Во културна средина често фокусирана околу главниот град, Интернационалниот филмски фестивал „Винтер Априкост“ во Прилеп, претставува редок и значаен пример за тоа како уметноста може да создаде нови гравитациски точки во внатрешноста на државата. Основан со јасна визија – да му ја врати на Прилеп и неговата публика навиката на активно културно живеење – Фестивалот денес е препознаен како најпосветениот македонски концептуален простор на краткиот филм, и меѓу ретките што успеваат да изградат препознатлив интернационален идентитет. Од своите почетоци, Winter Apricots го застапува ставот дека краткиот филм не е „мал филм“, туку комплетна кинематографска форма со авторски интегритет. Со отворање кон сите жанрови и естетики, Фестивалот станува место каде што авторите ја користат кондензираната форма за да создадат силни и прецизно артикулирани визуелни идеи.

Во годините зад себе, Фестивалот селектирал филмови од пет континенти, создавајќи програма што ја следи современата краткометражна продукција и нејзините нови јазични и тематски насоки. Со тоа, Winter Apricots ја исполнува својата примарна мисија за поддршка на авторското размислување, да промовира нови перспективи и да создаде сцена што ја поттикнува сензибилноста на младата филмска публика.

Фестивалот е организиран во три натпреварувачки целини – Интернационална, Балканска и Македонска селекција – со јасно дефинирани критериуми за уметничка и техничка извонредност. Наградите за најдобар филм, концепт, кинематографија, звук како и наградата на публиката во македонската селекција, создаваат рамка во која кандидатите добиваат професионална видливост и влез на пошироки европски и светски фестивали.

Вградувајќи ги постојано меѓународните стандарди во локалниот контекст, Winter Apricots создава од/во Прилеп регионална точка на современа култура, нешто што во македонскиот културен простор е вистинскареткост. Така, Кајсиите имаат суштинско значење за културниот развој на Прилеп, град кој долги години немаше континуирани уметнички платформи со меѓународен досег.

Една од највпечатливите вредности на Winter Apricots е неговата скромна, интимна, но исклучително внимателна организација. Овој модел — неагресивен, ненаметлив, но со длабока уметничка посветеност — е препознатлив и во селекцијата на филмовите, и во комуникацијата со публиката, и во неговиот визуелен идентитет. Фестивалот, растејќи веќе 10 години, никогаш не го напушти она што го прави посебен: искрената верба дека културата може да се гради од љубов, од упорност и од заедништво. Во време кога сликите се конзумираат пребрзо, а вниманието се дроби, овој фестивал нуди простор за фокус, за размислување и за уметничка прецизност. Неговото постоење во Прилеп покажува дека уметноста е одржлива, потребна и длабоко трансформативна — без разлика каде се случува.

Јубилејното 10-то издание, кое ќе се одржи во кино „Мис Стон“ и во просториите на НУЦК „Марко Цепенков“, од 10 до 13 ти декември, потврдува дека Winter Apricots одамна ја надмина улогата на класичен филмски фестивал. Најавената програма опфаќа: фотографски изложби, промоции на книги и трибини, концерти и музички перформанси, програма на танцови филмови што традиционално го отвора фестивалот (во соработка со Augenblick колективот), како и специфични хибридни формати на уметничка соработка. Вака организиран, фестивалот функционира како интердисциплинарен културен мост, создавајќи средина каде што филмот, литературата, музиката и визуелната уметност не се паралелни патеки, туку точки на пресек.

Овогодишното интернационало жири го сочинуваат тројца истакнати професионалци чија работа опфаќа значајни достигнувања во полето на филмот и визуелните уметности. Мартина Аригони, филмска режисерка, сценаристка и уметница од Милано, се истакнува со својата комбинирана практика во режија, монтажа, фотографија и критичко пишување, со учество на реномирани европски фестивали и развој на филмски проекти поддржани од водечки институции. Јелена Иванчевиќ, сценографка и дизајнерка на сет, делува во рамките на филмската и театарската продукција во Црна Гора и Србија, со значаен опус во независната и ангажираната уметност, како и учество на престижни архитектонски и сценографски платформи, вклучително и Венециското биенале. Георги М. Унковски, автор со интернационално признание и силно присуство на македонската филмска сцена, чиј најнов долгометражен филм „Диџеј Ахмед“ е наградуван на фестивали ширум светот.

