во реката Сикорис.

Одбележувањето на овој празник влече корени од минатото. Денот се поминува во строг пост и воздржување од лоши мисли и дела. Особено е распространето верувањето дека на тој ден не се јаде ниту пие нешто што е црвено, бидејќи потсетува на пролиената крв на Јован. Треба да се води сметка децата да не јадат домати, праски, јаболки и било што друго во црвена боја, бидејќи со тоа ќе го налутите овој светец и ќе предизвикате гнев.

Во некои краеви се пости, а некои луѓе дури и не јадат ништо до вечерта. Не се работат тешки работи, а се верува и дека овој ден е добар за берење лековити билки.

Јавниот преглед на информациите од Избирачкиот список за Локалните избори 2025 завршува утре на полноќ, а два дена подоцна, на 13 септември на полноќ, завршува крајниот рок за доставување на листите со кандидати за градоначалници и за советници.

Изборната кампања за локалните избори, планирани за 19 октомври, ќе започне на 29 септември. Гласањето ќе се одвива во 80 општини и во Градот Скопје, на 3480 избирачки места.

Граѓаните имаат можност да го извршат јавниот увид денес до 20 часот во подрачните одделенија и канцеларии на ДИК, додека утре, на 11 септември, кој е последен ден од рокот, службите на Комисијата ќе работат до полноќ.

Барањата за внесување, дополнување или отстранување на податоците во изводите на Избирачкиот список, кој е достапен за јавен увид, граѓаните ги доставуваат писмено до подрачното одделение на ДИК или до месната канцеларија во местото на живеење, или преку електронска пошта до ДИК.

Исто така, граѓаните можат да го сторат тоа преку електронската адреса за поднесување барања за запишување, дополнување или бришење на информации во Избирачкиот список: [email protected]. “Со барањето се приложуваат и потребните докази, а обрасците можат да се пронајдат и на веб страната на ДИК (sec.mk).” Увид во Избирачкиот список им се овозможува и на затворениците.

“Барањето за запишување, дополнување или бришење на податоците во посебните изводи од Избирачкиот список за време на јавниот увид, лицата во притвор или во затвор го поднесуваат преку органот надлежен за извршување на санкциите до ДИК, од 23 август до 11 септември.”

ДИК е обврзана да донесе решение за барањата и пријавите на граѓаните во рок од 24 часа од моментот на приемот на барањето. “Против решението со кое се одбива барањето, граѓанинот во рок од 24 часа од приемот на решението може да поднесе тужба до Управниот суд по електронски пат.”

“По тужба, Управниот суд решава во рок од 24 часа и одлуката веднаш му ја доставува на тужителот по електронски пат.” “Правосилното решение на Управниот суд донесено по тужбата за запишување, промена и бришење е составен дел на потпишаниот Избирачки список од страна на ДИК.”

ДИК го заверува финализираниот Избирачки список, односно изводите од Избирачкиот список кои се користат за гласање, најдоцна до 3 октомври. “Барањето за доставување на Избирачкиот список политичките партии го доставуваат до ДИК по електронски пат, најдоцна на 11 септември.”

ДИК, во рок од три дена (најдоцна до 14 септември) од денот на завршување на јавниот увид, го доставува избирачкиот список до политичките партии кои поднеле барање до денот на завршување на јавниот увид. “Политичките партии во рок од пет дена од денот на приемот на избирачкиот список до ДИК (најдоцна на 19 септември) доставуваат барање за запишување, дополнување или бришење на податоци.”

ДИК одлучува за поднесеното барање со решение во рок од 3 дена од денот на приемот на барањето, согласно Правилникот за методологија за целосен пристап, вршење промени и бришење на податоци во Избирачкиот список. “Против решението на ДИК, политичката партија може да се поднесе тужба до Управниот суд во рок од 24 часа од приемот на решението.” “Управниот суд е должен да одлучи во рок од 24 часа од денот на приемот на тужбата.”

Министерството за внатрешни работи, во рок од еден ден од завршувањето на јавниот увид на 12 септември, доставува листа на државјани кои поднеле барање за издавање нова лична карта или патна исправа по било кој основ од денот на распишување на изборите до денот на завршување на јавниот увид и листа на лица кои ќе наполнат 18 години до денот на изборите. ДИК ги внесува податоците за овие лица во избирачкиот список по службена должност.

