Во петок 18.12.2015 од 18 часот во ликовниот салон на ЦК ,,Марко Цепенков,, ќе биде отворена изложбата ,,Уметниците во чест на Св. Никола,,. Станува збор за традиционалната изложба што се реализира по повод патрониот празник на Прилеп, Св. Никола,.

22 уметници од цела Македонија и НУ Завод и Музеј – Прилеп се претставуваат со дел од своето богато творештво посветено на Свети Николај Чудотворец, архиепископ Мирликиски и на други светители.
Пред љубителите на ликовната уметност ќе биде презентирано автентичното творештво на иницијаторот на манифестацијата Драги Хаџи Николов од Гевгелија, на нашите сограѓани Благоја Атанасоски, Марта Макеска, Драган Верговски Алпи, Биљана Бинчев, Александар Џинго, Методиј Исков, Џулијано Лауцовски Верговски, Наде Тоскоска, Михајло Ристески, Верче Николоска и Марија Ѓорѓиоска, на Павле Кузмановски од Тетово, Валентина Илијевска од Куманово, Ангелина Попоска, Новица Трајковски и Стојмир Стојанов од Скопје, Оливера Макриевска, Златко Лечковски и Соња Лечковска, Славица Михаилова од Битола и охриѓанецот Ванчо Димоски.
Изложбата годинава се реализира во соработка со општина Прилеп и домаќинот Тутунски комбинат А.Д. – Прилеп.

Сопствениците на паметни телефони би требало добро да размислат пред да го стават мобилниот уред во својот џеб, предупреди германското здружение на потрошувачи.

Причина за ваквото предупредување е тоа што литиум-јонските батерии што ги користат поголемиот број смартфони, се чувствителни на топлина и секоја темпертаура повисока од 35 степени Целзиусови, зналително го скратува нивниот век на траење.

Смартфоните всушност се ладат со помош на циркулација на воздухот, потсетува здружението.

Истата препорака важи и за лап топите, кои можат да се прегреат во недостиг на свеж воздух, па затоа не е паметно кога работиме на нив да ги држиме в скут.

Здружението препорачува дека сите уреди со литиум-јонски батерии треба да се чуваат што подалеку од радијаторите и од другите извори на топлина.

Дека Владимир Путин е најмоќен лидер на светот веќе одамна на сите им е добро познато.

Начинот на кој „брише под“ со конкуренцијата, ја освојува планетата и ја докажува моќта на Русија, токму во моментот кога светот ќе се посомнева. Но, Големиот Владимир не само што е харизматичен и моќен, очигледно е и бесмртен!

Неговиот малдешки изглед не е случаен. Сите болести кои досега му ги „дијагностицираа“ воопшто не допреа до него.

Изминативе денови на Интернет кружат фотографии според кои излегува дека или Владимир Путин е постар од 100 години, или она што е поверојатно, станува збор за негови двојници…

Необичната сличност меѓу Путин и двајцата мажи во униформа покренаа бројни теории.

Путин секако не е обичен човек. Ниту кога јава коќ, игра хокеј, демонстрира џудо или „спушта политичари на земја“. А каде се границите на неговата необичност, останува секој слободно да процени.

Во Маврово утрово се измерени – 4 степени, во Крушево – 3, – два во Ѓуриште, Лазарополе, Тополчани, Берово, -1 степен во Пожаране, информира Управата за хидрометеоролошки работи (УХМР).

Еден степен е измерено во Крива Паланка, Претор, Штип, два во Скопје, Тетово, Битола, Охрид, три во Прилеп, Виница, Струмица, 4 Кавадарци, Демир Капија, пет степени во Дојран и 6 Гевгелија.

Преку ноќта, информира УХМР, беше претежно облачно со ниска облачност и магла по одделни котлини.

Утринава е умерено до значително облачно со слаб до умерен северен ветер.

Европската унија подготовува нов закон со кој во цела Европа би можело да биде забрането користење на социјалните мрежи од страна на лица помлади од 16 години.

Со Предлог-закон се предвидува минималната возрасна граница за користење на социјалните мрежи, како Фејсбук, Снапчат и Инстаграм, но и на електронска пошта да се зголеми од досегашните 13 на 16 години, пишува „Хафингтон Пост“.

Ако предлогот биде усвоен, илјадници европски тинејџери за секое пристапување до социјалните мрежи, симнување апликациим па дури и користење на одделни веб пребарувачи, ќе треба да добијат дозвола од своите родители.

Ваквиот закон би можел да предизвика многу главоболи и за надлежните во Фејсбук, Инстаграм, Твитер, Снапчат и Гугл, затоа што голем број од нивните корисниците се токму младите, кои само што навлегле во тинејџерските години.

– Подигнување на минималната возраст за користење на социјалните мрежи само ќе ги наведи младите да лажат за нивната возраст. Децата постари од 13 години веќе се навикнати да се служат со интернет на одреден начин, а поради ваквата ненадејна промена на правилата само ќе почнат да лажат, наместо да ги прашаат родителите за дозвола, предупредуваат противниците на законот.

Реакциите на младите на социјалните мрежи, очекувано, се уште полоши.

– Ова се еден куп глупости: Тоа нема да ги заштити тинејџерите, туку ќе ги замолчи, не е во ред, се само некои од коментарите.

Непознат хуманитарец го платил кредитот од 500 илјади рубљи што претходно го подигнало семејство од Калининград за лечење на тешко болно осумгодишно дете.

Пред две години лекарите му поставиле дијагноза рак на крвта на осумгодишниот Елисеј Уланд. Родителите на момчето подигнале кредит од 460 илјади рубљи за да платат за трансплантација на коскена срж во Германија.