Ова издание на фестивалот за првпат се отвора со изложба – внимателно избрана колекција на аналогни фотографии од Јордан Звездоски. Преку интимни визури од руралната околина на Прилеп, авторот ги претвора секојдневните сцени во визуелни фрагменти исполнети со меморија, балансирајќи помеѓу минатото и современиот ритам

Литературната компонента е застапена преку промоции на книги и трибини, вклучувајќи ја книгата „Годините“ на нобеловката Ани Ерно, во присуство на издавачката Катерина Шекутковска (Илика) и преведувачката Андријана Папиќ Манчева, „Калиграфи на филмското писмо“ од Влатко Галевски, како и трибината „Синелитера“, посветена на пресекот меѓу филмот и литературата и на нивниот дијалог во современиот културен контекст.

Филмската програма, поделена на Македонска, Балканска и Интернационална селекција, прикажува краткометражни дела кои ја истражуваат современата визуелна естетика, наративната концентрација и темите на современиот свет. Селектираните дела се одбрани од 760 пријавени филмови од 77 држави. Танцовите филмови традиционално го отвораат фестивалот, додавајќи динамика и експериментален визуелен израз.

Музичката програма вклучува настап на Мухамед Ибрахими, мултиинструменталист кој ја спојува ориенталната музика, балканскиот фолклор и современите стилови, создавајќи храбра и неочекувана атмосфера, како и футуристичкиот аудиовизуелен проект ИСКРА, кој преку синт-звуци и интригантни анимации ја потопува публиката во хипнотизирачки свет на футуристичко Скопје.

Со ова, 10-то издание на Winter Apricots ја потврдува својата улога како интегриран културен настан, кој ја спојува кинематографијата, музиката, литературата, танцот и визуелната уметност, создавајќи мултисензорен дијалог и збогатувајќи го културниот живот на Прилеп и на Македонија.