Надлежниот орган за извршување на санкциите, најдоцна 30 дена пред денот определен за избори, доставува податоци до ДИК за лицата кои се во притвор или кои се на издржување казна затвор, врз основа на евиденцијата што ја води тој орган. Податоците се доставуваат на магнетен медиум и задолжително го содржат единствениот матичен број на граѓанинот (ЕМБГ).

Министерството за труд и социјална политика, демографија и млади, најдоцна 30 дена пред денот определен за избори (најдоцна на 18 септември), врз основа на сопствената евиденција и врз основа на доставените податоци од одговорните лица во установите за вонсемејно згрижување, до ДИК доставуваат податоци за лицата кои се пријавиле за гласање во установите за вонсемејно згрижување.

Основните судови до ДИК доставуваат податоци за лицата на кои со правосилна судска одлука им е целосно или делумно одземена деловната способност, при што судот утврдил дека лицето нема способност да изрази правно релевантна волја на избори, како и податоци за лицата на кои им е изречена мерка притвор (најдоцна до 18 септември).

Избирачкиот список во кој се извршени сите промени кои произлегле од јавниот увид, ДИК го заклучува најдоцна 15 дена по завршениот јавен увид, односно најдоцна на 26 септември. ДИК го потпишува заклучениот Избирачки список, односно изводите од Избирачкиот список на кои се гласа, најдоцна 15 дена пред денот на одржувањето на изборите, односно најдоцна на 3 октомври.

Татко и син, уловија капиталец на акумулацијата Стрежево кај Битола, од водите на езерото извадоа сом тежош 35кг.

Од фотографиите кои ги објавија на ФБ страната на “Стрежево”, се гледа дека рибата е огромна, поголема од малиот рибар.

Уловот се случил на 8. Септември – Денот на независноста на Македонија, а од ЈП “Стрежево”, со овие фотографии честитки за среќен празник.

Битолската публика, која во огромен број го исполни стадионот „Петар Милошевски“, со несебичната поддршка за нашите фудбалери беше
дванаесетти играч на натпреварот помеѓу Македонија и Италија.

Енергијата на трибините, спортскиот дух и гласната поддршка уште еднаш ја потврдија препознатливата битолска спортска традиција и љубов кон
спортот. Со своето присуство и навивање, битолчани оставија посебен печат на овој настан и создадоа атмосфера за паметење.

Ова уште еднаш покажа колку Битола е желна за спорт и колку навистина заслужува редовно да биде домаќин на меѓународни натпревари од највисок ранг.

Ако не се расчисти најновиот случај со прислушкување и со следење на политички противници, што го правела АНБ во изминатите години, Македонија ќе продолжи и во иднина да се соочува со вакви злоупотреби, истакна потпретседателот на ВМРО-ДПМНЕ, Александар Николоски, во гостувањето во емисијата „Заспиј ако можеш”, кој сподели загрижувачки информации за инсталации на безбедносните служби во сите сфери на општественото живеење.

„Имаме работа со инсталации кои се во јавниот живот, на универзитетите, во медиумите, во бизнисот, во најмалку една политичка партија и кога ќе го видите целиот овој контекст, се сфаќа колку е голема и тешка битката пред нас“, рече Николоски.

Според потпретседателот на партијата, АНБ наместо да работи на сузбивање на тероризам, што е нивна основна работна задача, тие се занимавале со следење на актуелниот премиер, неговото семејство и функционери од актуелната Влада, а сега кога се фатени на дело, се обидуваат целиот тој криминален процес да го претворат во ријалити шоу и воајеризам.

„Целта им е наместо да се зборува дали премиерот, вицепремиерот биле следени или прислушкувани, дали за нив се правеле лажни белешки до партнерски служби, или не, ние ќе зборуваме дали во тие документи има приватни разговори, кавги и сл. Сакаат од целиот процес да направат естрада. Тогаш јавноста нема да зборува дека е рушена демократијата, туку ќе зборува за приватните животи на функционерите“, истакна Николоски кој ги повика обвинителството и судството да реагираат, да ги разгледаат сите материјали, со цел да докажат дека се надвор од овој процес пред јавноста.

Николоски потсети и дека додека службите во Македонија го ределе со етикети како антизападен, како потпретседател на Парламентарното Собрание на Совет на Европа и како член на Комитетот за мониторинг, бил дел од работна група која што испитувала злоупотреба на службите во неколку европски држави.