По година и половина, момчето починало, а ова семејство немало пари за исплата на месечните рати од кредитот и за лекување на мајката на детето која во меѓувреме тешко се разболела.

Во моментот кога се појавила статија во весникот „Страна Калининиград“ за тешката положба во која се нашло семејството на момчето, долгот спрема банката изнесувал 500 илјади рубљи. Во редакцијата на весникот по неколку дена дошла помошничка на еден човек која сакал да го плати кредитот и да остане анонимен.

-Бескрајно сме му благодарни, тоа е шанса да се стабилизира нашиот живот! Тешко ми е да ги искажам емоциите што ги чувствувам преку зборови, вели таткото Рудолф Уланд.

Тој истакна дека многумина се јавувале и пишувале, нуделе помош, а едно семејство понудило дури и кученце од расата „Шпиц“ што починатото дете сакало да го има откако ќе оздрави.

Неговото семејство засега не е во можност да го прими овој подарок, затоа што мајката сѐ уште се чувствува лошо, но штом нејзината здравствена состојба се стабилизира, ќе го земе кученцето за да можат родители барем на тој начин да му ја исполнат желбата на починатото дете, пренесува порталот „Правмир.ру.

Група ученици од СОУ „Ѓорче Петров“ заедно со своите родители и професори, денеска ја посетија општина Прилеп и оставрија средба со градоначалникот Марјан Ристески. Целта на нивната денешна посета е проектот кој се вика “Тhrough practice to better skills” или во превод „Низ пракса до подобри вештини“ финансиран од „Националната агенција за европски образовни програми и мобилност“ .

Учениците денеска пред градоначалникот Ристески ги презентираа своите искуства, знаења и праксата добиени во Романија, а воедно ги споделија и инпресиите од домакините и од стекнатите познанства.

Викендов во Охрид се одржа натпревар во боречката вештина бразилска џиу-џица, во организација на клубот БЏЏ Рутс-Охрид, во соработка со Македонската федерација за бразилска џиу-џица, на чело со Претседателот Ивица Алексовски. На турнирот учествуваа клубови од Скопје, Охрид, Куманово, Битола и Прилеп. Натпреварите се одржуваа во две дисциплини, со кимоно и без кимоно, во машка и женска конкурeнција. Клубот БЏЏ Рутс Прилеп, под водство на инструкторот Катерина Атанасоска имаше одличен настап и учествуваше со 8 натпреварувачи.

Вкупно се освоени 8 медали, од кои: 2 златни за Христијан Граороски, 1 сребрен медал за Стефан Сталески и 5 бронзени медали, за Стефан Сталески, Христијан Тасески, Душан Јаничиевиќ, Мартин Николов и Лела Јурукова, во женска конкуренција.

За пофалба е настапот на нашиот нај искусен натпреварувач кој имаше 6 борби, 3 во кимоно и 3 без кимоно при што издвојува 6 победи. Освои две први места и два златни медали. Без медал останаа Наумче Трајкоси и Игор Велески, кои имаа по две борби, но не успееја да обезбедат место во првите тројца. Натпреварот беше одлично организиран, помина во најдобар ред и пред се беше едно убаво искуство и спортско дружење за сите учесници. На крајот на турнирот Претседателот Ивица Алексовски одржа семинар за Бразилска Џиу Џица.

Загрижувачки резултати покажа минатомесечната анкета на нашиот портал за условите во текстилните конфекции во Прилеп. Апелираме ваквите состојби во конфекциските погони да се искоренат и да се почитуваат работничките права согласно законот за работни односи во Р. Македонија.

Им стоиме на распллаганее на сите оние што имаат лошо искуство и сакаат да го споделат со јавноста да соберат храброст и да и пишат на нашата редакција.

Во наредниот период се осврнуваме на младите и нивните потреби.  Нашите редовни читатели и посетители на сајтот ќе имаат можност да го истакнат своето мислење во однос на тоа кој е најдобар проект за младите во Р. Македонија. Анкетата е веќе поставена.

[democracy id=”6″]

Руските навивачки групи се познати по својата екстремност. Од неодамна тие се договорија меѓу себе и донесоја Кодекс на правила, кој ќе го почитуваат во ситуации на ескалација на настаните.
Целта на овој правилник е да се избегнат или да се намалат случаите на смртност во случај на тепачка и меѓусебни пресметки.
Кодексот го вклучува и тоа да нема тепачки кога игра репрезентацијата, да не се напаѓаат обички навивачи и да не се тепаат навивачи кои ќе паднат на земја.

Овие правила 12 на број, од кои некои се применувале и до сега се следните:

1. Се тепаат само хулиганите меѓусебно, забрането е напаѓање на обични навивачи.
2. Во тепачката е дозволено да се земат навивачки реквизити, но не и мобилни телефони, саати и останати приватни работи.
3. Во конфликт со полицијата се помага на навивач иако е од спротивна страна.
4. Доколкгу некој сам го даде навивачкиот реквизит, не смее да се тепа.
5. Никогаш не смее да се удира жена.
6. Нема тепање додека игра репрезентација.
7. На стадион секогаш се бодри екипата, без разлика на резултатот.
8. Секогаш помогни на братот од групата, без разлика на проблемот кој го има.
9. Секој навивач мора да оди на гостување на кое може да оди.
10. Нема меѓусебни тепачки додека траат европските натпреварувања.
11. Договорени тепачки можат да почнат ако бројот на двете групи е ист.
12. Ако некој во тепачката падне, веќе не смее да се тепа.