*напишано од тимот на Winter Apricots

ПРОГРАМА НА WINTER APRICOTS 2025

СРЕДА 10, СЦЕНА 105, НУЦК „МАРКО ЦЕПЕНКОВ“

18:30 – 19:30
„НЕУРБАНИЗИРАНИ АРТЕФАКТИ“, ИЗЛОЖБА НА ФОТОГРАФИИ ОД ЈОРДАН ЗВЕЗДОСКИ

20:00 – 21:30
„ГОДИНИТЕ“ ОД АНИ ЕРНО, ПРОМОЦИЈА НА КНИГА

ЧЕТВРТОК 11, КИНО МИС СТОН

19:00 – 20:00
„STORIES WE DANCE“, ПРОЕКЦИЈА НА ТАНЦОВИ ФИЛМОВИ

21:00 – 22:30
КОНЦЕРТ НА МУХАМЕД ИБРАХИМИ, ОТВОРАЊЕ НА ФЕСТИВАЛОТ
ПЕТОК 12, КИНО МИС СТОН

18:00 – 20:00
БАЛКАНСКА СЕЛЕКЦИЈА, НАТПРЕВАРУВАЧКА ПРОГРАМА

20:30 – 22:30
ИНТЕРНАЦИОНАЛНА СЕЛЕКЦИЈА I, НАТПРЕВАРУВАЧКА ПРОГРАМА

САБОТА 13, КИНО МИС СТОН

12:00 – 15:00

„КАЛИГРАФИ НА ФИЛМСКОТО ПИСМО“ ОД ВЛАТКО ГАЛЕВСКИ, ПРОМОЦИЈА НА КНИГА И ТРИБИНА

18:00 – 19:30
НАЦИОНАЛНА СЕЛЕКЦИЈА, НАТПРЕВАРУВАЧКА ПРОГРАМА

20:00 – 22:00
ИНТЕРНАЦИОНАЛНА СЕЛЕКЦИЈА II, НАТПРЕВАРУВАЧКА ПРОГРАМА

22:30 – 00:00
КОНЦЕРТ НА ИСКРА, ЗАТВОРАЊЕ НА ФЕСТИВАЛОТ

Прилепските борачки од “7. мај”, повторно ја претставија Македонија во најдобро светло, oвојпат на силниот Меѓународен турнир „Победник 2025“ во Белград!

Со огромна волја, дисциплина и борбен дух, девојките успеаја да стигнат до високи пласмани во конкуренција со најдобрите млади борачки од регионот. На овој турнир, кој важи за еден од најреномираните во својата категорија, нашите претставнички покажаа зрелост, техника и карактер, достоинствени за вистински шампионки.

Остварени резултати:

Анастасија Карапејовска – У14 / 50 кг — 3-то место
Младата Анастасија уште еднаш докажа дека иднината е пред неа. Борбена до последна секунда, со огромна желба за успех.

Јована Мидовска – У15 / 62 кг — 1-во место
Доминирачка изведба! Јована ја освои целата категорија со убедливи победи и испиша златни страници за клубот.

Викторија Стојаноска – У17 / 54 кг — 2-ро место
Со стабилни настапи и голема техничка прецизност, Викторија сосема заслужено стигна до сребро.

Ангела Трајкоска – У17 / 57 кг — 1-во место
Ангела уште еднаш го потврди статусот на една од најперспективните натпреварувачки — беспрекорни борби и заслужено злато.

Тамара Цветкоска – У17 / 62 кг — 1-во место
Тамара со одлична тактика, смиреност и одлучност ја освои својата категорија и гордо се качи на врвот.

Марија Велјаноска – У23 / 50 кг — 3-то место
Искусната Марија одигра цврсти борби и ја потврди својата константност со нова медаља.

-Сите овие успеси не се случајни — тие се резултат на напорна работа, пожртвуваност и посветеност. Нашите девојки беа предводени од тренерот Душко Стојаноски, кој со своето искуство и професионализам стои зад нивниот континуиран напредок – велат од прилепскиот боречки клуб “7-ми Мај”.

Честитки за девојките, за луѓето во клубот кои пожртвувано работат со нив и желби за уште поголеми успеси!

Македонија денес го чествува св. Климент Охридски, најистакнатиот ученик на солунските браќа св. Кирил и Методиј и учесник во извршувањето на познатата Моравска мисија.

Според календарот на МПЦ (Јулијанскиот календар) денеска е 25 ноември.

Денеска е Св. Климент Охридски – Чудотворец.

Свети Климент се роди во Рим, а потекнуваше од царски род. Во младоста отпатува на Исток, каде што се запозна со верата во Христос. Учители му беа самите апостоли.

По враќањето во Рим беше избран за епископ во престолниот град. Подоцна, во времето на императорот Трајан, свети Климент беше протеран во Херсон, каде беше осуден на смрт и фрлен в море со камен околу вратот. Пострада за Христа во 101 година. Своевремено, неговите мошти ги пронајдоа светите браќа Кирил и Методиј и ги пренесоа во Рим.

Свети Климент Охридски го носеше своето име по углед на овој голем Христов светилник.

Свети Климент Охридски, родоначалник на словенската литература и црковно беседништво, прв оригинален словенски и македонски поет, говорник, преведувач, заштитник на Охрид бил назначен за прв словенски епископ на Балканот.