-СВР Битола поднесе кривична пријава против И.А.(37) од Прилеп поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“. На 03.09.2025 на магистралниот пат Битола-Прилеп, полициски службеници извршиле преглед на патничко возило „фолксваген голф“, управувано од пријавениот, при што биле пронајдени и одземени 32,5 килограми марихуана, која требал да ја транспортира до границата со Република Грција – информираат од МВР.

На 5 септември 2025 година, под организациската палка на ⋮IWConnect, на игралиштата во Паркот Могила на непобедените, 13 тимови се натпреваруваа во 6 различни спортски и креативни игри.

Водител на програмата беше Михајло Миленковски, актер при театарот „Војдан Чернодрински”, кој со свojата харизма ги водеше децата низ настанот. Со многу енергија, смеа и тимски дух, децата покажаа дека спортот и заедништвото се вистинска магија.

Организаторите упатуваат благодарност за анимацијата на најмалите до градинката ЕДУ “ШАМПИОНИ”, кои со својата енергија на настанот му дадоа една поинаква магија.

На крајот беа прогласени тројца шампиони – тимовите кои најмногу се истакнаа во спортскиот дух, тимската работа и креативноста.

-Упатуваме огромна благодарност до Општина Прилеп што ни го овозможи просторот и ја поддржа оваа детска идеја. Исто така им се заблагодаруваме на нашите партнери Алкалоид, Витаминка, Прилепска Пиварница, како и на Маркукуле портал за медиумската поддршка, Dance Studio New Generation и сите други пријатели кои ни беа со рака под рака. Секое дете си замина со насмевка, медал и спомени што ќе ги носи долго. Ова беше само почеток – со нетрпение ги очекуваме следните заеднички моменти – стои во соопштението од IWConnect.

Во продолжение погледнете како се забавуваа најмалите на детската Олимпијада во Прилеп:

Соопштение на ОК ВМРО-ДПМНЕ Крушево, како одговор на ФБ објава на градоначалникот, Томе Христоски:

-Изјавата на градоначалникот Томe е класичен пример за политичка самобендисаност и обид за манипулација со јавноста. Наместо да одговори на реалните проблеми со кои секојдневно се соочуваат жителите на Крушево и нереализираните ветувањам тој се крие зад флоскули за „дела и проекти“ кои постојат само во неговата имагинација.

Затоа, Крушево заслужува нова енергија, чесен и работлив човек кој ќе го врати духот на еснафското Крушево и ќе работи искрено во интерес на сите граѓани. Тоа е Нико Чонески, човекот кој ќе биде следниот градоначалник и кој заедно со своите сограѓани ќе го врати сјајот на нашиот град.

Горивата од ноќеска на полноќ поскапуваат за еден денар по литар, одлучи денеска Регулаторната комисија за енергетика, водни услуги и услуги за управување со комунален отпад (РКЕ). Со одлуката се врши зголемување на малопродажните цени на нафтените деривати во просек за 0,46 отсто во споредба со претходната одлука.

Новата малопродажна цена на ЕУРОСУПЕР БС – 95 ќе изнесува 76 денари за литар, ЕУРОСУПЕР БС – 98 ќе се продава за 78, ЕУРОДИЗЕЛ БС (Д-Е V) за 69,5, а Екстра лесното масло за горење (ЕЛ-1) за 69 денари за литар. Со одлуката на РКЕ за 1,245 денари за килограм се намалува малопродажната цена на Мазутот М-1 НС и ќе изнесува 37,148 денари.

Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 2,869 отсто, кај дизелот за 2,557 и кај екстра лесното масло за 3,327 отсто додека кај мазутот има намалувањето за 4,292 отсто. Курсот на денарот во однос на доларот по кој беа формирани цените со претходната пресметка е понизок за 0,2938 отсто.

26.09.2025/петок/, почеток од 20.00ч, голема сала ЦК “Марко Цепенков” Прилеп

Битолскиот Камерен Оркестар IWConnect ќе настапи со самостоен концерт во Центарот за култура „Марко Цепенков“ и тоа со најпопуларниот проект до денес – MTV The Greatest Hits 80s & 90s.

Публиката во големата сала ќе има ретка можност да ужива во незаборавните хитови од златната доба на музиката, во нови аранжмани, со врвни вокали и бенд, придружени од моќниот звук на оркестарот.!

Влезниците, по цена од 400 денари, за концертот се веќе во продажба.

Ќе се продаваат секој работен ден на билетарницата од Центарот од 10 до 12.00 часот.