Овој ден е прогласен за Ден на свети Климент Охридски, патронен празник на Македонската православна црква. Во негова чест, во Република Македонија се доделува секоја година наградата „Св. Климент Охридски“ со која се оддава највисоко признание за долгогодишни остварувања во областа на воспитанието, образованието, културата, уметноста, здравството, спортот и заштитата и унапредувањето на човековата околина и во социјалната дејност.

Свети Климент е основач на познатата Охридска книжевна школа која е наречена уште и прв словенски универзитет, каде што се образувале над 3 500 ученици. Паралелно со црковната и со педагошката дејност се занимавал и со книжевна и преведувачка дејност. Нему му се припишува авторството на опширните житија на св. Кирил и Методиј познати како Панонски легенди, најзначајниот извор за проучувањето на животот и делото на солунските браќа.

Во “ФОТО ДАНО” и оваа година царува вистинска снежна бајка, која посебно ќе ги израдува најмалите. За фотографиите и квалитетот на услугата да не правиме збор – “ФОТО ДАНО” со години се меѓу најдобрите и знаат само за задоволни муштерии.

И оваа година ФОТО ДАНО ви нуди фотографирање со Дедо Мраз без закажување на термин, и тоа: секој работен ден од 12:00 до 20:00часот, а во саботите од 10:00 до 15:00часот.

Сите фотографии ги добивате електронски, а три фотографии по ваш избор во хартиена форма со димензии 13×18.

Цената одговара за сечиј џеб и чини само 400 денари. Започнуваат од 15.12.

Ќе ги најдете на улица “11-Октомври” – во новата зграда “Табана”. Вашиот семеен албум дополнете го со прекрасни новогодишни фотографии изработени од професионалци.

-На 06.12.2025 на ул. „Кеј 19 Септември” во Прилеп, полициски службеници од СВР Битола го лишија од слобода Г.В.(52) од Прилеп. При вршење на сообраќајна контрола, полициските службеници сопреле патничко возило „ланд ровер” со прилепски регистарски ознаки, при што било констатирано дека тој го управувал возилото под дејство на алкохол, односно измерени биле 1,59 промили алкохол во крвта – информираат од МВР.

Ученици од СОЕПТУ “Кузман Јосифоски-Питу” Прилеп, заедно со нивните ментори, направија прекрасен краткометражен документарен филм за нашиот талентиран сограѓанин, а нивни поранешен ученик, Филип Николоски, момчето со ангелски глас и секогаш ведра насмевка.

Ако претходно беше познат за сите во Прилеп, со неговиот најнов хит „Само на добро нека е“, кој го изведе и на јубилејниот концерт на групата “Меморија”, Филип стана популарен во цела Македонија, а неговата песна постојано се врти на радио станиците.

Филмот во продолжение кој е насловен како “Нотите на животот”, беше објавен на 3. декември – Меѓународниот ден на лицата со попреченост, а во неговата реализација учествуваа: специјалниот едукатор Гордана Стојкоска (идеја и сценарио), учениците Петар Јошески и Душко Илиески (камера, монтажа и режија), како и професорките Цеца Видова Трајческа и Весна Миланоска.

Погледнете во продолжение и споделете:

Заматена е водата за пиење во Кавадарци поради обилните дождови, информираaт од јавното претпријатие „Комуналец“ од Кавадарци. Апелираат до граѓаните водата да се преврива пред употреба.

– Поради обилните дождови на изворите Лукар, известуваме дека водата во градскиот водовод е заматена и пред консумирање потребно е да се преврива. Во корелација со Центарот за јавно здравје Кавадарци, состојбата се следи и дополнително ќе известиме кога ќе се нормализира состојбата со водата, велат од „Комуналец”.

Над 20 години традиција и успешно постоење – “НИКИ КОМЕРЦ” е прилепски бренд што нема кој не го знае и барем еднаш не го посетил. Веќе погодувате тоа е популарниот дуќан за алкохолни и безалкохолни пијалоци – попларното кај народот “Кај Зеро”.

Сопственици се браќата Коста и Никола Зероски, еснафи прилепчани, трговци кои на своите сограѓани од 27.08.2003 па до денеска, секогаш им ја нудат најдобрата понуда на пијалоци и по најниски цени во градот.

Првата асоцијација кога ќе се спомне “НИКИ КОМЕРЦ” кај Зеровци, е секојдневни акциски цени, огромен избор на пиво, алкохолни и безалкохолни пијалоци, но и избор на луксузни жестоки пијалоци совршени за подароци, внимание, почит…кои единствено можат да се најдат таму.

Популарниот дуќан, сега порасна во голем ДИСКОНТ. “НИКИ КОМЕРЦ” отсега на истата локација се простира на 200 метри квадратни. Еден одличен амбиент за пазарување, широк простор и уште поголем избор. Со еден збор, НЕМА ШТО НЕМА!

Традицијата продолжува, приказната за прилепскиот бренд продолжува да расте, а вие, вие повелете посетете ги и уверете се!

Заедно да им го честитаме новиот успех на браќата Зероски, кои остануваат трговци за респект!

Следете ги редовно на социјалните мрежи: ФЕЈСБУК и ИНСТАГРАМ и редовно и навремено информирајте се за сите акциски цени и понуди.

ВМРО-ДПМНЕ го одржа редовниот 18-ти конгрес на кој беа потврдени досегашните успешни политики, под водство на претседателот Христијан Мицкоски, кои го трасираат патот на раст и развој на државата во успешна, модерна и просперитетна Македонија, велат во партиското соопштение од владејачката партија.

Како носител на државноста, ВМРО-ДПМНЕ на партискиот конгрес отвори ново поглавје на политичкото делување, донесе важен документ, Стратегија 2025-2030 пропратено со нова парадигма, идеолошки кодекс на партијата и договор со граѓаните.

Тоа е визија за стабилна, продуктивна, правична и европски позиционирана држава, со економија што расте на знаење и труд, со институции што опстојуваат над политичките циклуси, со самосвесен национален идентитет, со зелен и технолошки развој, и со општество што верува во заедничката иднина.

Со усвојувањето на Стратегијата, ВМРО-ДПМНЕ создаде нешто што е повеќе од политички документи, тоа национален патоказ и рамка што ќе ја стабилизира државата, ќе ја европеизира без да ја разредува, ќе ја зајакне без да ја изолира, што ќе ја направи конкурентна без да ја изгуби својата духовна и историска вертикала.

Ова платформа не е обичен документ, туку национален договор што треба да го дефинира животот на државата и развојот на партијата во следната деценија. Тоа е рамката што ја става Македонија во европската иднина без да ја загуби својата историска вертикала, патоказ што гарантира стабилни институции, модерна економија, почитувана дипломатија и самосвесна држава.

Стратегијата овозможува да се чува и негува историското наследство на македонската државност создадена низ долг и тежок процес, затоа што Македонија може да биде европска само ако е стабилна во својата самосвест и сигурна во сопствениот идентитет.

Визијата за современа Македонија почива на јасни принципи, држава што го чува својот идентитет, што ја брани својата суверена позиција и ја гради својата европска перспектива врз основа на партнерства, реформи и достоинствено претставување.

Македонија на идните генерации значи развиена и силна економија, каде домашните компании ќе станат мотор на растот, индустрии базирани на знаење, напредни ИКТ технологии, вештачка интелигенција, дигитализација и автоматизација, предвидлива фискална политика.

Токму во оваа рамка се содржани надежта, реализмот и одговорноста што мора да ја водат политиката во следната декада, тоа е визија која треба да ја гради државата за генерацијата која доаѓа.

Македонија може и мора да биде силна, конкурентна и стабилна држава. Тоа бара работа, постојаност и политичко лидерство што не се води од дневни импулси, туку од стратешка мисла.

ВМРО-ДПМНЕ не пишува програма, ВМРО-ДПМНЕ создава договор со иднината, се вели во соопштението на партијата.